Read Mousgoum Ezekiyel 17 Bible Online

Ezekiyel 17 - Mousgoum bible

Ezekiyel 17

¹EPIƊ-ƊAI a muɗaŋa seŋ, a muɗaŋa ɓa:

²ɗif murɗek, miɗiɗi seŋ joro ktai wiiɗi aliɗi Izrayel.

³ku miɗiɗi ɓa: Epiɗ-ɗai Alaw a na muɗa maini nɵa: muka n’abai, na gaŋgraŋni abakai, na baadani mogokai, jereni kiini kiini, juf gara lai, a halasi haa midini afti na Liban. A sumna amai merfeŋni luwuŋ Sedre ɗa, a haɗaŋ edi.

⁴A haɗa tini n’a pasi amlai par n’amai merfeŋni tar ɗa edi, a kaŋ midini afti na ɗai e zi cikili woni, a tikaŋ warni fuŋ n’abai na wiiɗi ɗai zi cakala.

⁵Asakal par a tikasi seyem na zamai ktai midini afti na Izrayel ɗa par, a kaŋ woni hlai n’e zi tutuk woni, a kaŋ ɵimani yem n’abai ta, a paŋ azumai woni maini luwuŋ sol nɵa.

⁶Seyem hanɗa a diya amai, a bunda aŋ luwuŋ zi vin n’abai, amma wilini dai dai, a waa tini edi midini muka ɗa, sirdaini azumai pini par ɗaw lai. A bunda aŋ luwuŋ zi vin n’a goɗa wuzani sek sek, a waa tini edi sek sek lai.

⁷Muka zamai ktai a nafu, abai, gaŋgraŋni abakai, baada sini viya lai. Won hlai n’e piŋ woni par ɗa, luwuŋ zi vin hanɗa a bundasi sirdaini sini zaw, a wasi tini sini zaw lai kapai a mini yem pini;

⁸Luwuŋ zi vin hanɗa, a pa ɗa warni hlai na pɗem gara, ɵimani yem n’abai, kapai a goɗo viya, a waa ali viya lai kapai a bunda aŋ luwuŋ zi vin na abai.

⁹Ku miɗiɗi ɓa: Epiɗ-ɗai Alaw a n’a muɗa maini nɵa: luwuŋ zi vin hanɗa aga a za ta ɗiɗ muka n’avut ɗa aga a hurɗa sirdaini amai lai, a rawa alini azumai lai, kapai a kuyumura, a huula lai kai ɗiɗ Kapai tini n’a pa hahakai ɗa a kuyumura lai kai ɗi! Kapai a hurɗa luwuŋ zi vin hanɗa amai ɗa, a payasi spak na viya haw kaalai, a payasi ɗai viya ta haw kaalai.

¹⁰A pa tiɓ kaw ɗa, a za ta ɗe, smer na gdaŋ na piɗi futi na dawai par a cosi li ɗa, aga a huula edi marwai kai ɗiɗ Aga a huula won hlai n’e piŋ woni ɗa.

¹¹EPIƊ-ƊAI a muɗaŋa seŋ, a muɗaŋa ɓa:

¹²Zilbiɗi ɗai n’e ɵini Gat kai hanɗa haw, e siɗi ezini seŋ n’a muɗa na ɗa ya tiɓ ɗiɗ ku miɗiɗi ɓa: pai na Babilon ɗa a halaɗi a Yeruzalem, a yimasi pai gaiɗi n’abakai na pini, a halasi gaiɗi midini afti na Babilon.

¹³a payasi ɗif zamai na war pinzibaɗi pai par, a za bonu gaini ta, a miɗini ɓa: n’aɓa a za pini gadai na wiini bonu kai ɗa tusa aga a sumna midini, ɗif a ha wala mini ɓa aga a za hanɗa, a miliɗisi n’abakai zi spak na midini afti ɗa edi lai.

¹⁴Kapai paiɗi te bunda hurufi, te kiɗa te faka amai sini kir kai, kapai pai a ɗiya midini bonu n’a zaŋ ɗa kapai a sumna karni.

¹⁵Amma pai na hehe ɗa a faka amai sini pai na Babilon ɗa, a ɵina ɗai sini pai n’Egipte kapai a sinisi plasai gaiɗi askarai viya ta. Ɗif n’a za ɵa na ɗa aga a nava ta ɗi, aga a mula edi yaw ɗiɗ a za pini gadai na wiini bonu kai na ɗa, aga a mula edi yaw!

¹⁶Jire zaŋ, a miɗi na sini Epiɗ-ɗai Alaw par, fakat fakat pai na Izrayel ɗa aga a mra, aga a mra midini afti na wiini pai na Babilon n’a tikaŋ aŋ pai ɗa, buri a ɗiya midini wala n’a haŋ mini ɗa kai, bonu n’e ziŋ arbaɗi ɗa a sini hormo kaalai, nɵa pai na Izrayel aga a mra ɗa aha war Babilon.

¹⁷Won hlai na mi niyi li warni hatam, mi libi ezini ɵaga ɗa li amai aŋ pri aha piɗi, mi ɓili waŋ li aŋ ŋûyi azumai warni aŋ fiɗiɗi ɗai edi viya lai ɗa, pai n’Egipte aga a ɵinasi askarai gaiɗi ɗai viya aŋ cakaŋ tiyi ɗe.

¹⁸Won hlai n’a za pini gadai na wiini bonu kai ɗa, a siŋka ɓa wala n’a haŋ mini ɓa a za pini kai ɗa tusa a sumna midini ɗa a yimaŋ aŋ wala kadai. A za ha ya amma a za pini seŋni kai, aga a mula mini par kaai.

¹⁹Buri hanɗa Epiɗ-ɗai Alaw a na muɗa maini nɵa: jre zaŋ, pai na Izrayel a za pini wala n’a haŋ mini wuza ɓa aga a za pini, ɵa kai ɗa tusa midini ɗa kai, a ɗiya midini bonu na mu zaŋ gaini ɗa kaalai, buri nɵa aga mu zilba wazagai hanɗa paŋ war tini.

²⁰Aga mu gaŋa azaw ezini, mu yimaŋ gaini, aga mu kaŋ war Babilon mu za sariya gaini burini sda na meefeŋ n’a zaŋŋa ɗa.

²¹Askarai n’aga e prisi edi pini vok paŋ par ɗa, aga e nivi fiɗi n’edi gaini kaɵkar, nagai n’e hini piɗi karɗi ɗa, aga mu ɵiriɗi edi warni koŋni afti paŋ lai. Kapai a yima miɗiki ɓa: mu muɗa ɗa muta EPIƊ-ƊAI

²²Epiɗ-ɗai Alaw a na muɗa maini nɵa: aga mu haɗasi tini luwuŋ ktai amai merfeŋni luwuŋ Sedre na mogo ɗa par, aga mu haɗasi tini ktai amai merfeŋni par n’a na gumuɗ gumuɗ, ta mal aga mu paŋ azumai amai midiɗi huwuŋ na muguwi na haa amai.

²³Aga mu paŋ amai midiɗi huwuŋ na mogoɗi a suwa huwuŋ na warɗi Izrayel ɗa paŋ, aga a waa tini edi, a waa alai lai, aga a bunda a luwuŋ Sedre n’abai. Pinzibani wazagai zi ɗufli paŋ aga a za gutni amai sini, aga a sumna pini sezeni lai.

²⁴Nɵa luwoŋai n’edi warni basga paŋ aga a sɗa ɓa EPIƊ-ƊAI muta, luwoŋai na mogokai ɗa mu waiyaŋsi azumai, na gulakai ɗa mu wulaŋ amai mogokai, na hirnaŋ ɗa mu bundaŋ hûleŋ, na hûleŋ ɗa a guɗa lai. Ta EPIƊ-ƊAI mu muɗa ta, aga mu vaŋ amai lai.