Read Mousgoum Ezekiyel 19 Bible Online

Ezekiyel 19 - Mousgoum bible

Ezekiyel 19

¹Tuku ɗa, tika yama zi tuwi ktai amai midiɗi paakai na warɗi Izrayel,

²ku miɗiɗi ɓa: emiki te naka ki siɗiti ya ɗiɗ te gurnai na muni, te fana ɗa arbani gurnakai na maɵagai ɗa waŋ, te wula aliɗi amai ɗa, arbani alini gurnakai.

³Te wula ahiɗi ktai amai su, te hitrini ɵar, a za haa gawla, a hitra ɓisini wala n’a yimaŋ li ɗa lai, a luma ɗai lai.

⁴Pinziba zamai viya e ɵini midini, e yimiŋ warni agu na wiiɗi, e pi kawai merfeŋni, e kiŋ midini afti n’Egipte.

⁵Won hlai na gurnai na muni te baiya haa wala arɗi kai, te baiya pini ɵeɗ haa hlai a hala kaalai ɗa, te yima ktai arbaɗi aliɗi par pra, te wuulaŋ haa a za gawla pra.

⁶A wula ɗa arbani gurnakai blaŋ, a za haa gawla, a hitra ɓisini wala n’a yimaŋ li ɗa ta, luma ɗai lai

⁷A fana gaiɗi falakaiɗi na war greŋ ɗa aŋ gdaŋ, a ɵara ɗai na war fuŋɗi n’abakai ɗa edi, afti gaiɗi ɗai na warni e jiriyi tini hunai, won e ɵini li tuwini ɗa.

⁸Nɵa pinzibaɗi ɗai n’edi par ɵimani ɗa, e kitisi miɗi midini, gaiɗi ɗai na piɗi lawanai na wiini ta ta ɗa lai, e hilisi e gini azawɗi wuzani, e yimiŋ warni lai.

⁹E pi kawai merfeŋni tiɓ, e wiŋ warni kes ɗik, e kiŋni wiini pai na Babilon, e dûgiŋ war daŋgai duk, kapai ɗif a ɵina wulani, midini huwuŋ na wiiɗi Izrayel ɗa kir kai.

¹⁰Amuku te naka maini luwuŋ zi vin nɵa, te naka gaini pi ɵimani yem, te naka te waa gara, ɵemaɗi hicik lai, burini yem na viya ɗa.

¹¹Tini n’a wa edi ɗa gdaŋŋai gara, e zi amaraŋa na wiiɗi nagai n’e ŋi ɗa gaini, wilini ɗa a suwa luwoŋai na zamai ɗa amai paŋ. Ai paŋ e siɗiŋ paŋ burini mogoni, gaini tini n’a waa edi viya ɗa.

¹²Amma e hûrɗiŋ amai gaini suwar n’abai, e biliŋ azumai su, smer na piɗi futi na dawai par a huula alini, a poko azumai ɗa, tini na gdaŋŋai ɗa, a haɗa edi, a huula, afu a yaŋ edi lai.

¹³Tiyana ɗa aŋ gaini pi edi war basga na kaɗataŋ, midini afti na hûleŋ na yem warni kai.

¹⁴Afu ktai a niyasi edi sini tini ɗa par, a ya tini gaini alini paŋ, tini luwuŋ na gdaŋŋai n’e zi amaraŋa wiiɗi nagai n’e ŋi ɗa a hina kir kai. Hanɗa a yama zi tuwi, a zina ɗa aŋ yama zi tuwi ɵa ɵa.