Read Mousgoum Ezekiyel 23 Bible Online

Ezekiyel 23 - Mousgoum bible

Ezekiyel 23

²ɗif murɗek, falakai e ɗika sulu, e ɗi aliɗi muni ktai,

³Won hlai n’e ɗika ɓulamai ɗa, e zi zawar aha warɗi Egipte, woni ɗai e ɵi dawaŋ gaini fiyawɗi, e lilimi fiyaw na miɗi n’amai gaini ɗiyi amai ca ca ɗa,

⁴n’amai ɗa yikiɗi ɓa: Ohola, n’agwi ɗa yikiɗi ɓa: Oholiba. Asakal par ɗa mu miliɗi aŋ falakaia, e wiiŋa ali na maɵagai gaiɗi na falakai, yikiɗi a na maini nɵa: Ohola ɗa te Samariya, Oholiba ɗa te Yeruzalem lai.

⁵Ohola ɗa, aha pa dam paŋ ktai te za zawar, hangalɗi a pra edi piɗi marmakaiɗi na siɗi agulɗi, ɗai na Asiriya n’e ɗa ɵemaɗi ɗa,

⁶e wii siɗi ɗa a sapa na wiiɗi ɗai n’abakai na mekele cih cih, buri ɓa nagai e ɗi lawanai gaiɗi ɗai n’e ziti sariya, paŋ e ɗi gawlakai, e juvi gara, e siɗi deɓarni plasai, ɗif paŋ midiɗi plisini, plisini.

⁷Te za zawarɗi ɗa gaiɗi ɗai n’abakai na war Asiriya, te bunda siɗi hi-hiri gaiɗi marmakaiɗi na hangalɗi a pra edi piɗi ɗa, gaini alawaiɗi zi rgi lai.

⁸Te hala wuzaɗi gaini zawar na te tikasi pini aha warɗi Egipte par, won hlai na ɗai e ɗika e fini gaiɗi, e lilimi fiyaw na miɗi n’amai gaini pi ca ca ɗa, sarti na te na agwi hai, e hitriti war zini zawar.

⁹Nɵa mu hinitiɗi tiɗi marmakaiɗi na siɗi agulɗi, ɗai na Asiriya na hangalɗi a pra edi piɗi ɗa.

¹⁰E kûɵi sapa na siɗi edi, e hiniti ganala sul, e miliɗi aliɗi na maɵagai gaiɗi na falakai yaw, e fiɗiti na edi gaini kaɵkar su, sariya n’e zitiɗi ɗa, te hina buriɗi falakai ɗa aŋ wala n’e tili sini.

¹¹Oholiba na tawalɗi ɗa te tala sda n’a za hanɗa paŋ, amma hangalɗi a pra edi a suwa pra, zawar na wiiɗi ɗa a suwa na wiiɗi tawalɗi pra.

¹²Hangalɗi a pra edi piɗi ɗai na Asiriya na lawanai gaiɗi ɗai n’e ziti sariya na ɵemaɗi, n’e wii sapa na gaini futini siɗi, n’e siɗi deɓarni plasai, ɗif paŋ midini plisni plisni, paŋ e ɗi gawlakai, e jûvi gara lai.

¹³Mu tiliti ɗa, te bunda siɗi hi-hiri pla lai, nagai sulu paŋ e tikiti ɗa te futi na ktai.

¹⁴Zawar na wiiɗi Oholiba ɗa a koro tiɗi kor, mefeŋ zamai ɗa te tala luwuŋ n’e kilɗiŋ aŋ ɗai amai sini hlai tok tok, a sɗa maiɗi ɗai na Babilon ɗa ɵa, a sɗa mekele mekele,

¹⁵santir wuzani ɓak ɓak, midini gaini fiɗi gaini kadamul feɗ feɗ, e siɗi maiɗi paakai ɵa, e ziŋgiɗi ɗai na Babilon ɵa kal kal, e ɗi pinzibaɗi ɗai na Babilon ɗa mal mal.

¹⁶Arɗi gaini yaw tar ɗa, suuna a yimiti tar lai, te ɵina ɗai piɗi war Babilon.

¹⁷Nɵa ɗai na Babilon e hilisi ahaɗi, e fini gaiɗi midini liɗi zi feŋ, e binditi hi-hiri gaini maɵara n’e ziŋ gaiɗi, asakal n’e vidiɗi suunaɗi li e bizi miɗi ta, te dara siɗi kir kai.

¹⁸Te siŋka zawarɗi edi arɗi ɗai gaglai, te siŋka ganalaɗi edi arɗi ɗai paŋ, mu ɓurwa edi gaiɗi maini na mu ɓurwa gaiɗi tawalɗi ɗa nɵa.

¹⁹Te riya zawarɗi amai kapai midiɗi a kɵa gaini sarti na nte naka agwi hai, Won hlai na te naka aŋ za zawar aha warɗi Egipte ɗa.

²⁰Hangalɗi a pra edi piɗi ɗai na maɵarakai ɗa, na piɗi maini ablehökai ɵa, e hi siɗi edi maini plasai ɵa lai.

²¹Oholiba, ku waya na ɗa pini sdaku zi siyer na ku zaŋ war agwiku par ɗa, Won hlai na ɗai n’Egipte e ɗika e lilimi tiɗi amai didikku Won hlai n’e tili fiyaw n’aŋ gaini pi amai muku ɗa.

²²Buri hanɗa Oholiba, Epiɗ-ɗai Alaw a na muɗa maini nɵa: aga mu fikiɗi marmakaiku na siɗi agulku ɗa amai suku, nagai n’e bizi muku na ku dara siɗi kir kai ɗa, aga mu tipiɗisi muduku war hlai paŋ par.

²³ai na Babilon par paŋ, ɗai na Kalde par paŋ, ɗai na Pekod, na Suwa gaiɗi na Kowa gaiɗi ɗai na Siriya paŋ lai, e ɗi gawlakai, e juvi gara, e ɗi lawanai, ɗai n’e ziti sariya gaiɗi ɗai zi sda n’abakai, ɗif paŋ midini plisni plisni.

²⁴Nɵa, aga e hilisi muduku war gal n’azumai par gaini wazagai zi gaw, gaini saret zi gaw, gaini pinzibani mooto zi gaw na kiini kiini, aga e tipisi siɗi muduku, e gunuku azumai aŋ hutumuku gaini gamar n’abakai gaini n’agogoi, gaiɗi juki zi gaw lai, aga mu miɗiɗi n’aŋ suku kafa, nagai aga e zituku sariya pini gadai na wiiɗi.

²⁵Aga mu hinasi sile zi diri na wiya muduku Oholiba, nagai aga e zi suku gaini suwar n’abai, aga e ɗûkli merfeŋku gaini ɵimaku lai edi, aga e fiɗiɗi ɗaiku edi gaini kaɵkar, aga e miliɗi aliku na maɵagai gaiɗi na falakai lai, piɗi n’a hina karni ɗa afu aga aiaŋ edi lai.

²⁶Aga e kûɵi sapa na suku ɗa edi, e mili wazagaiku zi gaŋ ɗa lai.

²⁷Nɵa aga mu ɗiya sdaku zi siyer gaini zawarku na ku tikasi puku gaini aha warɗi Egipte par ɗa, aga ku mula arku piɗi kir kai, muduku aga a kɵa gaiɗi Egipte ɗa kir kaalai.

²⁸Buri Epiɗ-ɗai Alaw a na muɗa maini nɵa: aga mu suku war tiɗi nagai na e bizi muku ku diriɗi kir kai ɗa, na ku ɓurwa gaiɗi ɗa.

²⁹Aga e zi suku maini ɗif n’e diriŋ kai ɵa, e mili derku paŋ, e hunuku ganala, ganala sul, sdaku na haharai gaini sdaku zi siyer ɗa gaini maɵaraku lai aga e siŋkiŋ edi wuzani arɗi ɗai gagalai.

³⁰Aga e zi suku nɵa buri

³¹Ku tikiti te futi na wiiɗi tawalku ɗa, buri nɵa kup na wiini hiyŋa na siɗi ɗa mu sutuku aŋ ci warɗi lai.

³²Epiɗ-ɗai Alaw a na muɗa maini nɵa: aga ku ca warɗi kup na wiiɗi tawalku, te kup n’amai, warɗi hulum, ɗai aga e riyi puku e zuku yewere lai buri kup hanɗa, buri warɗi abai gara.

³³Aga ku va gaini ciini, gaini gir lai, te kup zi vidi gdaŋni ɗif edi, zi ɓilki n’edi, te kup na Samariya na tawalku te citi ɗa.

³⁴Tuku aga ku citi, ku vititi edi kafa, aga ku giɵiti edi, aga ku ɓasa fiyaw na muku gaini kolkoɗaiɗi ɗa ta, mu muɗa ya, a miɗi na sini Epiɗ-ɗai Alaw par.

³⁵Buri hanɗa Epiɗ-ɗai Alaw a na muɗa maini nɵa: Yeruzalem, tuku ɗa muduku a wula gaya skeŋ, ku blaŋa duɓaku sek su, tiyana luba guma na wiini sdaku zi siyer ɗa, gaini na wiini zawarku lai.

³⁶EPIƊ-ƊAI a muɗaŋa, ɗif murɗek, aga ku zitiɗi sariya wiiɗi Ohola gaiɗi Oholiba kai ɗiɗ ku siŋkiɗi midini sdaɗi na haharai n’e ziŋ ɗa.

³⁷Buri ɓa e zi maɵara, e fiɗi ɗai lai, e zi maɵara war hûrgûɗi na wuzani alawai na kadai, pra, aliɗi n’e wiiɗiŋa ɗa e fiɗiɗi, e zini ɓaka gaiɗi lai.

³⁸A ni ta kai, mefeŋni dama e bindi hlaiŋa na sɗik edi hi-hir, mefeŋ Sabbat na wiya e yimiŋ aŋ wala kadai.

³⁹E fiɗiɗisi aliɗi ɗa, e zi ɓaka wiiɗi alawaiɗi zi rgi gaiɗi, mefeŋni dama e hilisi amlai warni hlaiŋa na sɗik maini war hlai na kadai nɵa, hanɗa a wala n’e ziŋ amlai war Dalam na wiya ɗa.

⁴⁰pra, e ɵini piɗi ɗai na midini afti na gaigai, e ɵini ɗai piɗi e hilisi lai, nagai na ku ma suku buriɗi, ku ɗaha pini arku buriɗi, ku waa wazagai zi gaŋ suku buriɗi lai.

⁴¹Asakal par te sumna mini li n’a juva gara dam, te zizina ka simi amai midini tabel ɵimani ta, wazagai zi ɗûgûdi zi lûgûzi na wiya gaini emel na wiya ɗa te zizinaŋka amai midiɗi ta lai

⁴²Vok a tapasi viya, suura ɗa a suura kai, hiinini ɗif midini wala kir kai, pinziba a hinasi edi kai, arbani vok hanɗa par e yikiɗisi ɗai na Saba edi war basga na kaɗatan par e hilisi e wii wazagai zi gaŋ wuulani tiɗi tawalakai na sulu, e piɗi bogora n’a ŋala gara midiɗi lai.

⁴³Nɵa, mu zilba sa maini nɵa: na na gdaŋɗi gaini vidi vat tini maɵara ɗa kaw, siɗi pini zawar ɗa ɗaai!

⁴⁴ai e fini gaiɗi na ɗa maini n’e fini gaiɗi zawar nɵa, Ohola gaiɗi Oholiba falakai na maafanai hanɗa ɗai e fini gaiɗi na ɗa maini hanɗa ɵa lai.

⁴⁵Amma ɗai na jrekai aga e ziɗi sariya, maini n’e ziɗi sariya wiiɗi falakai na maɵarakai gaiɗi n’e fiɗi ɗai nɵa, buri nagai e ɗi zi maɵara, e ɗi zi fiɗi ɗai lai.

⁴⁶Buri Epiɗ-ɗai Alaw a na muɗa maini nɵa: a zuva ɓa vokɗi ɗai a diŋgasi midiɗi, aga mu siɗi war tiɗi kapai, e miliɗi hunai piɗi, e virmi wazagaiɗi lai,

⁴⁷vok hanɗa a biliɗi fiɗiɗi edi gaini kriyit gaini kaɵkar lai, e fiɗiɗi aliɗi na maɵagai gaiɗi na falakai lai edi, aga e yi dalamɗi edi lai.

⁴⁸Aga mu vada sda zi siyer hanɗa edi midini afti par, wala hanɗa aga a hitriɗi falakai paŋ, kapai e zi wala zi siyer maini na wiiɗi tawalakai na sulu ɵa kir kai.

⁴⁹Ohola gaiɗi Oholiba, sdaki zi siyer ɗa aga a pɵa miɗiki, tuwur na wiini hûrgi n’azumai na wuzani alawai zi rgi ɗa a sumna miɗiki, nɵa aga a yima miɗiki ɓa, ta m’Epiɗ-ɗai Alaw.