Read Mousgoum Ezekiyel 24 Bible Online

Ezekiyel 24 - Mousgoum bible

Ezekiyel 24

¹War mefeŋ n’ag'aŋ doogo na wiini tile n’ag'aŋ doogo na wiini buza n’ag'aŋ ɵeeŋe ɗa, EPIƊ-ƊAI a muɗaŋa seŋ, a muɗaŋa ɓa:

²ɗif murɗek, mefeŋ hanɗa, ku ɗoŋ azumai tuku ɗo, a yuvai na girna ɗa mal mal, pai na Babilon aga a cikiti Yeruzalem ɗa girna haa.

³Ku muɗa seŋ zi siŋka maini sini pinziba n’e ɵina Gat kai hanɗa, ku miɗiɗi ɓa: EPIƊ-ƊAI a na muɗa maini nɵa: piyiti doknai ktai ta, piyiti ta, ma yem warɗi do.

⁴Mula neŋ paŋ avu warɗi, neŋ na pɗamai paŋ: ɓul lai, kerpeɵ lai. Ku va miɗi amai gaini keɵke na pɗamai ɗa.

⁵Ku Paia adime na gaini futini ta, ku mula keɵkeni azumai pini neŋ par, ku divaŋ haa yem pini kir kai, haa keɵke paŋ a da kumuɗ.

⁶Buri hanɗa, Epiɗ-ɗai Alaw a na muɗa maini nɵa: haw gara burini fuŋ n’abai zi fiɗi ɗai, doknai na gaini cûri cor, na cûriɗi a kora edi kai, tikasi neŋ na warɗi ɗa, tikasi edi ktaiya, ktaiya haa a vada, ku baiya wala zi vili haw kai.

⁷Buri fel na Yeruzalem te maŋ edi ɗa a na warɗi hai, te maŋ ɗa amai midiɗi huwuŋ na wala ktai midiɗi kai, te maŋ ɗa azumai midini afti, kapai te yima afti midini ɗa kaai.

⁸Gaini hiy n’abai, kapai mu vurga meefeŋ na Yeruzalem te zaŋ ɗa, mu ma felɗi ɗa amai midiɗi huwuŋ na wala ktai midiɗi kai hok lai, kapai e yimi afti midini kai.

⁹Buri hanɗa Epiɗ-ɗai Alaw a na muɗa maini nɵa: haw gara buri fuŋ n’abai zi fiɗi ɗai, aga mu tapa luwuŋ, mu pa afu n’abai.

¹⁰Tapa luwuŋ amai viya, pa afu, vuŋga neŋ ɗa gaini futini, poko wazagai n’e ziŋ sini kapai a luma pɗem ɗa sini, hina keɵke ɗa a ya edi marwai lai.

¹¹doknai na ɗa, ku tikiti avu midini morjo kadai ta, kapai te sawa, kapai kiiya n’e ziti gaini ɗa a ɵa mekele, kapai selte n’aŋ warɗi ɗa a ho amai, sini zi cûri ɗa a ya edi lai.

¹²Was n’aga ki fiɗiŋ paŋ ɗa meere kadai, siɗi doknai na gaini cûri ɗa aga a tika edi gaini afu kai.

¹³Yeruzalem, siyer ɗa a payaiku na meefeŋ ɗa, ta mu firiya ɓa mu zuku edi hilu amma ku za ɵa kai, aga ku za edi hilu kir kai haa hiyŋa n’abai na suku a va amai suku.

¹⁴Mu muɗa na ɗa muta EPIƊ-ƊAI, wala hanɗa aga a za, aga mu zaŋ lai, mu hina wala ktai pa kai, hiinini haw aga a yimaŋa kaalai, aga mu pla ma kaalai. Aga e zutuku sariya ɗa pini payaiku gaini sdaku na ku zaŋ ɗa, a miɗi na sini Epiɗ-ɗai Alaw par.

¹⁵EPIƊ-ƊAI a muɗaŋa seŋ, a muɗaŋa maini nɵa:

¹⁶Ɗif murɗek, na na te juva arku gara ɗa, aga mu yimiti edi tizaw. Amma ku ɵa hama suku kai, ku tuwa kai, tuwi maa aga a ka arku kaalai.

¹⁷Ku tuwa gai warku amlai, ku wa sapa zi tuwi suku kai, ku faɗa kadamul muduku feɗ, ku wa harabakku azuku ca, ku rga wala midini muɗugwi na muku ɗa kai, ku suma simi na ɗai na ɵimaku e diŋsi min tuwi ɗa kai.

¹⁸Gorof par mu muɗa seŋ hanɗa wiiɗi ɗai, koskoi ɗa muniya te mra su lai. Dawaini mu za maini n’a muɗa sa nɵa.

¹⁹Ɗai e zilbiŋa e miɗi: wala na ku zaŋ na ɗa, ku firya ku hitriyi tiɓ ɗa a ma ɗa?

²⁰Nɵa mu wiyiɗi seŋ, EPIƊ-ƊAI a muɗaŋa seŋ maini nɵa:

²¹Ku miɗiɗi wiiɗi aliɗi Izrayel ɓa: Epiɗ-ɗai Alaw a na muɗa maini nɵa hlai na sɗik na wiya na tiki ki kûli siki gaini, n’a tala arki juf gara, na suŋfaki paŋ a sa edi midini na ɗa, aga mu bundaŋ aŋ wala na kadai. Aliki na maɵagai gaiɗi na falakai na ki hiniɗisi aha war Yeruzalem ɗa, aga e fiɗiɗi edi gaini kaɵkar.

²²Nɵa, aga ki zi maini na mu na zaŋ na ɗa ɵa, ki rgi wala midini miɗigi na miki kai, ki simi simi na ɗai na ɵimaki e diŋsi min tuwi ɗa kai.

²³Ki fiɗi kadamulki midiki feɗ feɗ, ki wi harabakki eziki ca ca lai, ki ɵi hama siki kai, ki tûwi kaalai, amma aga ki hûfi war meefeŋki, ki tûwi marki arbaɗi marki lai.

²⁴Ezekiyel aga a za aŋ wala zi siŋki buriki n’a zaŋ paŋ ɗa aga ki zi kal kal maini ɵa. Nɵa, won hlai na wala hanɗa a za li ɗa, aga a yima midiki ɓa ta m’Epiɗ-ɗai Alaw.

²⁵Amma tuku ɗif murɗek, fakat mefeŋ aga a gizi; mefeŋ ni ɗa, aga mu vada hlai na Sɗik na wiya, na nagai e ŋi siɗi gaini, n’a siɗi firyi gara, n’a juva gara, n’a tala arɗi juf gara, na suŋfaɗi paŋ a sa edi midini na ɗa edi. Aga mu vidiɗi aliɗi a maɵagai gaiɗi na falakai edi lai.

²⁶Mefeŋ ni ɗa, ni n’a hinasi li karni ɗa, aga a halasi suku a suku labar.

²⁷Mefeŋ ni ɗa, muku aga a mala amai. Aga ku muɗa seŋ gaini ɗif n’a hina karni ɗa, aga ku hina ɓurtum kir kai. Aga ku za aŋ wala zi siŋki buriɗi Izrayel. Nɵa aga a yima midiɗi ɓa ta m’EPIƊ-ƊAI