Read Mousgoum Ezekiyel 26 Bible Online

Ezekiyel 26 - Mousgoum bible

Ezekiyel 26

¹War buza na g'aŋ doogo pi ktai, war mefeŋ n’avut na wiini tile, miɗi na wiini EPIƊ-ƊAI a muɗa sa maini nɵa:

²Tuku ɗif, buri ɗa ɗai na Tirus e riyi piɗi Yeruzalem e miɗi: Ha! ha! A malali edi, min magala na wiiɗi ɗai! Girna a hlai na wiyi buri mi zi farai, buri na te kɵa su!

³Nɵa Epiɗ-ɗai Alaw a na muɗa maini nɵa: Mu na halɗi muduku, tuku Tirus. Aga mu faka afti viya amai suku maini Yem ra n’abai n’a ɵiɗa maiawni amai nɵa.

⁴Aga e hiɗi ɵaga na Tirus azumai, Aga e hiɗi hlaiɗi zi giɗam azumai; aga mu doogo kolkoɗai edi kat, Mu hiniti huwuŋi n’azumai piɗi kadai su.

⁵Aga te bunda edi arbani Yem ra n’abai aŋ hlai zi huli ava Buri mu muɗa ya, A miɗi na wiini Epiɗ-ɗai Alaw

⁶Ɗai n’e ɗa war fuŋ n’agogoi n’edi ɵimaɗi aga e nivi fiɗi n’edi gaini kaɵkar. Nɵa aga e siɗi ɓa ta m’EPIƊ-ƊAI.

⁷Buri Epiɗ-ɗai Alaw a na muɗa maini nɵa: War gal n’azumai par, aga mu kasi Nebukadnosor, pai na Babilon, paiɗi paakai midiɗi Tirus; aga a halasi gaini plasai, gaini saret zi gaw, gaiɗi askarai na gaini plasai gaini vokɗi askarai n’a pɵani kai pini.

⁸Aga a fiɗiɗi ɗaiku n’e ɗa edi par ɵimaku war fuŋ n’agogoi; Aga e ɓili waŋ n’e ŋûyi warni won hlai n’e hitimi gaiku, Aga e libi afti amai kapai e pri aha war fuŋ midini par, aga e zizini gamar n’e kûti siɗi gaini lai.

⁹Gaini masi; nni zi hatam aga e dibi ɵaga, Aga a haɗa hlai zi geɗama azumai gaini digani.

¹⁰Pin vokni plasaini, alogodo aga a puku azumai; pin vugumni diɓrini plasai, gaini ezini saret zi gaw lai, zilagaiki aga te muguza won hlai n’aga a niyasi aha min hlaiki par maini na ɗai e niyi aha war fuŋ n’abai war baŋa n’e ɓiliŋ par nɵa.

¹¹Aga a gzila futiki paŋ amai gaini totrok n’ezini plasaini, aga a fiɗiɗi ɗai edi gaini kaɵkar, Kriyitku na gai zigi amai mogokai, n’a siŋka sipakku edi aga a hurba azumai.

¹²Aga e mili faraiku aŋ derɗi, aga e hili wazagaiku zi sakala, aga e hiɗi zilagaku azumai e giɵi dalamaiku na ɓa farai viya azumai; aga e pûki kriyitk, gaini luwoŋai gaini kolkoɗai lai agoɗom pin yem.

¹³Aga mu ɗiya yamaki na n’a wa Gaini tuwini adill ɗif aga a ɵinaŋ kir kai.

¹⁴Aga mu zuku aŋ huwu; ni na wala midiɗi kai, Aga ku bunda aŋ hlai zi huli ava, aga ku rga amai kir kai: buri ta EPIƊ-ƊAI mu muɗa ya A miɗi na wiini Epiɗ-ɗai Alaw.

¹⁵Epiɗ-ɗai Alaw a na muɗa siɗi Tirus maini nɵa: Pin suurani kɵiku, war nuumi na wiiɗi ɗai na gai wruk, war fiɗi n’aga a za arbaki, ɗai na midini wudi n’agogoi aga e ziriyi kai ɗiɗ

¹⁶Paakai n’e ŋi midini afti n’a wulani Yem ra n’abai aga e niyi azumai war paramaiɗi par, aga e kuɵi sapa na siɗi edi; aga e wi sapaɗi na wulani gai tikiri edi; Hunai aga te yimi, aga e simni azumai arni afti kadai, e hini na ɗa war jiriyi ɵa hiinini haw aga a yimiɗi buriku lai.

¹⁷Aga e tiki yama zi tuwi amai buriku, aga e miɗi: A vada edi ɵa maɵa maɵa ɗa, fuŋ n’abai na ɗaini e hilisi war yem-ra par, fuŋ n’abai na yikini a wa gara na gadaŋni gaini gadaŋɗi ɗaini a halasi war Yem ra n’abai par,

¹⁸Tiyana ɗai na midini wudi e jiriyi burini kɵiku, Nagai n’e simni midini wudi e ɗa war hunai n’abai gara burini vidiku.

¹⁹Buri Epiɗ-ɗai Alaw a na muɗa maini nɵa: won hlai na mu zukuli aŋ gre; n maini fu; n na ɗif a sumna warni kir kai nɵa, won hlai na mu kasi yem n’abai agoɗom war Yem ra n’abai par kapai a rɓuku,

²⁰Aga mu wuku azumai war hlaiɗi zi mri n’e ɗa war waŋ, siɗi na marai. Aga mu zuku aŋ ɗif na'zumai pini afti. Aga ku bunda gaiɗi nagai n’e mri lai maini greŋ n’avut par nɵa: ɗif aga a sumna muduku kir kai kapai mu kitisi pɗemi midiɗi duniya na wiini wazagai na karni.

²¹Aga mu bunduku aŋ wala zi mili hunai, buri ɗif aga a nuvuku kir kai; ɗai aga e piyuku amma aga e nuvuku kir kai, duk kai zaŋ -A miɗi na wiini Epiɗ-ɗai Alaw."