Read Mousgoum Ezekiyel 38 Bible Online

Ezekiyel 38 - Mousgoum bible

Ezekiyel 38

¹Seŋ na wiini EPIƊ-ƊAI ktai a muɗa sa maini nɵa:

²" Tuku ɗif, bunda arku sin Gog sek, sin afti na wiini Magog, pai n’abai na Mesek gaiɗi Tubal; muɗa seŋ na sa par ktai sini.

³Ku miɗini ɓa: 'Epiɗ-ɗai Alaw a na muɗa maini nɵa: Gog, pai n’abai na Mesek gaiɗi Tubal, mu na halɗi muduku,

⁴Aga mu pa eleŋje war muku, mu gidiyuku gaini, aga mu yimukusi edi midini aftiku par gaiɗi askaraiku paŋ: plasai gaiɗi ɗai n’e diɓiriŋ gai gini kap, vok n’abai na gaini gamar n’agogoi gaini n’abakai lai war tiɗi, e siɗi zugiyini kaɵkar kafa.

⁵Ɗai na Persus, na Etiopiya gaiɗi na Put aga e diŋgi gaiɗi- gai hlaiɗi e ɗa gaini gamar tiɗi gaini bogorai midiɗi lai-

⁶Gomer gaiɗi vokɗi askaraiɗi kafa, Bet-Togarma, azumai merfeŋ gal n’azumai sek gaini vokɗi askaraiɗi lai, vokɗi ɗai viya aga e tipi gaiku.

⁷Zizina suku pɗem, tuku gaini vokɗi ɗai na ku tipiɗi suku; aga ku bunda aŋ geɗam na wiiɗi.

⁸Mefeŋ a za yaw, ɵa kai mi fiki fu na amai suku! Amma hanɗa aga a za wuzamu sek, sin afti ktai na ɗaini aga e kiɗi edi midini afti zamai asakalni vigini gaw par. ɗai hanɗa e hilisi midini afti na ɗai warni viya par, e tipiɗisi midini huwuŋ na wiiɗi Izrayel na nafu war greŋ buza viya. ɗai hanɗa e yimiɗisi edi arbaɗi ɗai par, amma aga e simni ɵeɗ, huwyi siɗi kir kai.

⁹Aga ku hala amai piɗi, aga ku co siɗi maini barawai nɵa, maini ɗugul na wa edi midini afti paŋ nɵa, tuku gaiɗi askaraiku gaiɗi ɗai na viya n’e ɗa gaiku.

¹⁰Epiɗ-ɗai Alaw a na muɗa maini nɵa: War mefeŋ hanɗa, hiini zamai viya viya aga a cosi muduku, aga ku kata sda na meefeŋ muduku,

¹¹aga ku mu hiina warku ɓa mu hala na midini afti na gadaŋni aŋ kai, mu hala na siɗi ɗai na huwyi siɗi kai, n’e ɗa war ɵeɗ: Fuŋɗi n’abakai ɵaga sini kai, kawai n’e ɵi min hlaiɗi gaini aŋ kai, porte min hlaiɗi kaalai.

¹²Aga ku hala aŋ tapa der na min hatam, aŋ hala, aŋ hitimiɗi nagai n’e rgi greŋɗi amai, ku hala na midini ɗai n’e tipiɗisi edi arbaɗi pinzibaɗi ɗai par n’e ɗa gaini zilakaiɗi gaini wazagai zamai zamai lai, n’e simni midini kuftiɗi yai tar.

¹³Saba, Dedan, ɗai zi sakala na Tarsis gaini ali gurnai paŋ aga e muɗuku ŋa: "Ku halasi ɗa aŋ tapa der na min hatam ɗi?, ku tipiɗisi ɗaiku na aŋ hili wazagai ɗe ɗi? Aŋ mula arzaŋ gaini or ɗe ɗi, aŋ mula ɵakaiyi gaini wazagai zamai zamai lai aŋ tapa der viya ɗi?

¹⁴Nɵa ɗa, tuku ɗif, muɗa seŋ na sa par ktai, ku miɗini wiini Gog ɗa: 'Epiɗ-ɗai Alaw a na muɗa maini nɵa: Mefeŋ na ɗaiŋa Izrayel aga e simni ɵeɗ, aga ku siɗaŋ kai ɗi?

¹⁵Aga ku fakasi midini aftiku par, azumai merfeŋ gal n’azumai par, tuku gaini vokɗi ɗai puku viya, duɓani plasai dam dam. Aga ki zi viya, ki zi aŋ vokɗi askarai n’abai lai.

¹⁶Aga ku hala midiɗi ɗaiŋa Izrayel, aga ku wa tuku edi midini afti paŋ maini ɗugul nɵa. Hanɗa aga a za war dibini hlai; aga mu kukusi midini aftiŋa, kapai pinziba paŋ a siɗaŋa, won hlai n’aga mu siŋka edi ɓa mu na sɗik gaiku tuku Gog wuzani arɗi paŋ.

¹⁷Epiɗ-ɗai Alaw a na muɗa maini nɵa: "Ku tuku mal tar, na mu muɗa midini war mefeŋ na vuga li, war miɗi ɗai na min Alaw na war Izrayel, n’e miɗi miɗi na sa par war mefeŋ hanɗa, -e miɗi buza viya, aga mu kukusi midiɗi ku tuku.

¹⁸War mefeŋ ni ɗa, mefeŋ na Gog aga a cosi midini afti na Izrayel ɗa- ara aga a cora tin suwar -a miɗi na sin Epiɗ-ɗai Alaw par-

¹⁹Mu miɗki na jre war sileŋa, war afuni hiyŋa n’abai lai, mefeŋ ni ɗa ziriyini afti aga a za midini afti na wiiɗi Izrayel.

²⁰Hilif n’agoɗom arni yem, wala zi ɗifli n’arbani hlai n’amai, wazagai n’edi buza, wazagai n’a hidila midini afti paŋ, gaiɗi ɗai murɗakai na midini afti paŋ lai aga a ziriya wuza, huwaŋai a hiɗiga, sini huwuŋ na torkoɵai a yaka edi, ɵaga paŋ a kɵa azumai.

²¹Aga mu yikasi gaw midini Gog midini huwaŋai na wiya paŋ par, ɗaiku aga e fiɗi marɗi arbaɗi marɗi dama- a miɗi na sin Epiɗ-ɗai Alaw par-

²²Aga mu ziti sariya na wiini gaini vlak, gaini fel lai; aga mu hinasi midini, midiɗi askaraini, midiɗi ɗai na viya n’e da gaini lai, faŋ n’abai zi wutiŋ, z'afu, zi burutu n’a ya lai.

²³Aga mu siŋkiti abaiŋa gaini yikiŋa ns sɗik edi. Aga mu siŋka sa edi wuzani arɗi ɗai viya. Nɵa aga e siɗi ɓa ta m’EPIƊ-ƊAI.