Read Mousgoum Ezekiyel 40 Bible Online

Ezekiyel 40 - Mousgoum bible

Ezekiyel 40

¹War mefeŋ n’ag'aŋ doogo na wiini tile, war buza n’ag'aŋ caaɓa pi ɵim asakal kiyi n’edi aŋ bege par, buza doogo pi puɗu asakal kɵiɗi Yeruzalem par, war mefeŋ ni tar, EPIƊ-ƊAI a yimaŋa war spakni, a kaŋa woni.

²War wazagai n’Alaw a siŋkaŋ wuzani ara, a kaŋa midini afti na wiiɗi Izrayel, a tikaŋa amai midiɗi huwuŋ na mugwi gara, amai midiɗi war gal n’amai sek, wala a tala ara maini dalamai na wiini fuŋ n’abai nɵa.

³A kaŋa woni; mu nava ɗif woni zaw sini a tala maini kiye na mekele nɵa. Sogom zi leŋ gaiɗi amaraŋai zi kiti mogoni wala tini yaw. A ɗiya min hlai par zaw.

⁴Ɗif a muɗaŋa: " Tuku ɗif, tala gaini arku, ɵina gai ɵimaku; ku tika hangalku sin wala n’aga mu siŋkuŋku, buri e kukusi won na buri ŋa mu siŋkuŋku. Aga ku miɗiɗi na ku talaŋ paŋ wiiɗi aliɗi Izrayel."

⁵Mu tala ɵaga n’anene par sin tempel gunna. Amaraŋai zi kiti mogoni hlai tini ɗif ɗaw, te za kil ɵaara, kilni a suwa kil edi gai ti ŋa. A kata brukni ɵaga, a za amaraŋai ɗaw, mogoni n’amai zaw, amaraŋai ɗaw lai.

⁶A halasi sin porte n’a piɗi futi na dawai par sek ɗa, a niya amai midini ɓok, a kata min hlai ɗa ta, hulumni n’azumai zaw ɗa amaraŋai ɗaw, - min porte paŋ, hulumni n’azumai zaw ɗa a za amaraŋai ɗaw ɗaw.

⁷Dalam na wiiɗi ɗai zi giɗam paŋ, mogoni gaini bruknikal kal ɗaw, brukni amaraŋai ɗaw, arbani dalam a na kil ɵim ɵim. Sin min hlai na! n ɵimani diɓir na min porte na min tempel par ta haa amlai arba ɗa a za amaraŋai ɗaw.

⁸A kata mogoɗi dilimi na min magala amlai ta

⁹mogoni azumai sek a za kil mitwis, g na pini a za kil sulu sulu, dilimi na min hlai a pa aha sek.

¹⁰Dalam zi geɗam na sin magala na war gal na piɗi futi na dawai par: hu war gal hanɗa sek, hu war na hanɗa zaw lai, na hu mogoni kal kal, grani mogono kal kal lai, war gra? Na sulu paŋ.

¹¹A tika mogoni brukni min porte n’e niyi warni par a za kil doogo, hulumni n’azumai zaw a za kil doogo pi hu lai.

¹²ɓaŋa nafu wuzani dalam zi geɗam su, ɓaŋa hanɗa a za kil ktai war gal hanɗa par lai hanɗa par lai, dalamai zi geɗam brukni gaini mogoni kil ɵaara ɵaara.

¹³A kata mogoni porte ɗa, amlai war dilimi ktai par haa warɗi dilimi na zamai; brukni a za kil caaɓa pi ɵim, min dalamai a kata midini marni tar tar.

¹⁴A kata mogoni diɓir ɗa, a na kil caaɓa, amma diɓir na min porte ɗa, a! n gai gûni azumai gun tin pakataini tempel ɗa.

¹⁵Ɓaŋa n’arbani min porte n’e niyi aha warni gaini diɓir na wiini min hlai n’aha sek a za kil doogo doogo ɵim.

¹⁶Arni dalam zi geɗam gaini gra na pini a nafu gaini giryas, amlai par min magala, sini dalamai paŋ, veranda nɵa lai, ɓaŋa arɗi su su sini paŋ war gal n’aha sek ŋa. Sini gra paŋ e ziŋ juf gaini ɵimani hura.

¹⁷Ɗif a kaŋa war pakatai n’anene par, mu tala dalamai gaini hlai na gai libi amai; dalamai gai zizini gai futini, siɗi pakatai ɗawwa dalam doogo doogo hu midini hlai na gai libi hanɗa.

¹⁸Hlai zi libi, won gal na wiini magala a kata gaini mogoni brukni min magala: hanɗa a hlai zi libi n’aha par.

¹⁹a kata mogoni hlai na min min magala n’azumai par haa sin duɓani hlai na anene par na wiini pakatai n’aha ta a za kil miya. hanɗa a na wiini piɗi futi na dawai par. Amma gal n’azumai sek,

²⁰a tika mogo gaini brukni magala n’arni azumai sek, sin pakatai n’anene par.

²¹Dalama zi geɗam, hu war gal hanɗa par, hu war hanɗa par, grakaini gaini verandani mogoni gaini brukni kalkal maini na wiini magala n’avut nɵa; mogoni kil doogo doogo ɵim, brukni kil caaɓa pi ɵim.

²²Ɓaŋa n’arni, verandani gaini ɵimani hura a nafu kal kal maini na wiini magala n’arni piɗi futi na dawai par nɵa; aŋ niyi amai woni ku ha hlai amai muguzak; veranda wuzaku par tar.

²³Magalai na wiini pakatai n’aha a na mini magala na war gal n’azumai sek, maini n’a zaŋ gaini min magala na piɗi futi na dawai par nɵa, ɗif a tika mogoni hlai sin miɗi dilimi ktai par haa sin miɗi dilimi na wuzaɗi par a za kil miya ɗaw.

²⁴A kaŋa won gal n’amai sek, mu tala min hlai ktai arni amai sek. A tika mogoni gaini brukni grakaini, verandani: kal kal maini marni na zamai nɵa.

²⁵Magala gaini verandaɗi ɓaŋa arni su su kal kal maini marni na zamai nɵa, mogoni kil doogo doogo ɵim, brukni kil caaɓa pi ɵim.

²⁶Aŋ niya amai mini verandani, ku ha hlai amai muguzak. Sini grakaini ɵimani hura na par lai na par lai.

²⁷Pakatai n’aha sek, magalai miɗi su, arɗi amai sek; a tika mogoni hlai miɗi magalai ktai par haa siɗi magalai n’arɗi par, a za kil miya ɗaw.

²⁸A kaŋa aha war pakatai n’aha, war min magala n’amai sek, a tika mogoni gaini brukni magala hanɗa: kal kal maini marni na zamai nɵa.

²⁹Dalamaini zi geɗam, grakaini gaini verandani, mogoni gaini brukni kalkal maini marni na zamai nɵa. Min hlai gaini verandani ɓaŋa arni su su, si hlai paŋ; mogoni kil doogo doogo ɵim, brukni kil caaɓa pi ɵim.

³⁰Veranda a gonaŋ azumai gun; mogoni kil caaɓa pi ɵim; brukni kil ɵim lai.

³¹Verandani a na sin pakatai n’anene sek, ɵimani hura a nafu gai fiɗiŋ sini garakaini; aŋ niyi amai war veranda ku ha hlai amai mitwis.

³²A kaŋa amlai war pakatai n’amlai war min magala na piɗi futi na dawai par. A tika mogoni min magala: mogoni gaini brukni a nava kal kal maini marni na zamai nɵa.

³³Dalamaini zi geɗam, grakaini gaini verandani: mogoni gaini brukni maini marni na zamai nɵa. Magalai gaini verandani ɓaŋa arni su su, sini paŋ; mogoni kil doogo doogo ɵim, brukni kil caaɓa pi ɵim.

³⁴Par, arku sini pakatai na anene sa; e fiɗiŋ ɵimani hura sini grakaini na par lai na par lai. Ku niya amai warni sek ku ha hlai amai mitwis.

³⁵A kaŋasi sin magala na war gal n’azumai sek; a tika mogoni gaini brukni, a navaŋ kal kal maini marni na zamai nɵa.

³⁶Dalamɗi zi geɗam a na, grani a na, verandani a na lai, gaini ɓaŋa ni n’arni sini gai guni gun; mogoni kil doogo doogo ɵim; brukni kil caaɓa pi ɵim.

³⁷War verandani par arku sin pakatai n’anene sa; e fiɗiŋ ɵimani hura sini grakaini na par lai na par lai, aŋ niya amai warni, ku ha hlai amai mitwis.

³⁸Dilimi ktai miɗi sin veranda na min magala sek; woni e mi wazagai n’e diri e zi ɓaka zi yi gaini edi.

³⁹Amlai war veranda na min magala, tabel a na, sulu won gal na hanɗa par sulu won na hanɗa sek lai, na e fiɗi wazagai zi ɓaka zi yi midini, gaini wazagai zi ɓaka na burini tuwur gaini ɓaka na buri hinini tuwur lai.

⁴⁰A anene par war gal n’azumai sek, won hlai na ɗif a na niya amai mini magala na war gal hanɗa, tabel a na sulu, ɵimani veranda na min magala na par tabel a na sulu lai.

⁴¹Tabel puɗu ɵimani min hlai war gal hanɗa par, puɗu war gal hanɗa par lai. Tabel mitwis na e fiɗi wazagai midini.

⁴²Tabel na wiini ɓaka zi yi puɗu, e ziŋ gaini huwuŋ zi kilɗi; mogoni kil ɗaw gai gal, brukni kil ɗaw gai gal, mogoni amai sek kil ktai. Midini tabel hanɗa e mili wazagai n’e fiɗi wazagai zi ɓaka na zi yi zaw ɓaka na kadai gaini.

⁴³Slimaɗi tabel n’edi ɗaw e ziŋ azumai huduk agwi, brukni tiy ɗa. E mili neŋ zi ɓaka amai midini.

⁴⁴Edi sin min hlai n’amlai par, dalam na wiiɗi ɗai zi zini yama a na aha war pakatai n’aha: na ktai t'a; war gal na wiini magala n’azumai sek, arɗi amai zaw, na ktai war gal na wiini magala n’amai sek, arɗi azumai zaw lai.

⁴⁵Ɗif a muɗaŋa ŋa: Dilimi n’arɗi amai zaw hanɗa, te na buriɗi paakai zi ɓaka n’aga e zi sda amlai warni tempel.

⁴⁶Dilimi n’arɗi azumai zaw hanɗa te na buriɗi paakai zi ɓaka n’e zi sda midini gûwiŋ zi ɓaka. Hanɗa e ɗi alini Sadok, na war pinzibani Levi, nagai aga e hilisi wuzani EPIƊ-ƊAI aŋ zi ɵeŋni.

⁴⁷Ɗif a kata mogoni gaini brukni pakatai a navaŋ kal kal. Mogoni a za kil miya ɗaw, brukni kil miya ɗaw lai. Hlai zi ɓaka a ɗiya wuzani tempel par.

⁴⁸A kaŋa amlai war veranda na wiini tempel; a tika mogoni gaini brukni grakai na wiini veranda: a za kil ɵim na zaw lai, kil ɵim na nsek lai, brukni magala a za kil hu war gal ktai, kil hu war gal na zamai lai.

⁴⁹Mogoni veranda kil caaɓa, brukni kil doogo pi sulu, hlai n’e hi amai midini a na doogo lai. Luwuŋai na gadaŋai n’abakai sulu a nafu ɵimani grakai. Ktai war gal hanɗa par ktai na par lai.