Read Mousgoum Ezekiyel 42 Bible Online

Ezekiyel 42 - Mousgoum bible

Ezekiyel 42

¹Ɗif a kaŋasi anene war Pakatai na anene par war min hlai n’azumai par. A kaŋa amlai war dalamai n’aŋsi wuzani pakatai par, ɵimaɗi dilimi n’amai na war gal n’azumai sek.

²Wuzani min hlai hanɗa, mogoni a na kil miya ɗaw, gal n’azumai sek brukni kil doogo doogo ɵim lai.

³Galni na sin tempel sek kil caaɓa, gal na sin pakatai sek, wuzani hlai a gai didigi gai libi amai lai futi a vuga amai midini marni ɗaw ɗaw haa amai sin rgini fuŋ na g'aŋ hu ta.

⁴Aha par wuzani dalam hanɗa sin pakatai n’aha sek futi te na su, brukɗi kil doogo, mogoɗi kil miya ɗaw. ɗif a niya amlai war dalam hanɗa war gal n’azumai par ɗaw.

⁵Dalama n’amai war giri n’a ga? Hu agogoi sini n’azumai par. Buri brukni futi n’arbani a riya edi sek sek a faiasi mogoni dalam amlai sek sek. Dalam hanɗa agogoi sin n’azumai pi gaini n’arba ɗa.

⁶Dalama hanɗa aŋ gai giri amai midini marni haa hu, amma wala n’arbani n’a sa gadaŋ Wiini ɵaga maini luwuŋ n’arba nɵa maini n’a na sin ɵaga na wiini pakatai nɵa aŋ kai. Pra dalamai hanɗa aŋ gai fiyi fai fai sin n’a na azumai pi par gaini n’arba lai.

⁷Hlai zi rgi na anene par min hlai na sin pakatai na anene par, aha par wuzaɗi dilimi mogoni kil doogo doogo ɵim.

⁸Mogoni dalamai n sin pakatai na anene par kil doogo doogo ɵim; amma wuzaɗi dilimi n’amai par kil miya ɗaw.

⁹Azumai par pini dalamai hanɗa, war gal na piɗi futi na dawai par, futi ktai te na buriɗi nagai n’e hilisi aha war pakatai n’anene par.

¹⁰War brukni ɵaga na sini pakatai, war gal na piɗi futi na dawai sek, wuzani pakatai gaiɗi dilimi n’amai par, dalam zamai a na.

¹¹Wuzani dalam hanɗa futi te na su. Dalama ni ɗa a tala maini n’aŋsi war gal n’azumai par nɵa. Mogoni gaini brukni, min hlai n’e niyi e anene woni par, n’e niyi edi woni par gaini rgini n’a rga lai mai marni ɵa ɵa.

¹²Mini a tala maini min dalamai na war gal n’amai sek nɵa: min hlai ktai a na war hlai na futi te tikaɗi piɗi woni par, wuzani ɵaga na piɗi futi na dawai par.

¹³Ɗif a muɗaŋa ŋa: "Dalamai n’aŋsi war gal n’azumai par gaini n’a na war gal n’amai par lai a dalamai na vara edi aŋ wiini EPIƊ-ƊAI; paakai zi ɓaka n’e hilisi wuzani EPIƊ-ƊAI paŋ aga e simi wazagai na sɗik gara woni. Wazagai na sɗik gara aga e giɗimi? Woni lai, like gaini ɓaka na burini tuwur gaini ɓaka buri zizinini wala, buri hlai hanɗa a na sɗik.

¹⁴Won hlai n’e niyili amlai ɗa paakai zi ɓaka aga e niyisi edi war hlai hanɗa par a anene war pakatai kir kai; amma na ŋa e diri e niyi anene, aga e wi sapa n’e zi sda gaini edi, buri ni a wiini EPIƊ-ƊAI. E wi na zamai siɗi, nɵa e kiɗi e niyisi edi ar hlai na wiiɗi ɗai na doogo.

¹⁵Won hlai na ɗif a vada gaini kitini dalam n’amlai warni tempel kafa, a waiyasi a anene war min hlai na piɗi futi na dawai sek. A tika pini a kata hlai n’aŋ sini tempel paŋ lai.

¹⁶A kata war gal na piɗi futi na dawai sek gaiɗi amaraŋai zi kiti hlai, a nava amaraŋa miya ɵim, pin kitini na gaiɗi amaraŋai war gal na zamai zamai lai.

¹⁷A kata galni n’azumai sek, a nava amaraŋa miya ɵim, pin kitini na gaiɗi amaraŋai war gal na zamai zamai lai.

¹⁸A kata galni n’amai sek a nava amaraŋa miya ɵim, pin kitini na gaiɗi amaraŋai.

¹⁹A vada gaini gal na sini yem sek, piɗi futi na koskoi. A nava amaraŋa miya ɵim, pin kitini na gaiɗi amaraŋai.

²⁰A kata gal na puɗu na sini tempel ɗa paŋ; hlai n’a rga mogoni gaini brukni kal kal amaraŋa miya ɵim ɵim. Hlai zi rgi hanɗa a?urwa arbani hlai na wiini Alaw gaini hlai na kadai.