Read Mousgoum Ezekiyel 48 Bible Online

Ezekiyel 48 - Mousgoum bible

Ezekiyel 48

¹" Yikiɗi pinziba a na maini nɵa: azumai sin dibini hlai n’azumai, ɵimaɗi futi na Hetlon ɗaw, a Hamat ɗaw, Hasar-Einan, buri afti na Damas aŋsi war gal n’azumai par, ɵimaɗi Hamat, mini piɗi futi na dawai par tiɓ haa sin Yem ra n’abai Mediteraneya piɗi futi na koskoi ta: Dan gal ktai.

²Slimani Dan piɗi futi na dawai par haa piɗi futi na koskoi ta: Aser, gal ktai.

³Slimani Aser piɗi futi na dawai par haa piɗi futi koskoi: Neftali, gal ktai.

⁴Slimani Neftali, piɗi futi na dawai par haa piɗi fti koskoi: Manase, gal ktai.

⁵Slimani Manase, piɗi futi na dawai par haa piɗi futi koskoi: Efrayim, gal ktai.

⁶Slimani Efrayim, piɗi futi na dawai par haa piɗi futi koskoi ta: Ruben, gal ktai.

⁷Slimani Ruben, piɗi futi na dawai par haa piɗi futi koskoi: Yuda, gal ktai.

⁸"Slimani Yuda, piɗi futi na dawai par haa piɗi futi koskoi, Hlai ni ki hiniŋ edi su burini EPIƊ-ƊAI. Brukni a za kil dubu caaɓa pi ɵim, mogoni maini marni na zamai ɵa paŋ: a dara muɗa piɗi futi na dawai par haa piɗi futi koskoi ta; Hlai na sɗik aga a rga amlai arbani kal kal.

⁹Hlai na ki hiniŋ Edi wiini EPIƊ-ƊAI, mogoni kil dubu caaɓa pi ɵim, brukni kil dubu doogo lai.

¹⁰Aga ki siɗi hlai wiiɗi paakai zi ɓaka woni su. Galni n’azumai par mogoni kil dubu caaɓa pi ɵim, piɗi futi koskoi par brukni kil dubu doogo; piɗi futi na dawai par, brukni kil dubu doogo, war gal n’amai sin Negev sek, mogoni kil dubu caaɓa pi ɵim. Hlai na sɗik na wiini EPIƊ-ƊAI a za amlai arbani.

¹¹Wiiɗi paakai zi ɓaka, wiiɗi alini Sadok n’e viri edi burini EPIƊ-ƊAI, n’e zi ɵeŋ na wiya, n’e hini siɗi aŋ tirɗi edi war wili na wiiɗi aliɗi Izrayel maiɗi Levitekai nɵa kai ɗa,

¹²Ki siɗi hlai ktai war hlai na wiini EPIƊ-ƊAI par, hlai na sɗik abai, ɵimani gal na wiiɗi Levitekai.

¹³Gal na wiiɗi Levitekai aga a za kal kal maini na wiiɗi paakai zi ɓaka nɵa. Mogoni kil dubu caaɓa pi ɵim, brukni kil dubu doogo lai. Koo wataɗi, mogoni gaini brukni aga a za maini nɵa.

¹⁴Ɗif a wura hlai edi won hlai hanɗa kai, a bundaŋ gaini maini kai, a saŋ edi kaalai. A hlai na pɗemni a suwa paŋ midini afti, hanɗa; buri a tika edi burini EPIƊ-ƊAI.

¹⁵Brukni hlai na kil dubu caaɓa pi ɵim na hina ɵimani kil na dubu caaɓa pi ɵim ɗa, a hlai na sɗik kai, a hlai kadai, a na buri fuŋ n’abai: Tin fuŋ n’aga a wa edi gaini hlaini zi simi na wiini farai woni lai, fuŋ n’abai a hina amlai arba.

¹⁶Mogoni gaini bukni a na maini nɵa: gal n’azumai sek, kil dubu puɗu gai miya ɵim, gal n’amai Negev sek kil dubu puɗu gai miya ɵim, piɗi futi na dawai par kil dubu puɗu gai miya ɵim, piɗi futi na koskoi sek kil dubu puɗu gai miya ɵim lai.

¹⁷Hlai zi simi na wiini farai na war fuŋ par aga za maini nɵa: azumai sek kil miya sulu gai doogo doogo ɵim, amai Negev sek, kil miya sulu gai doogo doogo ɵim, piɗi futi na dawai par kil miya sulu gai doogo doogo ɵim, piɗi futi koskoi sek kil miya sulu gai doogo doogo ɵim lai.

¹⁸Hlai n’aga a hina war hlai na sɗik hanɗa brukni kil dubu doogo piɗi futi na dawai par, kil dubu doogo piɗi futi koskoi sek lai; wala n’a navali warni par a sa siɗi ɗai zi sda na war fuŋ n’abai hanɗa.

¹⁹Ɗai zi sda na war fuŋ par n’aga e hirmiŋ, e ɗi na war pinziba na doogo pi sulu na wiiɗi Izrayel dama.

²⁰Hlai gai hlaini mogoni a za kil dubu caaɓa pi ɵim, brukni kil dubu caaɓa pi ɵim lai. Ki hini galni n’ag'aŋ puɗu edi ta buri fuŋ n’abai.

²¹Gal na hu n’a hina pini ɗa a wiini pai, tini hlai na sɗik gaini hlai na wiini fuŋ n’abai par lai na par lai, ɵimani kil na dubu caaɓa pi ɵim na haa piɗi futi na dawai par ta, piɗi futi na koskoi par, ɵimani kil na dubu caaɓa pi ɵim haa sin dibini Yem ra n’abai Mediteraneya lai. Gal na wiini pai a za maini marni na zamai nɵa lai. Gal na sɗik a hina amlai arba gaini hlai na sɗik na wiini tempel lai.

²²Hlai na wiiɗi Levitekai gaini hlai na wiini fuŋ n’abai a na arbani haga na wiini Benyamin gaini na wiini Yuda, amlai war hlai n’a sa wiini pai.

²³" Pinziba n’a hina piɗi futi na dawai par haa piɗi futi na koskoi: Benyamin, gal ktai.

²⁴Slimani Benyamin, piɗi futi na dawai par haa piɗi futi na koskoi, Simeyon, gal ktai.

²⁵Slimani Simeyon, piɗi futi na dawai par haa piɗi futi na koskoi: Isakar, gal ktai.

²⁶Slimani Isakar piɗi futi na dawai par haa piɗi futi na koskoi: Zabulon, gal ktai.

²⁷Slimani Zabulon, piɗi futi na dawai ar haa piɗi futi na koskoi: Gad, gal ktai.

²⁸Gal na wiini Gad, arbani n’amai sin Negev par a na gaiɗi Tamar, Yem na Meriba na Kades, Nahala sin Yem ra n’abai Mediteraneya.

²⁹Afti n’aga ki niviŋ aŋ bulum pin wala zi vili arbaɗi pinzibaɗi Izrayel, afti n’aga a sa siɗi lai, a na maini hanɗa nɵa- a miɗi na sin Epiɗ-ɗai Alaw par.

³⁰Min magalani fuŋ n’abai a na maini nɵa: War gal n’azumai sek na kil dubu puɗu gai miya ɵim.

³¹Magala paŋ a nava yiki ktai ktai midini pinziba na doogo pi sulu na wiiɗi Izrayel. War gal n’azumai sek, magala hu: Magala na wiini Ruben, na wiini Yuda gaini na wiini Levi.

³²Piɗi futi na dawai par- n’a za kil dubu puɗu gai miya ɵim- magala hu: Magala na wiini Yosef, na wiini Benyamin, na win Dan lai.

³³War gal na Negev sek- na kil dubu puɗu gai miya ɵim- magala hu: Magala na wiini Simeyon, na wiini Isakar gaini na wiini Zabulon lai.

³⁴War gal na piɗi futi koskoi sek - na kil dubu puɗu gai miya ɵim- magala hu lai: Magala na wiini Gad, na wiini Aser gaini na wiini Neftali lai.

³⁵Zlagai na siɗi Yeruzalem paŋ te za kil dubu doogo pi mitwis. " Sin mefeŋ hanɗa par, yikini fuŋ n’abai aga a bunda ɓa: "EPIƊ-ƊAI aŋ won na".