Read Mousgoum Daniyel 10 Bible Online

Daniyel 10 - Mousgoum bible

Daniyel 10

¹War buza n’ag'aŋ hu na Sirus aŋ warɗi pai na Persus, seŋ na wiini Alaw a muɗa sini Daniyel n’a zinani Baltazar, seŋ hanɗa a jre, a gir gara. Daniyel a ɵina seŋ hanɗa, a ɵina ezini edi lai, pini wala n’a siŋka arni.

²War mefeŋ hanɗa, ta Daniyel mu nafu war groho kosku hu.

³Mu suma simi ktai a pɗem kai, neŋ zaw vin a guna ma kai. Mu zizina sa kaalai haa kosku na hu a va amai.

⁴War mefeŋ n’ag'aŋ caaɓa pi puɗu na wiini tile n’avut, mu tala sa wulani ra n’abai: ra Tigre.

⁵Mu yima ara amai mu tala ɗif ktai gaini santir zi or, na hilu gaini nigi wuzani ɓak.

⁶Sini aŋala maini a hi fuŋ krizolit nɵa, wuzani arni aŋala maini wilɗi nɵa, arni maini afu na ya nɵa, graŋni gaini ezini aŋala maini kiiya na gilɓu nɵa, wulani a wa maini suura na wiiɗi ɗai na viya nɵa.

⁷Ta Daniyel mu siɗa wala n’a siŋka ara hanɗa kiya ktai, nagai n’e ɗa gaya e siɗiŋ kai, amma hunai n’amai te yimiɗi, e pri edi, eŋûyi siɗi.

⁸Mu hina kiya ktai, mu tala siŋki n’abai hanɗa, mu kwima, ara a yima amai kai, aŋirɓa, gdaŋ maa a hina wara kir kai.

⁹Mu ɵina wulani n’a na muɗa seŋ. Won hlai na mu ɵina wulani n’a na muɗa seŋ, hangala a ɵiɓa edi, mu kɵa azumai ara a pa azumai midini afti.

¹⁰Tiy ktai tika sa, te yimaŋa amai, te hinaŋa gaini gûbi goɓ midini kurnaia gaini ta war ziriyi.

¹¹Ɗif a muɗaŋa, Daniyel, tuku n’Alaw duruku gara, ɵina seŋ na mu dara mu muɗuŋku, ɗiya amai war balamku zaw, buri tiyana e ɵiniŋasi na suku, won hlai n’a na muɗaŋa seŋ hanɗa, mu ɗiya amai zaw, war ziriyi ɗai.

¹²A muɗaŋa Daniyel, ku huna kai, buri mefeŋ na ku tika puku aŋ paya aŋ ɵina ezini wazagai n’a za, aŋ hosa suku wuzani Alaw na wiiku lai, siiwaku a ɵina ɓa, tiyana mu halasi na aŋ wiyuku seŋ.

¹³Ɗif zi ɵeŋ n’a giɗima aftiɗi pai na Persus a ɗalasi warɗi futi ɗal haa mefeŋ caaɓa pi ktai. Mu nafu ɵimani pai na Persus dam. Asakal hanɗa Mikaiek, ɗif zi ɵeŋ na giɗimiti Izrayel, ktai arbaɗi ɗai zi ɵeŋ n’abakai, a zina pa.

¹⁴Mu halasi buri mu siŋkuku wala n’aga a za siɗi ɗaiku war mefeŋ n’avut sek. Wala zi siŋki zamai ktai aga a za buri mefeŋ hanɗa.

¹⁵Hlai n’a na muɗaŋa maini hanɗa nɵa, mu pa ara azumai, mu kiɗa mu muɗa seŋ zamai ktai kir kai.

¹⁶Amma mu tala wala ktaia siɗa maini ɗif ɵa, titima ma, mu mala ma amai, mu tika pa mu muɗa seŋ. Mu miɗini wiini ni n’a na ma zaw: Epin-geza, buri wala n’a siŋka ara ɗa, hunai n’amai te yimaŋa, gdaŋ a hina wara kai.

¹⁷Epin-geza, ta na begeku ɗa, mu kiɗa mu muɗuku tiɓ ɗa a maɗa? Hlai na m’an na zaw, na gdaŋ wara kai, suŋfa wara kaalai na ɗa?

¹⁸Nɵa, wala na tala maini ɗif ɵa ɗa, a tika tini sa pra, a saŋa gdaŋ.

¹⁹Asakal par a muɗaŋa, ku huna kai, tuku n’Alaw a duruku gara, ɵeɗ muduku, pa arku, ɗiya gdaŋ. Won hlai n’a na muɗaŋa seŋ hanɗa, mu nava gdaŋ, mu muɗa: Muɗasi wiiku Epin-geza, buri ku saŋa gdaŋ ya.

²⁰A muɗa, ku siɗa wala na mu halasi suku burini ya ɗi? Mu halasi aŋ suku labar midini wala n’a ɗoli war lokwita na jre. Tiyana aga mu waya na aŋ hitima gaini ɗif zi ɵeŋ na giɗimiti Persus pra. Mu hala na ɗa, ɗif zi ɵeŋ na giɗimiti Gres aga a cosi lai. Ɗif ktai n’aga zina pa aŋ hitimiɗi ɗai hanɗa aŋ kai, sai Mikayel, ni n’a giɗimiki tiki Izrayel.