Read Mousgoum Hoseya 2 Bible Online

Hoseya 2 - Mousgoum bible

Hoseya 2

¹Gai hanɗa paŋ piɵiɗi ɗa, aga a za viya maini kai kai n’agoɗom nɵa, n’a kiɗa a kata war wala kaalai, a pɵa kaalai nɵa; Yiki n’e ɗika e yikiɗi ɓa: Ki ɗi ɗaiŋa kir kai ɗa, aga e bindi e yikiɗi ɓa: Alini alaw na karni.

²Yudiyakai gaiɗi aliɗi Izrayel aga e diŋgi ktai, aga e tiki pai ktai pal, aga e sûwi viya, haa afti a tikiɗi kai, buri ɓa mefeŋ na wiini Yizreyel ɗa a mefeŋ n’abai.

³Ki miɗiɗi wiiɗi tawalakaiki na maɵagai ɗa ɓa: "Ɗaiŋa" wiiɗi na falakai ɗa ɓa: "Ruhama" a dara muɗa: Tuku n’e duruku gara"

⁴Ziɗi sariya, ziɗi sariya wiiɗi emiki, buri ɓa te muniya kir kai, mu mofoɗi kir kaalai. Sda zi zawar na te yimaŋ amai arɗi ɗa, te mulaŋ edi yaw, sda zi maɵara n’a na arbani fiyawɗi, te mulaŋ edi lai.

⁵Sla kai ɗa, aga mu faka sapa na siɗi edi marwai, mu hiniti maini na te wasi ɗa nɵa, aga mu binditi maini basga na kaɗataŋ nɵa, maini afti na huleŋ nɵa, aga mu fiɗiti edi gaini sai;

⁶aga mu diriɗi aliɗi kai, buri ɓa e ɗi ali n’e wiiɗi war maɵara.

⁷Emiɗi ɗa te za zawar, na na te wiiɗi ɗa, te wa siɗi war siyer, won hlai na te muɗa ɓa: "Aga mu tika futi piɗi marmakaiya n’e siŋa simi gaini yem, sapa z'ayirni adumai gaini sapa zi leŋ, emel gaini wala zi ci.

⁸Buri nɵa, mu cikiti futiɗi gaini hedek, mu cikiti amlai gaini ɵaɓ, kapai te nava futiɗi kir kai.

⁹Aga te tika futi piɗi marmakaiɗi, amma aga te kiɗa siɗi kai, aga te piyiɗi, amma aga te niviɗi kai. Asakal par aga te muɗa ɓa: "marya mu waya sini mofa n’avut ɗa, buri ɓa mu naka ɗa, gai hangala a suwa na tiyana ɗa.

¹⁰Te naka na ɗa a yima midiɗi ɓa mu siɗi algama gaini vin gaini emel lai mu ta, te sɗa ɵa kai. Mu siɗi arzaŋ gaini or viya, amma e zi ɓaka gaini wiini alaw Baal.

¹¹Buri nɵa, aga mu waya mu mulasi algama na wiya war hlaini, vin na wiya war hlaini, mu mulasi sapa z'ayirni adumai gaini zi leŋ na wiya na te ŋoya ganalaɗi gaini ɗa.

¹²Tiyana ɗa aga mu siŋka ganalaɗi ɗa edi papɗak, wuzani arɗi marmakaiɗi ɗa, Ɗif aga a pliti edi war ta par kai.

¹³Aga mu ɗiya wazagai n’a siɗi firiyi paŋ, fet na wiiɗi, merfeŋ tilena wiiɗi, Sabbat na wiiɗi. Diŋgikaiɗi zi fet ɗa kafa.

¹⁴Aga mu tuura luwuŋ zi vin na wiiɗi gaini luwuŋ Fige na wiiɗi, na te naka te muɗa gaini ɓa: a vrak na marmakaiɗi e siŋɗi ɗa, aga mu bundaŋ aŋ basga zi hedek, wazagai n’edi buza aga a halasi a lumaŋ;

¹⁵Aga mu zilbiɗi miɗi burini mefeŋ na wiini Baal, na te naka te yini wazagai zi ɗûgûdi zi lûgûzi aŋ ɓaka, gai gini amai gaini adoŋo na wiiɗi gaini aidaw na wiiɗi lai, Te naka te hala ɗa piɗi marmakaiɗi ɗa, ta ɗa midiɗi a wula gaya vi. A miɗi na sini EPIƊ-ƊAI par.

¹⁶Nɵa ɗa, ta aga mu ziɗisi midiɗi, mu kiti edi war basga na kaɗataŋ, kapai mu wayasi hiiniɗi sa.

¹⁷Woni par, aga mu wiyiɗi luwuŋ zi vin na wiiɗi, gaini huduk na wiini Akor, maini hlai n’a sa hiini na pɗem agwi nɵa, aga te yima hiini hanɗa, maini na war agwiɗi par ɵa, maini war mefeŋ na te halasi war egipte par nɵa.

¹⁸War mefeŋ ni ɗa aga ku yikaŋa ɓa "Mofa" aga ku yikaŋa ɓa "Baal na wiya" kir kai.

¹⁹Aga mu tika yikini Baal ɗa edi war miɗi par, ɗif aga a yika yikiɗi mini kir kai.

²⁰War mefeŋ ni ɗa, aga mu za bonu gaiɗi, gaini wazagai n’edi buza, gaini wala zi ɗifli, gaini wazagai n’agogoi na midini afti paŋ, aga mu haɗa taŋ gaini kaɵkar gaini wazagai zi hatam edi, mu vadaŋ edi midini afti par. Aga mu hiniɗi ɗai e simni ɵeɗ.

²¹Aga mu guɓuku aŋ muniya ɵa gamai. Aga mu sa aŋ tiyi ɗa, a jre-ɗikat gaini jre, aga mu sa diri gaini jre.

²²Aga mu sa aŋ tiyi ɗa, a ɗiyi na war hiini ktai. Gaini hanɗa aga ku sɗa EPIƊ-ƊAI.

²³War mefeŋ ni ɗa aga mu waya seŋ, a miɗi na sini EPIƊ-ƊAI par, aga mu waya seŋ wiini hlai n’amai, hlai n’amai ɗa aga a waya seŋ wiini afti lai;

²⁴Afti aga a waya seŋ wiini algama, gaini vin gaini emel nagai aga e wiyi seŋ wiini Yizreyel lai.

²⁵Aga mu suuɗa seyem buriya ta dama midini afti, Aga mu hiina haw buriɗi Lo-Ruhama, aga mu miɗini wiini Lo-Ammi ɓa: "Ɗaiŋa" ki ɗi tiki nagai aga e miɗi lai ɓa: Alaw wiya!