Read Mousgoum Hoseya 3 Bible Online

Hoseya 3 - Mousgoum bible

Hoseya 3

¹EPIƊ-ƊAI a muɗaŋa: hala wuzaku ɗai, piyiti munini maiku ktai, muni na maɵara, ku diriti maini na EPIƊ-ƊAI a diriɗi ɗai na Izrayel ɗa nɵa. Nagai ɗa aga e liwi ɗa pini alawai na zamai, e firyi ɗa a gato na n’e ziŋ gaini ali luwuŋ zi vin ɗa lai.

²Mu wiyitisi aha ɗa mu vurga sulai zi arzaŋ doogo pi ɵim, orge litir miya ɵaara lai.

³Mu miɗiɗi: "Ku hina aŋ wiya, ku niya anene kir kai, ku za zawar kir kai, ku fana gaini ɗif zamai kir kai, ta ɗe aga mu za suku nɵa lai.

⁴Buri ɓa ɗai na Izrayel ɗa aga e hini yaw, haa buza viya, pai midiɗi kai, ɗif n’abai na ɵa wuzaɗi aŋ kai, e zi ɓaka kir kai, ali-fuŋ z'alaw na wiiɗi aŋ kai, wala n’e zilbi dirini alaw gaini ɗa aŋ kai, alawai zi rgi na wiiɗi n’agogoi n’aha aŋ kaalai.

⁵Asakal hanɗa par, ɗai na Izrayel aga e wiyisi, aga e piyi EPIƊ-ƊAI, Alaw na wiiɗi, gaini David na paiɗi lai, won hlai na hunai te yimiɗisi li ɗa, aga e wiyisi sini EPIƊ-ƊAI, aŋ piyi yum na wiini lai.