Read Mousgoum Amos 2 Bible Online

Amos 2 - Mousgoum bible

Amos 2

¹EPIƊ-ƊAI a muɗa maini nɵa: Buri meefeŋ na wiiɗi ɗai na Mowab, hiyŋa na siɗi aga mu hinaŋ afuti ta kai. Meefeŋ n’a suwa paŋ a hanɗa: E yi keske na wiini pai n’Edom ɗa haa e siriŋ edi aŋ bono.

²Aga mu ɵa afu piɗi Mowab. Aga a ya dalamai na pɗamai na warɗi Keriyot edi; Mowab aga te tuura edi arbani suura n’abai, arbani suura zi gaw gaini wulani hum.

³Arbaɗi par, aga mu yimasi pai n’a ŋa midiɗi edi, aga mu fuɗaŋ edi gaiɗi ɗaini n’abakai ɗa paŋ. a muɗaŋ a.

⁴EPIƊ-ƊAI a muɗa maini nɵa: Buri meefeŋ na wiiɗi ɗai na Yuda, hiyŋa na siɗi aga mu hinaŋ afuti ta kai, Meefeŋ n’a suwa paŋ a hanɗa: nagai e ɗiyi sini hitri a wiini EPIƊ-ƊAI kai, e yimi gadaini kai, alawai na jrekai kai, n’a wûliɗi tiyakaiɗi edi ɗa, a wûliɗi nagai edi nɵa lai.

⁵aga mu ɵa afu piɗi Yuda, a ya dalamai na pɗamai na Yeruzalem ɗa edi.

⁶EPIƊ-ƊAI a muɗa maini nɵa: Buri meefeŋ na wiiɗi ɗai na Izrayel, hiyŋa na siɗi aga mu hinaŋ afuti ta kai. Meefeŋ na wiiɗi a hanɗa: E si ɗif na pɗem edi midini sulai, ɗif na murga ɗa e siŋ edi midini peɗe yaw lai.

⁷Buri ɓa e biziɗi na murgakai azumai, e mili wazagaiɗi na hurofai gai gdaŋ lai. Ahi gaini api e diŋgi amlai piɗi muni ktai, nɵa e kisi miisi sini yikiŋa na sɗik. Sapa na ɗai e jigiŋɗisi midini tumuŋ ɗa,

⁸e fini edi ɵimani gûwiŋ zi ɓaka ɗa midini, vin n’e miliŋsi tiɗi ɗai par ɗa, e ciŋ amlai war tempel na wiini alaw na wiiɗi.

⁹Paŋ ktai ta mu vidiɗi Amoritekai edi wuzaɗi, na wûliɗi n’amai ɗa maini luwuŋ Sedre ɵa, gdaŋɗi ɗa maini luwuŋ Sene ɵa, Mu vidiɗisi amai par haa azumai sin sirdaiɗi ta.

¹⁰Paŋ ktai Ta mu milikisi edi war Egipte par, mu ɵa wuzaki, haa buza doogo doogo puɗu, edi war basga na kaɗataŋ. Kapai ki tiki afti na wiiɗi Amoritekai ɗa.

¹¹Asakal par, arbaɗi aliki mu yika zamai aŋ ɗai na min Alaw, arbaɗi aliki na gawlakai ɗa, mu yika zamai aŋ nazariya kai lai. A na ɵa zaw ɵa kai ɗi? Aliɗi Izrayel.

¹²Amma tiki ki siɗi vin miɗi naziriyakai ɗa aŋ ci, ki ziɗi dewele wiiɗi ɗai na min Alaw ɓa e miɗi min Alaw edi kai.

¹³Nɵa ɗa, tiyana ta aga mu kirpiki maini saret zi jak n’a kirpa wazagai war futini nɵa.

¹⁴Ɗif na lawa kokolai aga a kiɗa sin fuŋ zi ŋoyai ɗa kai, ɗif na gdaŋ ɗa, gdaŋni aga a siŋka edi kai, ɗif n’a siɗa hatam ɗe a kiɗa a kurɗa sini kaalai.

¹⁵Ɗif n’a sɗa hatam na gaini ɓaraw gara ɗa, gdaŋni a ɵaŋ kai, ɗif n’a lawa kokolai aga a mula tini par kai, ɗif na gaini plis ɗe aga a kurɗa kaalai.

¹⁶Gaŋgalaŋ n’agulni a huna kai ɗa, aga a lawa mefeŋ ni ɗa ganala. A miɗi na sini EPIƊ-ƊAI par.