Read Mousgoum Amos 8 Bible Online

Amos 8 - Mousgoum bible

Amos 8

¹Wala n’Epiɗ-ɗai Alaw a siŋkaŋa ara a hanɗa: Dologai ktai gai vi ta, gaini ali luwuŋ na gai niyyi.

²A muɗaŋa: Amos, ku tala ɗa a ma ɗa? Mu wiyini seŋ: Dologai gaini vi ta gaini ali luwuŋ na gai niyyi. EPIƊ-ƊAI a muɗaŋa: Dibiɗi Izrayel na ɗaiŋa a cosi li; aga mu vuga midini meefeŋni ktai kir kai.

³War mefeŋ hanɗa, yama n’aha war dalam na pɗamai par aga a bunda aŋ tuwi, a miɗi na sini Epiɗ-ɗai Alaw par, Hlai paŋ ɗa a kopoŋ kiini. Hlai paŋ liyik.

⁴Slini pɗem, tiki na ki liwi midiɗi na murgakai, aŋ ziɗi gir wiiɗi na hurofai na midini afti ɗa,

⁵Ki miɗi ɓa: merfeŋ tile ɗa a vuga na kaswata kiɗi ɗa? Ɗif a cikila seyemni edi lai ɗa. Sabbat ɗa a vada na kaswata kiɗi ɗa? Ɗif a mala min sak na wiini algamani edi lai ɗa. Mi wiyiti Efa na wiyi amlai waai, mi riyi faraiɗi amai ta, kilokaiyi mi tûûrliŋ tiɓ tiɓ kapai mi simi ɗai gaini.

⁶Mi wiriɗi ɗai na hurofai gaini farai, na murgakai gaini peɗe yaw lai. Kukuɗni algama ɗa maa, mi cikiliŋ edi gai cikili.

⁷EPIƊ-ƊAI a ha wala mini gaini wala na pinzibani Yakob e kûli siɗi gaini ɗa, ɓa: sdaɗi n’e ziŋ ɗa, mada aga a wula gaini ktai arbani kai zaŋ.

⁸Buri hanɗa, afti aga a jiriya, kai ɗi? Ɗai na midini afti paŋ aga e niyi war kwimi kai ɗi? afti aga a tika amai maini ra Nil nɵa, Aga a tika haa amai, asakal par a lawa, maini Nil na war Egipte ɗa nɵa.

⁹War mefeŋ ni ɗa, a miɗi na sini Epiɗ-ɗai Alaw par, Aga mu niwiti futi ɗa girvudi n’arba, aga muhinasi gegeŋ midini afti girvudi lai.

¹⁰Aga mu bunda fetki ɗa aŋ tuwi, yamaki zi firiyi ɗa aŋ yama zi groho, ɗai paŋ aga e rgi sapa zi tuwi wuzaɗi, mu faɗa ayir na miɗiki edi paŋ lai, Afti paŋ aga a niya war tuwi maini n’e tûwi ahi na ketekeɗik nɵa, n’aŋsi asakal par ɗa a mefeŋ zi gir.

¹¹Tili mefeŋ a na gizi, a miɗi na sini Epiɗ-ɗai Alaw par, aga mu hinasi wiyamai midini afti Te wiyamai na wiini wala zi simi ɗa kai, te sai na wiini yem zi ci ɗa kaalai. amma te wiyamai gaini sai na wiini ɵinini seŋ na wiini EPIƊ-ƊAI.

¹²Aga e hini yaw aŋ giliŋi, sini yem-ra n’abai ktai par haa sin na zamai war gal n’azumai sek par haa piɗi futi na dawai par lai, aga e piyi seŋ na wiini EPIƊ-ƊAI aŋ ɵiniŋ, amma aga e niviŋ kai.

¹³War mefeŋ hanɗa, ɓulamai na jufai gaiɗi gawlakai na jufai gdaŋɗi aga a yima edi tiɗi sai,

¹⁴nagai n’e hi miɗi gaini tuwur na wiiɗi Samariya, n’e miɗi ɓa: Gaini alaw na wiiku jaŋ Dan, zaw ɓa gaiɗi futi na sɗik na te ka a Bersabe sek ɗa jaŋ, Nɵa nagai aga e yiki azumai, e fiki amai kir kai.