Read Mousgoum Yonas 2 Bible Online

Yonas 2 - Mousgoum bible

Yonas 2

¹EPIƊ-ƊAI a hinasi hilif n’abai buri a rɓa Yonas. Yonas a yiva hu gaini mefeŋ hu lai warni hilif.

²Yonas amlai warni hilif par a siiwa Epiɗ-ɗai Alaw na wiini.

³A muɗa: War hawŋa, mu yika EPIƊ-ƊAI Ni a ɵina siiwaŋa. Arbaɗi ɗai zi mri par mu ɗuula, nɵa tuku ku ɵina wula.

⁴Ku bulaŋa war huduk, war hulumni yem, nɵa yem zi ki na gdaŋ a gunaŋa amlai, mayawku n’abai a ɵiɓaŋa lai.

⁵Mu muɗa nɵa: Mu nava birgi n’edi suku par gaigai li, amma aga mu tala tempelku na sɗik pra.

⁶Yem a yimaŋa amai wula haa suŋfaŋa a dara aŋ waa edi yem-ra n’abai a rɓaŋa.

⁷Mu niya haa azumai sini sirdaini luwoŋai, kadai tiɓ afti a ɗalaŋasi azumai haa kureɗ. Amma ku yimaŋsi amai war huduk hanɗa par kara, Epiɗ-ɗai Alawŋa.

⁸Won hlai na suŋfaŋa a dara aŋ waa edi, mada a kɵa gaini EPIƊ-ƊAI, nɵa lai siiwaŋa a halaɗi haa suku war tempelku na sɗik ta.

⁹Nagai n’e yimi pini alawai na kadai, aga e kûri kai.

¹⁰Ta aga mu za ɓaka buriku gaini yama zi tese lai; wala na mu muɗa midini aga mu vaŋ amai, kûri a saŋ ɗa a EPIƊ-ƊAI.

¹¹EPIƊ-ƊAI a muɗa sini hilif: Nɵa hilif a huŋva Yonas amai wulani daŋ.