Read Mousgoum Piɵi 2 Bible Online

Piɵi 2 - Mousgoum bible

Piɵi 2

¹EPIƊ-ƊAI a miɗini wiini Musus gaini Aaron maini nɵa:

²Aliɗi Izrayel aga e simni ɵimani drapo na wiini vokɗi askarai na gaiɗi tar tar, ɵimani drapo na wiini pinzibaɗi tar tar lai. Aliɗi Izrayel e simnisi edi par sini Gumu n’e nivi gaini EPIƊ-ƊAI woni ɗawwa.

³Piɗi futi na dawai par ɗa, vokɗi askarai aga a tapa sini drapo na wiini Yuda ɗa. Ɗai n’aga e simi askar ta ɗa, abai na war pinzibaɗi aga a ŋa midiɗi, yikiɗi ɗai n’abakai a na maini nɵa: war pinzibani Yuda ɗa a Nason n’ahini Amminadab, ɗai pini 74. 600 war pinzibani Isakar ɗa a Nataniyel n’ahini Suwar, ɗai pini 54. 400 war pinzibani Zabulon ɗa a Eliyab n’ahini Helon, ɗai pini 57. 400

⁹Pɵaɗi ɗai na war vokɗi askarai na pini Yuda ɗa, ɗai 186. 400 vokɗi askarai hu, e tiki edi avut ɗa e ɗi nagai.

¹⁰War gal n’amai sek ɗa, vokɗi asakarai aga a tapa sini drapo na wiini Ruben. Ɗai n’e kiɗi e simi askar ta, abai na war pinzibaɗi aga a ŋa midiɗi, yikiɗi ɗai n’abakai hanɗa a na maini nɵa: war pinzibani Ruben ɗa a Elisur n’ahini Kedewur ɗai pini 46. 500 war pinzibani Simeyon ɗa a Selumuyel n’ahini Surisadai, ɗai pini 59. 300 war pinzibani Gad ɗa a Eliyasaf n’ahini Dewuwel, ɗai pini 45. 650;

¹⁶Pɵaɗi ɗai na war vokɗi askarai na pini Ruben ɗa, ɗai 151. 450, vokɗi askarai hu, e gi wulaɗi marɗi e ɗi nagai.

¹⁷Asakal par evitekai e hili gaini Gumu n’e nivi gaini EPIƊ-ƊAI woni ɗa, e hili ɗa arba, vok wuzaɗi sulu lai, asakalɗi par sulu lai. E pi ɗa pini giri na wiini vokɗi, ɗif paŋ war vokni vokni, pini drapo na wiini vokni lai.

¹⁸Piɗi futi na koskoi sek ɗa, vokɗi askarai aga a tapa pini sini drapo na wiini Efrayim, ɗai n’e kiɗi e simi askar ta ɗa, abai na war pinzibaɗi aga a ŋa midiɗi, yikiɗi ɗai n’abakai hanɗa a na maini nɵa: war pinzibani Efrayim ɗa a Elisama n’ahini Ammihud, ɗai pini 40. 400 war pinzibani Manase ɗa a Gamliyel n’ahini Pedasur, ɗai pini 32. 200 war pinzibani Benyamin ɗa a Abidan n’ahini Gidoni, ɗai pini 35. 400

²⁴Pɵaɗi ɗai na war vokɗi askarai na pini Efrayim ɗa, ɗai 108. 100, vokɗi askarai hu, a vok n’ag'aŋ hu a hala asakalɗi Levitekai par.

²⁵War gal n’azumai sek ɗa, vokɗi askarai aga a tapa sini drapo na wiini Dan, ɗai n’e kiɗi e simi askar ta ɗa, abai na war pinzibaɗi aga a ŋa midiɗi, yikiɗi ɗai n’abakai hanɗa a na maini nɵa: war pinzibani Dan ɗa a Ahiyezer n’ahini Ammisaddai, ɗai pini 62. 700 war pinzibani Aser ɗa a Pagiyel n’ahini Okran, ɗai pini 41. 500 war pinzibani Neftali ɗa a Ahira n’ahini Enan, ɗai pini 53. 400

³¹Pɵaɗi ɗai na war vokɗi askarai na pini Dan ɗa ɗai 157. 600, vokɗi askarai hu, asakal tar e ɗi nagai lai, vok paŋ a sumna sini drapo na wiini wiini.

³²Pɵaɗi aliɗi Izrayel n’e niviŋsi war pakatai pakatai, war vokɗi asakarai n’a na ta ta lai, a za paŋ ɗai 603. 550

³³Pinziba na wiini Levi ɗa e pɵiɗi arbani pinziba hanɗa kai, maini n’EPIƊ-ƊAI a miɗiŋni wiini Musus ɗa nɵa.

³⁴Aliɗi Izrayel e zi maini nɵa, e zi paŋ kal kal maini n’EPIƊ-ƊAI a miɗiŋni wiini Musus ɗa nɵa. Vok paŋ a sumna sini draponi, e hili ɗa piɗi humuni humuni, piɗi pakatai pakatai lai.