Read Mousgoum Piɵi 26 Bible Online

Piɵi 26 - Mousgoum bible

Piɵi 26

¹EPIƊ-ƊAI a miɗini wiini Musus gaini pai zi ɓaka Eleyazar n’ahini Aaron:

²Pɵi vokɗi aliɗi Izrayel ɗa paŋ, na sini buza caɓa par ta amai sek, n’e kiɗi e simi askar aha warɗi Izrayel ta ɗa. Ku piɵiɗi piɗi pakatai pakatai.

³Musus gaini pai zi ɓaka Eleyazar, e miɗiɗi wiiɗi aliɗi Izrayel war hlai na plas na Mowab, gobi gaini ɵimani Yurdan, wuzaɗi Yeriko tar. E miɗiɗi maini nɵa:

⁴Aga mu puɵuɗumu maɵagai na sini buza caɓa par ta amai sek ɗa, maini n’EPIƊ-ƊAI a miɗiŋni wiini Musus gaiɗi aliɗi Izrayel n’e niyisi edi war Egipte par ɗa nɵa:

⁵A vut a pinziba na wiini Ruben, ahini Yakob n’a wa avut. Sini pɵaɗi alini Ruben ɗa, piɗi humuni a za kiini kiini puɗu: Piɗi humuni na wiiɗi Henotikekai e ɗi alini Henok gaiɗi tiyakaini. Piɗi humuni na wiiɗi Paluvitekai, e ɗi alini Palu gaiɗi tiyakaini.

⁶Piɗi humuni na wiiɗi Hesronitekai, e ɗi alini Hesron gaiɗi tiyakaini. Piɗi humuni na wiiɗi Karmitekai, e ɗi alini Karmi gaiɗi tiyakaini.

⁷Hanɗa e ɗi pinziba na wiini Ruben ɗa, ɗai na warni n’e piɵiɗi ɗa e ɗa ɗai: dubu doogo doogo puɗu pi hu gaini miya muguzak gaini doogo doogo-hu.

⁸Ahini Palu ktai yikini ɓa: Eliyaɓ.

⁹Eliyaɓ a epini Nemuwel, Datan gaini Abiram. Datan na gaini Abiram ɗa e ɗi abakai na wuzaɗi ɗai, n’e fiki amai sini Musus gaini Aaron, gaiɗi ɗai na wiini Kore lai aŋ hitimi EPIƊ-ƊAI ɗa.

¹⁰Afti a mala mini edi a riɓiɗi gaini Kore paŋ. Mefeŋ ni ɗa, ɗai na pini e mri paŋ, afu a ya ɗai miya sulu gaini doogo-dooogo ɵim. A za aŋ wala zi siŋki buriɗi ɗai zamai.

¹¹Amma alini Kore ɗa e mri war yuvai ni kai.

¹²Pinziba na wiini Simeyon, Sini pɵaɗi alini Simeyon ɗa, pinziba a za kiini kiini ɵim: Piɗi humuni na wiiɗi Nemuwelitekai, e ɗi alini Nemuwel gaiɗi tiyakaini. Piɗi humuni na wiiɗi Yamenitekai, e ɗi alini Yamen, gaiɗi tiyakaini. Piɗi humuni na wiiɗi Yakinitekai, e ɗi alini Yakin gaiɗi tiyakaini.

¹³Piɗi humuni na wiiɗi Zerahitekai, e ɗi alini Zera gaiɗi tiyakaini. Piɗi humuni na wiiɗi Sawulitekai, e ɗi alini Sawul gaiɗi tiyakaini.

¹⁴Hanɗa a piɗi humunu na wiini Simeyon, ɗai na warni n’e piɵi ɗa, e ɗa ɗai: dubu caɓa pi sulu gaini miya sulu.

¹⁵Pini ziba na wiini Gad, sini pɵaɗi alini Gad ɗa, piɗi humuni a za kiini kiini muguzak: piɗi humuni na wiiɗi Sefonitekai, e ɗi alini Sefon gaiɗi tiyakaini. Piɗi humuni na wiiɗi Hagitekai, e ɗi alini Hagi gaiɗi tiyakaini. Piɗi humuni na wiiɗi Sunitekai, e ɗi alini Suni gaiɗi tiyakaini.

¹⁶Piɗi humuni na wiiɗi Ognitekai, e ɗi alini Ogni gaiɗi tiyakaini. Piɗi humuni na wiiɗi Eritekai, e ɗi alini Eri gaiɗi tiyakaini.

¹⁷Piɗi humuni na wiiɗi Aroditekai, e ɗi alini Arod gaiɗi tiyakaini. Piɗi humuni na wiiɗi Arelitekai, e ɗi alini Are gaiɗi tiyakaini.

¹⁸Hanɗa e ɗi piziba na wiini Gad, ɗai na warni n’e piɵi ɗa e ɗa ɗai: dubu doogo doogo puɗu gaini miya ɵim.

¹⁹Pinziba na wiini Yuda, sini pɵaɗi alini Yuda ɗa, piɗi humuni a za kiini kiini hu: Piɗi humuni na wiiɗi Selanitekai, e ɗi alini Sela gaiɗi tiyakaini. Piɗi humuni na wiiɗi Peresitekai, e ɗi alini Peres gaiɗi tiyakaini. Piɗi humuni wiiɗi Zerayitekai, e ɗi alini Zera gaiɗi tiyakaini lai. Peres a wa ali sulu: Hesbon gaini Hamul. Hesronitekai e ɗi alini Hesron gaiɗi tiyakaini. Hamulitekai e ɗi alini Hamul gaiɗi tiyakaini. Alini Yuda sulu: Er gaini Onan, e mrisi war Kanaan.

²⁰

²¹

²²Hanɗa e ɗi pinziba na wiini Yuda, ɗai na warni n’e piɵiɗi ɗa e ɗa ɗai dubu doogo doogo muguzak pi ɵaara gaini miya ɵim.

²³Pinziba na wiini Isakar. Sini pɵaɗi alini Isakar ɗa, piɗi humuni a za kiini kiini puɗu: Piɗi humuni na wiiɗi Tolaitekai ɗa, e ɗi alini Tola gaiɗi tiyakaini. Piɗi humuni na wiiɗi Puvitekai, e ɗi alini Puva gaiɗi tiyakaini.

²⁴Piɗi humuni na wiiɗi Yasubitekai, e ɗi alini Yabub gaiɗi tiyakaini. Piɗi humuni na wiiɗi Simronitekai, e ɗi alini Simron gaiɗi tiyakaini.

²⁵Hanɗa e ɗi pinziba na wiini Isakar, ɗai na wiii n’e piɵiɗi ɗi e ɗa ɗai: dubu doogo doogo ɵaara pi puɗu gaini miya hu.

²⁶Pinziba na wiini Zabulon, sini pɵaɗi alini Zabulon ɗa, piɗi humuni a za kiini kiini hu: Piɗi humuni na wiiɗi Sereditekai, e ɗi alini Sered gaiɗi tiyakaini. Piɗi humuni na wiiɗi Elonitekai, e ɗi alini Elon gaiɗi tiyakaini. Piɗi humuni na wiiɗi Yalelitekai, e ɗi alini Yalelit gaiɗi tiyakaini.

²⁷Hanɗa e ɗi pinziba na wiini Zabulon, ɗai na warni n’e piɵiɗi ɗa e ɗa ɗai: dubu doogo doogo ɵaara gaini miya ɵim.

²⁸Pinzibani Yosef, sini pɵaɗi alini ɗa, piɗi humuni a na sulu: Piɗi humuni na wiini Manase gaini piɗi humuni na wiini Efrayim lai.

²⁹Pinzibani Manase, sini pɵaɗi alini ɗa piɗi humuni a na sulu: piɗi humuni na wiiɗi Makiritekai, e ɗi alini Makir gaiɗi tiyakaini. Piɗi humuni na wiiɗi Galaaditekai, e ɗi alini Galaad gaiɗi tiyakaini.

³⁰Pinziba na wiini Galaad, sini pɵaɗi alini ɗa, piɗi humuni a za kiini kiini ɵaara: Piɗi humuni na wiiɗi Yezertekai, e ɗi alini Yezer gaiɗi tiyakaini. Piɗi humuni na wiiɗi Helekitekai, e ɗi alini Helek gaiɗi tiyakaini.

³¹Piɗi humuni na wiiɗi Asriyetekai, e ɗi alini Asriyel gaiɗi tiyakaini. Piɗi humuni na wiiɗi Sekemitekai, e ɗi alini Sekem gaiɗi tiyakaini.

³²Piɗi humuni na wiiɗi Semidayitekai, e ɗi alini Semida gaiɗi tiyakaini. Piɗi humuni na wiiɗi Hefenitekai, e ɗi alini Hefer gaiɗi tiyakaiɗi.

³³Selofad n’ahini Hefer ɗa a wa ali na maɵagai kai, a wa a ali na falakai, yikiɗi a na maini nɵa: Mahla, Nowa, Hogla, Milka gaiɗi Tirsa lai.

³⁴Hanɗa e ɗi pinziba na wiini Manase, ɗai na warni n’e piɵi ɗa, e ɗa ɗai: dubu doogo doogo ɵimpi sulu gaini miya muguzak.

³⁵Pinziba na wiini Efrayim, sini pɵaɗi alini ɗa, piɗi humuni kiini kiini hu: Piɗi humuni na wiiɗi Sutelayitekai, e ɗi alini Sutela gaiɗi tiyakaini. Piɗi humuni na wiiɗi Bekeritekai, e ɗi alini Taham gaiɗi tiyakaini.

³⁶Pinziba na wiini Suteba: Sini pɵaɗi alini ɗa piɗi humuni a na ktai: piɗi humuni na wiiɗi Eranitekai, e ɗi alini Eran gaiɗi tiyakaini.

³⁷Hanɗa e ɗi pinziba na wiini Efrayim, ɗai na warni n’e piɵi ɗa e ɗa ɗai: dubu doogo doogo hu pi sulu gaini miya ɵim.

³⁸Pinziba na wiini Benyamin, sini pɵaɗi alini ɗa, piɗi humuni a za kiini kiini ɵim: Piɗi humuni na wiiɗi Belayitekai, e ɗi alini Bela gaiɗi tiyakaini. Piɗi humuni na wiiɗi Asbelitkai, e ɗi alini Asbel gaiɗi tiyakaini. Piɗi humuni na wiiɗi Ahiramitekai, e ɗi alini Ahiram gaiɗi tiyakaini.

³⁹Piɗi humuni na wiiɗi Sufamitekai, e ɗi alini Sufam gaiɗi tiyakaini. Piɗi humuni na wiiɗi Hufamitekai, e ɗi alini Hufam gaiɗi tiyakaini.

⁴⁰Pinziba na wiini Bela, sini pɵaɗi alini ɗa, piɗi humuni a za kiini kiini sulu: Piɗi humuni na wiiɗi Arditekai, e ɗi alini Arde gaiɗi tiyakaini. Piɗi humuni na wiiɗi Naamanitekai, e ɗi alini Naaman gaiɗi tiyakaiɗi.

⁴¹Hanɗa, e ɗi pinziba na wiini Benyamin ɗai na warni n’e piɵi ɗa e ɗa ɗai: dubu doogo doogo puɗu pi ɵim gaini miya ɵaara.

⁴²Pinziba na wiini Dan, piɗi humuni a na ɗa ktai: piɗi humuni na wiiɗi Suhamitekai, e ɗi alini Suham gaiɗi tiyakaini. Hanɗa e ɗi pinzibani Dan.

⁴³Ɗai na warni n’e piɵiɗi ɗa e ɗa ɗai: Ɗai dupu doogo doogo ɵaara pi puɗu gaini miya puɗu.

⁴⁴Pini ziba na wiini Aser, sini pɵaɗi alini ɗa, piɗi humuni a za kiini kiini hu. Piɗi humuni na wiiɗi Yimnitekai, e ɗi alini Yimna gaiɗi tiyakaini. Piɗi humuni na wiiɗi Tisvitekai ɗa, e ɗi alini Yisvi gaiɗi tiyakaini. Piɗi humuni na wiiɗi Beriyitekai, e ɗi alini Beriya gaiɗi tiyakaini.

⁴⁵Pinziba na wiini Beriya, sini pɵaɗi alini ɗa, piɗi humuni a za kiini kiini sulu: Piɗi humuni na wiiɗi Hebritekai, e ɗi alini Heber gaiɗi Tiyakaini; Piɗi humuni na wiiɗi Malkiyelitekai, e ɗi alini Malkiyel gaiɗi tiyakaini.

⁴⁶Aser a wûti ahi na muni ktai, yikiɗi ɓa: Sera. Hanɗa e ɗi pinzibani Aser.

⁴⁷Ɗai na warni n’e piɵiɗi ɗa e ɗa ɗai: Dubu doogo doogo ɵim pi hu gaini miya puɗu.

⁴⁸Pinziba na wiini Neftali: sini pɵaɗi alini ɗa, piɗi humuni a za kiini kiini puɗu: Piɗi humuni na wiini Yasiyelitekai, e ɗi alini Yasiyel gaiɗi tiyakaini. Piɗi humuni na wiiɗi Gunitekai, e ɗi alini Guni gaiɗi tiyakaini.

⁴⁹Piɗi humuni na wiiɗi Yeseritekai, e ɗi alini Yaser gaiɗi tiyakaini. Piɗi humuni na wiiɗi Silemitekai, e ɗi alini Silem gaiɗi tiyakaini.

⁵⁰Hanɗa e ɗi pinziba na wiini Neftali, ɗai na warni n’e piɵiɗi ɗa e ɗa ɗai: Dubu doogo doogo puɗu pi ɵim gaini miya puɗu.

⁵¹Aliɗi Izrayel n’e piɵiɗi paŋ ɗa, e zi ɗai: Dubu miya ɵaara gai ktai gaini miya muguzak gaini doogo doogo hu.

⁵²EPIƊ-ƊAI a miɗini wiini Musus: Aga ku ɓirwiɗi afti ɗa wiiɗi pinzibaɗi aliɗi Izrayel aŋ bulum, ku siŋɗiɗa pini pɵaɗi n’a na ta ta ɗa.

⁵³

⁵⁴Vok n’abai ta ɗa, ku sini hlaini abai ta, n’agwi ta ɗa ku sini agwi ta lai. Pinziba paŋ a nava hlai siɗi ɗai n’e piɵiɗi ɗa.

⁵⁵Ɓraw aga aza pini wala zi vili, e nivi hlai aŋ bulum ɗa pini yiki na woni pinziba ɗa lai.

⁵⁶Ɓrawni hlai arbani pinziba n’abakai gaini n’agogoi, a za pini wala zi vili.

⁵⁷War pinziba na wiini Levi ɗa, e pɵi piɗi humuni hu: Piɗi humuni na wiiɗi Gersonitekai, e ɗi alini Gerson gaiɗi tiyakaini. Piɗi humuni na wiiɗi Kehatitekai, e ɗi alini Kehat gaiɗi tiyakaini. Piɗi humuni na wiiɗi Meraritekai, e ɗi alini Merari gaiɗi tiyakaini lai.

⁵⁸Piɗi humuni zamai zamai na war pinzibani Levi n’agogoi a na lai maiɗi: Libnitekai, Hebronitekai, Mahlitekai, Musitekai, gaiɗiKoreyitekai lai. Kehat a wa Aram,

⁵⁹Aram a tikiti Yokebed n’ahini Levi, na te wa war Egipte ɗa aŋ muni. A wa ali gaiɗi hu: Musus, Aaron, gaiɗi Miriyam.

⁶⁰Aaron a wa ali puɗu: Nadab, Abihu, Eleyazar, gaiɗi Itamar lai.

⁶¹Nadab gaini Abihu e mri, won hlai n’e kisi afu na kadai aŋ yi ɓaka wuzani EPIƊ-ƊAI gaini.

⁶²Maɵagai na sini buza ɗaw par ta amai sek, n’e piɵiɗi ɗa e ɗa: Dubu caɓa pi hu. Nagai pɵaɗi arbaɗi aliɗi Izrayel ɗa kai, buri ɓa bulum na wiiɗi arbaɗi aliɗi Izrayel na zamai ɗa kai.

⁶³Hanɗa e ɗi nagai na Musus gaini pai zi ɓaka Eleyazar e piɵiɗi war hlai a plas na Mowaɓ gobi ɵimani Yurdan, wuzaɗi Yeriko tar ɗa.

⁶⁴Arbaɗi nagai na Musus gaini pai zi ɓaka Aaron e piɵiɗisi edi war basga na kaɗataŋ na Sinai ɗa, ɗif ktai maa a hina kai.

⁶⁵Buri EPIƊ-ƊAI a muɗa midiɗi ya ɓa aga e mri edi war basga na kaɗataŋ, a hina piɗi tar ɗa a Kaleb n’ahini Yefune gaini Yosva n’ahini Nun ɗa lai.