Read Mousgoum Piɵi 30 Bible Online

Piɵi 30 - Mousgoum bible

Piɵi 30

¹Musus a miɗiɗi wiiɗi aliɗi Izrayel gaini wala paŋ n’EPIƊ-ƊAI a miɗiŋni ɗa.

²Musus a miɗiɗi wiiɗi abakai na midini pinzibaɗi aliɗi Izrayel. A miɗiɗi EPIƊ-ƊAI a sa gadai zamai pra maini nɵa:

³Won hlai na ɗif a za ha li wiini EPIƊ-ƊAI zaw a ha wala li mini buri a ɗala sini aŋ za wala ɗa, a ɗiya midini seŋni ɗa, a zaŋ kal kal maini n’a niyasi edi war mini par ɵa.

⁴Won hlai na ɓulumi, war agwiɗi par, hlai na te na ahani epiɗi par te za ɵinini ha wiini EPIƊ-ƊAI, te ɗala siɗi aŋ za wala lai,

⁵na ɓa epiɗi a ɵina ya ɓa te za ɵinini ha wiini EPIƊ-ƊAI ta, ɓa te ɗala siɗi aŋ za wala ɗal lai, amma a miɗiɗi seŋ kai ɗa, ɵini ha na te zaŋ wiini EPIƊ-ƊAI gaini ɗili na te ɗala siɗi aŋ za wala ɗa, a za aŋ jre ta.

⁶Amma na ɓa won hlai n’epiɗi a ɵina ɗa, mefeŋ ni a ɗiya war seŋ hanɗa kai ɗa, ɵini ni ha na te zaŋ wiini EPIƊ-ƊAI gaini siɗi na te ɗalaŋ ɗa a seŋ kadai. EPIƊ-ƊAI aga a siɗi ni lai, buri ɓa a ɗiya warni kai ɗa a epiɗi.

⁷Na ɓa te za ɵini ha wiini EPIƊ-ƊAI ta zaw te ɗala siɗi aŋ za wala gaini hiini na hulum kai, asakal par te tika wus,

⁸na ɓa mofoɗi a ɵina ba, amma mefeŋ n’a sina warni ɗa a miɗiɗi seŋ kai ɗa, ɵinini ha na wiiɗi a za aŋ jre ta, ɗili na te ɗala siɗi ɗe a za aŋ jre ta lai.

⁹Amma na ɓa mefeŋ na mofoɗi a ɵina seŋ hanɗa a ɗiya war seŋɗi kai ɗa, seŋɗi ɗa jreni aŋ kai; EPIƊ-ƊAI aga a siɗi ni lai.

¹⁰Zlinini ha na wiiɗi muni na war greŋ gaiɗi muni zi bidi, gaini ɗi n’e ɗili siɗi aŋ zi wala kai ɗa lai, jreni a na.

¹¹Na ɓa te muni na t'ŋ pini mofoɗi dam, te za ɵinini ha ta, te ɗala siɗi gaini wala zi hi miy ɗal,

¹²na ɓa mofoɗi a ɵina li a miɗiɗi seŋ kai, a bula edi sini seŋɗi kaalai ɗa, ɵinini ha na na te zaŋ ɗa lai, ɗili na te ɗala siɗi lai ɗa, jreni a na.

¹³Amma na ɓa mefeŋ na mofoɗi a ɵina li, a ɗiya war seŋɗi kai ɗa, ɵinini ha gaini ɗili na te ɗala siɗi ɗa, a seŋ kadai, buri ɓa mofoɗi a ɗiya warni kai, EPIƊ-ƊAI aga a siɗi ni lai.

¹⁴Zlinini ha paŋ na muni te zaŋ, gaini ɗilini-si na gaini wala zi hi miy na muni te zaŋ paŋ ɗa, mofoɗi a kiɗa a zaŋ aŋ wala na jeni a na zaw a kiɗa a tuuraŋ edi tiɗi lai.

¹⁵Na ɓa mofoɗi a ɵina ba, ama mefeŋni ɗa a miɗiɗi seŋ kai, haa dawaini ta ɗa, ɵini ha na wiiɗi gaini ɗilini-si na wiiɗi ɗa a za aŋ jre ta. A za aŋ jre buri ɓa mefeŋ n’a ɵina ɗa a muɗa seŋ kai.

¹⁶Amma na ɓa a firya a tuuraŋ edi asakal sek war mefeŋ zamai ɗa, meefeŋ na wiiɗi munini a pɵa midini.

¹⁷Hanɗa a gadai zi ɗiyi n’EPIƊ-ƊAI a siŋni wiini Musus midini bonu n’arbani wus gaiɗi munini, arbani api gaiɗi ahini na ɓulumi, na te na aha blaŋ ba.