Read Mousgoum Piɵi 33 Bible Online

Piɵi 33 - Mousgoum bible

Piɵi 33

¹Hili n’aliɗi Izrayel n’e niyisi edi war Egipte par pini vokɗi askaraiɗi ta ta e hiliŋ, na Musus gaini Aaron e ɵi wuzaɗi ɗa a na maini nɵa:

²Musus a ɗo hlai n’aliɗi Izrayel e ɗiyi warni ta ta, gaini hlai n’e fikiɗi warni par ta ta ɗa lai, n’a za pini miɗi na wiini EPIƊ-ƊAI, yikini hlai hanɗa a na maini nɵa:

³E fiki a Ramses par, war mefeŋ n’ag'aŋ doogo pi ɵim na wiini tile n’avut, dawaiɗi fet na wiini Paska ɗa, aliɗi Izrayel e niyisi edi gaini seŋ midiɗi kai wuzani arɗi ɗai n’Egipte ɗa paŋ,

⁴war sartini ɗa, ɗai n’Egipte e piɗi aliɗi n’e wii avut n’EPIƊ-ƊAI a fiɗiɗi edi aŋ ziti sariya wiiɗi alawai n’Egipte.

⁵Aliɗi Izrayel e fikiɗi a Ramses par e hili e pi a Sukkot,

⁶a Sukkot par e hili e pi a Etam edi mini basga na kaɗatan,

⁷a Etam par e wiyisi a Pi-Hahir, wuzani Baal-Sefon, e pi wuzaɗi Migdol.

⁸E fikiɗi wuzaɗi a Hahirot par, e vigi yem-ra n’abai arɗi edi warni basga na kaɗatan sek, e zi mefeŋ hu aŋ hili edi warni basga na kaɗatan na wiiɗi Etam, asakal par e cû a Mara.

⁹A Mara par e hili a Elim, Elim ɗa kalaŋai warɗi doogo pi sulu, hurakai warɗi doogo doogo muguzak, e pi warni lai.

¹⁰E fiki a Elim par e hili e pi gobi ɵimani yem-ra n’abai na mekele.

¹¹E fiki woni par e hili e pi war basga na kaɗatan na Cin,

¹²edi war basga na kaɗatan na Cin par e hili e pi a Dofka,

¹³war Dofka par e hili e pi a Alus,

¹⁴a Alus par e hili e pi a Refidim, woni ɗai e nivi yem zi ci kai.

¹⁵A Rifidim par e hili e pi edi war basga na kaɗatan na Sinai.

¹⁶Edi war basga na kaɗatan na Sinai par e hili e pi a Kibrot-Taaba.

¹⁷E fikiɗi war a Kibrot- Taaba par e hili e pi a Haserot.

¹⁸A Haserot par e hili e pi a Ritma.

¹⁹A Ritma par e hili e pi a Rimmon-Peres.

²⁰A Rimmon -Peres par e hili e pi a Libna.

²¹A Libna par e hili e pi a Rissa.

²²A Rissa par e hili e pi a Kehelata.

²³A Kehelata par e hili e pi siɗi huwuŋ Sefer.

²⁴Siɗi huwuŋ Sefer e hili e pi a Harada.

²⁵A Harada par e hili e pi a Makehelot.

²⁶A Makehelot par e hili e pi a Tahat.

²⁷A Tahat par e hili e pi a Tera.

²⁸A Tera par e hili e pi a Mitka.

²⁹A Mitka par e hili e pi a Hasmona.

³⁰A Hasmona par e hili e pi a Mosserot.

³¹A Mosserot par e hili e pi a Bene- Yaakan.

³²A Bene-Yaakan par e hili e pi a Hor-Gidgad.

³³A Hor-Gigad par e hili e pi a Yotbata.

³⁴A Yotbata par e hili e pi a Abrona.

³⁵A Brona par e hili e pi a Esiyon-Geber.

³⁶A Esiyon-Geber par e hili par e pi edi war basga na kaɗatan na Cin a dara a Kades.

³⁷A Kades par e hili e pi siɗi huwuŋ na Hor gobi ɵimani haga na gaini afti na Edom.

³⁸Pini miɗi na wiini EPIƊ-ƊAI, pai zi ɓaka Aaron a niya amai midiɗi huwuŋ na Hor, a mra amai woni, buzani a za miya gaini caɓa pi hu, a mra war mefeŋ n’avut na wiini tile n’ag'aŋ ɵim, buza doogo doogo puɗu askalni niyi n’edi na wiiɗi aliɗi Izrayel war Egipte par.

³⁹

⁴⁰Pai na Arad, na war pinzibaɗi Kanaaniyakai a sumna midini afti na war gal n’amai sek, a ɵina ɓa aliɗi Izrayel e ɗa gizi.

⁴¹Siɗi huwuŋ na Hor par e hili epi a Salmona.

⁴²A Salmona par e hili e pi a Punon.

⁴³A Punon par e hili e pi a Obot.

⁴⁴A Obot par e hili e pi a Iyye-Abarim, ɵimani haga na gaini afti na Mowab.

⁴⁵A Iyyim par e hili e pi a Dibon-Gad.

⁴⁶A Dibon-Gad par e hili e pi a Almon-Diblatayim.

⁴⁷War Almon-Diblatayim par e hili e pi sini huwoŋai na Abarim wuzaɗi Nebo tar.

⁴⁸Sini huwoŋai Abarim par e hili e pi war hlai na plas na Mowab gobi ɵimani Yurdan wuzaɗi Yeriko.

⁴⁹E pi gobi ɵimani Yurdan a Bet-Yesimot par haa a Abel-Sittim ta warni hlai na plas na Mowab.

⁵⁰EPIƊ-ƊAI a miɗini wiini Musus war hlai na plas na Mowab ɵimani ra na Yurdan, wuzaɗi Yeriko tar, a miɗini:

⁵¹Miɗiɗi wiiɗi aliɗi Izrayel, ku miɗiɗi ɓa: Won hlai na ki vigi ra Yurdan ɗa li aŋ niyi aha war Kanaan ɗa,

⁵²aga ki birgiɗi ɗai na midini afti paŋ ɗa edi, alawaiɗi z'ali-fuŋ na jaafai ɗa ki tûriŋ edi, alawai n’e rgiŋ gaini kawai n’a hiliya paŋ ɗa, ki tûriŋ edi lai. Hlai zi Anaka paŋ ɗa ki hûŋ azumai

⁵³Ki tiki afti ɗa aŋ wiiki, aga ki simni woni, mu siki afti ni ɗa ɓa kapai a hina aŋ wiiki.

⁵⁴Afti ni ɗa aga ki ɓûrwiŋ arbaki ɗa pini Pinziba, piɗi humuni humuni lai, a za pini wala zi vili. Nagai n’e ɗa viya ɗa, ki siɗi afti zi bulum na wiiɗi abai ta, nagai na viya kai ɗa ki siɗi na wiiɗi agwi ta lai. Ɗif paŋ ɗa hlai n’a sini pini wala zi vili ɗa a yimaŋ.

⁵⁵Amma nagai n’e ɗa midini afti ɗa, na ɓa ki birgiɗi edi kai ɗa aga e bindi buriki aŋ duvuɗuvul n’a ɓiliki arki, aŋ hedek n’a ɓiliki paɵaki, aga e bindi aŋ gawki midini afti n’aga ki simni warni ɗa.

⁵⁶Meefeŋ na mu hiinaŋ ɓa mu zaŋ siɗi ɗa, aga mu zaŋ siki tiki.