Read Mousgoum Piɵi 34 Bible Online

Piɵi 34 - Mousgoum bible

Piɵi 34

¹EPIƊ-ƊAI a miɗini wiini Musus:

²miɗiɗi wiiɗi aliɗi Izrayel, ku miɗiɗi ɓa: Won hlai na ki niyi aha war Kanaan li ɗa, afti n’aga ki ɓûrwiŋ tiki ɗa a afti na Ka na gaini haga hanɗa:

³War gal n’amai sek ɗa, aftiki ɗa a daba sini basga na kaɗatan na Ciŋ gaini afti na Edom ɗa ta, piɗi futi na dawai par sek ɗa, hagani aftiki a daba woni ta ɗa lai.

⁴Hagani aftiki ɗa a waya war gal n’amai sek ɗa war hlai na boŋor zi hurdi par ɗaw, a vuda a Cin ɗaw haa a daba war gal n’amai sek na wiini kades- Barneya, a vuga katawai a hasar-Addar ɗaw, woni par a vuga a Asmon ɗaw,

⁵A Asmon par ɗa, a viiɗa sini yem ei ki n’Egipte haa a daba agoɗom war yem-ra n’abai ɗa ta.

⁶Piɗi futi na koskoi sek ɗa, hagani aftiki ɗa a yem-ra n’abai na Mediteraniya.

⁷War gal n’azumai sek ɗa hagani aftiki ɗa a na arbani Yem ra n’abai Mediteraniya gaiɗi huwuŋ na Hor.

⁸Siɗi huwuŋ na hor par ɗa a vuga a Lebo-Hamat ɗaw, haa a daba a Sedad ta,

⁹Woni par a vuga a Zifron ɗaw kapai a hala a Hasar-Einan ta, hanɗa a hagani aftiki na war gal n’azumai sek ɗa.

¹⁰Hagani aftiki piɗi futi na dawai par sek ɗa, a tikasi pini a Hasar Einan par haa a Sefan ta.

¹¹A Sefan par a vuga a Ribla ɗaw, tiɗi Ain piɗi futi dawai par, asakal par a halasi haa agoɗom bal na Genezaret piɗi futi na dawai par ta.

¹²A vuga sini ra Yurdan ɗaw haa agoɗom wulani yem-ra zi manda ta, hanɗa a hagani aftiki ɗa.

¹³Musus a miɗiɗi seŋ hanɗa wiiɗi aliɗi Izrayel, a miɗiɗi: afti n’EPIƊ-ƊAI a muɗa midini ɓa e ɓirwiŋɗi wiiɗi aliɗi Izrayel na ɵeeŋe gaini gal pini wala zi vili ɗa a ni ɗa.

¹⁴Buri ɓa, pinzibani Rubeŋ, pinzibani Gad gaini galni pinzibani Manase lai e nivisi afti zi bulum na wiiɗi nagai ya.

¹⁵Afti zi bulum na wiiɗi pinziba na sulu gaini gal hanɗa a na ɗa anene duɓani ra Yurdan par piɗi futi na dawai sek, wuzaɗiYeriko tar.

¹⁶EPIƊ-ƊAI a miɗini wiini Musus:

¹⁷Yikiɗi ɗai n’aga e ɓirwiiki afti arbaki ɗa a na maini nɵa: pai zi ɓaka Eliyazar gaini Yosva n’ahini Nun ɗa lai.

¹⁸War pinziba par paŋ ɗa aga ki piyi abai ktai kapai a zina piɗi war sda hanɗa.

¹⁹Yikiɗi a na maini nɵa: war pinzibani Yuda ɗa a Kaleb n’ahini Yefune.

²⁰War pinzibani Simeyon ɗa a Samuwel n’ahini Ammihud.

²¹War pinzibani Benyamin ɗa a Elidad n’ahini Kiɵon.

²²War pinzibani Dan ɗa a Bukki n’a hini Yogli.

²³War pinzibani Manase n’ahini Yosef ɗa a Hanniyel n’ahini Efod.

²⁴War pinzibani Efrayim n’ahini Yosef ɗa a Kemuwel n’ahini Siftan.

²⁵War pinzibani Zabulon ɗa a Elisafan n’ahini Parnak.

²⁶War pinzibani Issakar ɗa a Paltiyel n’ahini Azzan.

²⁷War pinzibani Aser ɗa a Ahihud n’ahini Selomi.

²⁸War pinzibani Neftali ɗa a Pedahel n’ahini Ammihud.

²⁹Hanɗa e ɗi ɗai n’EPIƊ-ƊAI a sa sdani ɓrawni afti na Kanaan wiiɗi aliɗi Izrayel war tiɗi ɗa.