Read Mousgoum Piɵi 36 Bible Online

Piɵi 36 - Mousgoum bible

Piɵi 36

¹Ɗai na war pinzibani Yosef e hilisi, e ɗi abakaini pinziba na war piɗi humuni na wiini Galaad, n’ahini Makir, na tiyni Manase, e hilisi sini Musus gaiɗi abakaini pinziba na wiiɗi aliɗi Izrayel,

³Tiyana ɗa, na ɓa ɗif na war pinzibaɗi Izrayel zamai a tikiɗi li ɗa, bulum na wiiɗi ɗa aga a yima edi arbani bulum na wiiɗi tamaiɗi par a tika sini na wiini pinziba n’e tikiɗi warni ɗa, nɵa afti zi bulum na wiyi aga a faya.

⁴Pra, buza zi firiyi a cosi li ɗa, aftiɗi ɗa a tika edi tiyi par gamai a sa siɗi nagai n’e tikiɗi ɗa lai.

⁵Pini miɗi na wiini EPIƊ-ƊAI, Musus a siɗi gadai wiiɗi aliɗi Izrayel maini nɵa: pinzibani alini Yosef ɗa, wiiɗi ɗa a futini,

⁶EPIƊ-ƊAI a na muɗa midiɗi alini Selofad maini nɵa: e kiɗi e tiki ɗif paŋ n’e diriŋ, amma aga e tiki ɗa a ɗif na war pinzibani epiɗi.

⁷Arbaɗi aliɗi Izrayel ɗa, afti zi bulum ɗa a hina war pinziba ni ɵa, a zogo war pinziba zamai kai. Ɗif na Izrayel paŋ ɗa aŋ gaini rgi sini afti zi bulum na wiini pinzibani.

⁸Na ɓa ɓulmi na war pinzibaɗi Izrayel ktai t'aŋ gaini afti zi bulum ɗa, te tika ɗa a ɗif na war pinziba na wiini epiɗi. Kapai pinzibaɗi Izrayel paŋ ɗa a tika hangalni sini afti n’a navaŋ aŋ bulum tiɗi tiyakaini par ɗa.

⁹Afti zi bulum paŋ ɗa a hina war pinziba ni ɵa, a zogo war pinziba zamai kai, pinzibaɗi Izrayel paŋ aŋ gaini rgi sini afti zi bulum na wiini.

¹⁰Alini Selofad na falakai e zi maini n’EPIƊ-ƊAI a miɗiŋni wiini Musus nɵa.

¹¹Mahla, Tirsa, Hogla Mika gaiɗi Nowa n’alini Selofad e tikiɗi aliɗi tawalakaini epiɗi aŋ maɵagaiɗi.

¹²E tiki maɵagai ɗa war piɗi humuni na wiiɗi alini Manase n’ahini Yosef. Nɵa bulum na wiiɗi a hina war pinziba na wiini epiɗi.

¹³Hanɗa a gadai gaini gadai zi ɗû n’EPIƊ-ƊAI a siŋɗi wiiɗi aliɗi Izrayel war mini Musus war hlai na plas na Mowab ɵimani ra Yurdan wuzaɗi Yeriko tar.