Read Mousgoum Piɵi 7 Bible Online

Piɵi 7 - Mousgoum bible

Piɵi 7

¹Mefeŋ na Musus a vada gaini pini hli na sɗik vat ɗa, a ma emel n’e tiki ɗai war sda gaini, a saŋ edi aŋ wiini Alaw gaini wazagai n’e zi sda gaini na warni paŋ, gûwiŋ zi ɓaka gaini wazagai n’e zi sdamidini gaini lai, a ma emel n’e tiki ɗai war sda gaini midini a saŋ edi aŋ wiini Alaw lai.

²Asakal par, abakai na midini pakatai pakatai e hilisi, nagai n’e viriɗi aŋ n’abakai na war pinziba na war Izrayel, n’e zini war pɵiɗi ɗai ɗa.

³Ekinisi aŋ katu wiini EPIƊ-ƊAI saretai ɵaara na midini gaini dûgi dug dug, garakai doogo pi sulu lai. Saret paŋ ɗa, abakaiɗi ɗai sini sulu sulu, ɗif n’abai paŋ a sa gari ktai ktai lai, e kiŋsi wuzani hlai na sɗik.

⁴EPIƊ-ƊAI a miɗini wiini Musus:

⁵Yima like n’e kiŋsi ɗa kapai ki zi sda na war hlai na sɗik gaini, ku siŋɗi tɗi levitekai pin sda n’a sa tiɗi aŋ zi ɗa.

⁶Musus a yimaŋ tiɗi par, a siŋɗi wiiɗi Levitekai.

⁷A sa saretai sulu gaini garakai puɗu wiini pinzibani Gerson, pin sda n’a sa tiɗi.

⁸Saretai n’a hina puɗu gaini gaarakai na mitwis ɗa a siŋni wiini pai zi ɓaka Itamar, n’ahini Aaron ɗa, kapai a siŋni wiini pinzibani Merari, pin sda n’a sa tiɗi aŋ zi ɗa.

⁹Pinzibani Kehat ɗa a sini wala kai, buri sda n’a sa tiɗi ɗa a libini wazagai na sɗik amai wulaɗi.

¹⁰Mefeŋ n’e zi fet na wiini gû wiŋ zi ɓaka ɗa, abakaini pakatai e kisi like na wiiɗi wuzani gû wiŋ zi ɓaka ɗa.

¹¹EPIƊ-ƊAI a miɗini wiini Musus: Won hlai n’abakai na midini pakatai aga e kisi lkeɗi ɗa, e hilisi warni mefeŋ ktai ktai, e giri ni giri piɗi marɗi, ɗif paŋ gaiɗi yuvaini yuvaini.

¹²E giri maini nɵa: Mefeŋ n’avut ɗa a Nason n’ahini Aminadab, na war pinzibani Yuda, mefeŋ n’ag'aŋ sulu ɗa a Natanaiel n’ahini Suwar war pinzibani Isakar, mefeŋ n’ag'aŋ hu ɗa a Eliyab n’ahini Helon, na war pinzibani Zabulon, mefeŋ n’ag'aŋ puɗu ɗa a Elisur n’ahini Sedewur, na war pinzibani Ruben, mefeŋ n’ag'aŋ ɵim ɗa a Selumiyel n’ahini Surisaddai, na war pinzibani Simeyon, mefeŋ n’ag'aŋ ɵaara ɗa a Eliyasaf n’ahini De wuwel, na war pinzibani Gad, mefeŋ n’ag'aŋ muguzak ɗa a Elisama n’ahini Amihud, na war pinzibani Efrayim, mefeŋ n’ag'aŋ mitwis ɗa a Gamliyel, n’ahini Pedasur, na war pinzibani Manase, mefeŋ n’ag'aŋ ɵeeŋe ɗa a Abidan n’ahini Gidoni, na war pinzibani Benyamin, mefeŋ n’ag'aŋ doogo ɗa, a Ahiyezer n’ahini Amisaddai na war pinzibani Dan, mefeŋ n’ag'aŋ doogo pi ktai ɗa a Ragiyel n’ahini Okran, na war pinzibani Aser, mefeŋ n’ag'aŋ dooo pi sulu ɗa, a Ahiran n’ahini Einan, na war pinzibani Neftali Ɗif paŋ a kasi like na mai hanɗa nɵa: Sufra zi arzaŋ ɗaw na kiloni gram dubu ɗaw gaini miya hu, zaw a (...)

⁸⁴Like n’abakaini pakataini na war Izrayel paŋ e siŋ burini fet na wiini gûwiŋ zi ɓaka ɗa, pɵani a na maini nɵa: Sufra zi arzaŋ doogo pi sulu, wazagai n’e mi fel warni zi arzaŋ doogo pi sulu, kup zi or doogo pi sulu lai.

⁸⁵Sufra paŋ, kiloni gram dubu ɗaw gai miya hu, zaw a suwa. Wala n’e mi fel warni paŋ, kiloni gram miya muguzak, a za paŋ kilo caɓa pi puɗu na wiini arzaŋ.

⁸⁶Kup zi or paŋ kiloni gram miya ɗaw, kup na doogo pi sulu a za kilo dubu ɗaw gaini miya sulu, gaini vi gaini wazagai zi ɗûgûdi zi lûgûzi.

⁸⁷Garakai doogo pi sulu, adumai na maɵagai doogo pi sulu, alini adumai na buza ɗaw ɗaw doogo pi sulu lai, n’e zi ɓaka zi yi gaini ɗa gaini ɓaka na wiini ali-seyem na midini ɗa lai, haakai na maɵagai pi sulu n’e zi ɓaka na buri hinini tuwur gaini lai.

⁸⁸Garakai caɓa pi puɗu, adumai na maɵagai doogo doogo ɵaara, haakai na maɵagai doogo doogo ɵaara, alini adumai na maɵagai na buza ɗaw ɗaw doogo doogo ɵaara lai, na burini ɓka zi ɵeɗ. Hanɗa a like n’a sa buriɗi fet na wiini gûwiŋ zi ɓaka ɗa.

⁸⁹Won hlai na Musus a niya li amlai war hlai na sɗik aŋ muɗa gaini EPIƊ-ƊAI ɗa, a ɵina wulani EPIƊ-ƊAI a wasi arbaɗi kerubimkai na sulu n’e ɗa amai midini wala n’e dugiŋ min zuŋduk zi bonu n’ali-fuŋ na bapɗamai na wiini bonu aŋ warni ɗa. Nɵa a muɗa seŋ gaini.