Read Mousgoum Mika 5 Bible Online

Mika 5 - Mousgoum bible

Mika 5

¹Tuku Betlehem Öfrata, tuku n’agwi arbani pinziba na Yuda paŋ. Warku par aga mu kasi, ni n’a ŋa midiɗi Izrayel, ni n’aŋsi gamai par, won hlai na vada kai par.

²Buri hanɗa, aga a hinidi edi, haa sin mefeŋ na muni n’aga te wa ahi, te wa haw, piɗi tawalakaini n’a hina, aga e wiyisi siɗi aliɗi Izrayel.

³Aga a ɗiya amai, a ŋa midiɗi gaini gdaŋ na wiini EPIƊ-ƊAI, warɗi abai na wiini Epiɗ-ɗai Alaw na wiini. Nagai aga e nivi hlai zi simni na ɵeɗ, buri ni aga a nava kol, warɗi koŋɗi yai na puɗu paŋ.

⁴A ni n’aga a kasi ɵeɗ, won hlai na ɗai n’Asiriya e niyi li midini aftimu, e tiki eziɗi li aha warɗi paimu, aga mu ɗiyumu ɗai zi giɗimi muguzak arɗi, gaiɗi yerimakai mitwis arbaɗi ɗai na Izrayel par.

⁵Gaini kaɵkar aga e ŋi midiɗi Asiriya, afti na wiini Nimrod, amlai mini magalani. Amma ni aga a kurɗumu edi tiɗi Asiriya par, won hlai n’aga e niyisi midini aftimu, won hlai n’aga e prisi hagamu lai.

⁶Piɗi alini Yakob n’e hini, aga e simni arbaɗi ɗai na viya, Maini maɗai n’a halasi sin EPIƊ-ƊAI par nɵa, maini faŋ n’a ɵa midini evek nɵa, n’a zilba wala tini ɗif par kai, na jaani gaini kaalai.

⁷Buri nɵa piɗi aliɗi Izrayel n’e hini, arbaɗi pinzibai ɗai na kadai na viya, e tili maini gurnai n’arbani wazagai n’edi buza nɵa, maini ahini gurnai n’a ŋa arbani farani adumai nɵa: won hlai n’a na vuga, a kirpa azumai, a ɓasa edi lai, wala na tini par, a tika tini ɗif kai.

⁸A pɗem ɓa ku faka amai ku hitimiɗi gawku, ku vidiɗi edi paŋ.

⁹Tili wala n’aga a za war mefeŋ hanɗa, a muɗaŋ a EPIƊ-ƊAI: aga mu vada plasaiki paŋ edi, gaini saretai zi gaw na wiiki lai.

¹⁰Aga mu tuura fuŋ n’abakai na midini aftiku paŋ edi, ɵaga na sini paŋ mu hoŋ azumai lai.

¹¹Aga mu vada sda z'evek edi, ɗif n’a za mazi aga a hina arbaki kir kai.

¹²Aga mu vada edi arbaki par, alawai na kadai zi kilɗi, wala na ku rgaŋ gaini tuku, aga ku hurga azumai wuzani kir kai.

¹³Aga mu rɗa luwuŋku zi ɓaka amai, mu ɓulka fuŋu n’abakai edi lai.

¹⁴Midiɗi pinzibaɗi ɗai na kadai, n’e diri ɵini kai, aga mu vurga meefeŋɗi war hiy n’abai.