Read Mousgoum Nahum 3 Bible Online

Nahum 3 - Mousgoum bible

Nahum 3

¹Haw gara burini fuŋ na ma fel edi! N'a va gaini eles, gaini karai, n’a hina sdani vram edi kai ɗa.

²Tuwini dabala, vugumni ezini saret, plasai n’a pra, rûvini saret zi gaw.

³ɗai zi diɓiri plasai e fiki li ɗa, wuli-n’afu a suura, kawakai a ŋala, ɗai n’e mri e piɵi kai, kopoŋɗi zi mri hlai paŋ, emini meefeŋ te tika siyer ɗaw.

⁴Burini meefeŋ na viya na wiiɗi zawar, na zûvi gara, zi zi hiila, na te ba pinzibaɗi ɗai viya war zini meefeŋɗi, gaini pinziba viya lai war hiilaɗi.

⁵Tala, wara a na luma suku, a muɗaŋ a EPIƊ-ƊAI zi Spak paŋ: aga mu foka sapa na suku edi, aga mu siŋka ganalaku edi wuzani arɗi ɗai, siyerku edi arɗi paakai na zamai lai.

⁶Aga mu bubuluku arni alogodo, aga mu vuduku edi, aga mu bunduku aŋ wala na ɗai e tili suku.

⁷Nɵa asiya ɗi paŋ n’aga a tuluku, aga a ɗiya edi gaigai suku par, aga a muɗa: Ninive te tuura li. N'aga a hiina buriɗi asiya ɗa? Aga mu piyikusi ɗai n’e suku arai zi pi wata par ɗa?

⁸Tuku pɗemiku a sûwiti Tebes ɗi? Na te naka wulani yem Nil, na yem a gûniti azumai gun, ra n’abai maini ɵaga nɵa lai.

⁹Gdaŋni a halasi siɗi Etiopiya gaiɗi Egipte par, Put gaiɗi ɗai na Libi edi ka ɗai n’e zini puku.

¹⁰Amma tiyana na te yima li edi, na lai te ɵara edi war bege. Aliɗi na kuɗu kuɗu e siriɗi edi, war dagrani futi, e zi viri buriɗi ŋarakaiɗi n’abakai, n’abakai na wiiɗi paŋ e niggiɗi gaini jaɓ.

¹¹Tuku tiyana hlaiku zi ciini a gizi li, aga ku ciina gaini gir, aga ku ŋoya suku wuzani gawku.

¹²Hlai zi ɵaga na wiiku paŋ, a na maini luwuŋ Fige n’a na cufiya nɵa. Won hlai na ɗif a gigizaŋ, a yakasi mini asiya asiya paŋ n’a dara a lumaŋ.

¹³Tiliɗi ɗaiku: edi falakai kiiɗi. Min magalani fuŋku, aŋ gaini mili mal buriɗi gawku, kle na miɗi dilimiku afu a tuuraŋ kok.

¹⁴Bula yem burini gir n’aŋsi muduku, zizina suku burini hatam, pɗem, niya arni ŋoroɓok, zizina mol zi wi brik.

¹⁵Woni afu aga a yiku edi, kaɵkar aga a vuduku edi, a vuduku edi maini ayuwi nɵa, fuŋ n’abai n’a tika aftiɗi marni, ɗif warni kir kai. Tipi siki amai maini miskiyu nɵa, tipi siki amai maini ayuwi nɵa.

¹⁶Ku bindiɗi ɗaiku zi sakala viya e sûwi meeɵek, kal kal maini ayuwi na suma wai asakal par a hala wiini nɵa.

¹⁷Nagai n’e tili hlai e ɗa viya maini ayuwi nɵa, nagai n’e zi sda kal kal maini ɗugul na wiini ayuwi nɵa, n’a sumna sini hedek won hlai na smer a na, na won hlai na futi te diyasi li amai a hala walani, ɗif a sda hlai na naka woni kai.

¹⁸Ɗaiku zi giɗimi e ɗa dûŋri, pai na Asiriya. Abakaiɗi askarai na wiiku e migizi kai ɗa koo! Ɗaiku e ɵiri edi pete pete amai midini huwuŋ, ɗif n’a tipiɗi amai aŋ kai.

¹⁹Wala na vada girku aŋ kai, Wurukku, a wuruk zi mri. Ɗai n’aga e ɵini labarku, aga e firiyi abai gara, buri ɗif n’a sɗa gir tuku kai asiya ɗa? N'a hina ka a zuku, na ku siŋkini kal kai asiya ɗa?