Read Mousgoum Haggai 2 Bible Online

Haggai 2 - Mousgoum bible

Haggai 2

¹War mefeŋ caaɓa pi ktai na wiini tile n’ag'aŋ muguzak, EPIƊ-ƊAI a muɗa edi war mini ɗif na min Alaw Haggai.

²A miɗini: Mu siiwuku, miɗini wiini Zorobabel n’ahini Seyaltiyel, Lawan na Yuda, gaini Yosva n’ahini Yehosadak na pai n’abai zi ɓaka gaiɗi nagai n’e wiyisi edi par paŋ maini nɵa:

³Arbaki ɗa ɗif n’a nasi ka avut par, n’a talasi juf na wiini tempel n’a naka avut ɗa a na ɗi? Tiyana ki tiliŋ na ɗa maɵa maɵa ɗa? A tala arki na ɗa jufni aŋ kai kai ɗi?

⁴Tiyana ɗa, Zorobabel, ɗiya gdaŋ! a miɗi na sini EPIƊ-ƊAI par. Yosva n’ahini Yehosadak, pai n’abai zi ɓaka, ɗiya gdaŋ! a miɗi na sini EPIƊ-ƊAI par. Zi was, Buri ɓa mu na gaiki a miɗi na sini EPIƊ-ƊAI zi Spak paŋ,

⁵gaini seŋ na mu miɗiŋki, hlai na ki niyisi edi war Egipte par. Sezeŋa a na arbaki: ki hûni kai!

⁶Buri EPIƊ-ƊAI zi Spak paŋ a muɗa maini nɵa: Safai n’agwi, agwi kadai, aga mu muguza hlai n’amai gaiɗi yai, yem-ra n’abai gaini afti na huleŋ lai;

⁷aga mu turliɗi pinziba na zamai ɗa paŋ, derɗi na gai futini paŋ aga a cosi won na viya viya, aga mu va tempel hanɗa gaini juf, a muɗaŋ a EPIƊ-ƊAI zi Spak paŋ.

⁸Arzaŋ ɗa a wiya, or ɗa a wiya lai a miɗi na sini EPIƊ-ƊAI zi Spak paŋ par.

⁹Jufni tempel n’a na rga na ɗa, aga a suwa na wiini n’avut ɗa pra a muɗaŋ a EPIƊ-ƊAI zi Spak paŋ aga mu sa ɵeɗ amlai war hlai hanɗa, a miɗi na sini EPIƊ-ƊAI zi Spak paŋ par.

¹⁰War buza n’ag'aŋ sulu ni dama na Dariyus a na aŋ pai, war mefeŋ n’ag'aŋ caaɓa pi puɗu na wiini tile n’ag'aŋ ɵeeŋe, EPIƊ-ƊAI a miɗini wiini Haggai, ɗif na min Alaw.

¹¹EPIƊ-ƊAI zi Spak paŋ a na muɗa maini nɵa: mu siiwuku, ku miɗiɗi wiiɗi paakai zi ɓaka buri e tili seŋ hanɗa haw ɗa:

¹²Na ɓa ɗif a mula neŋ na wiini wala zi ɓaka mini sapani, na ɓa min sapani a tetema li peŋ zaw sufra zaw, vin zaw, emel zaw, wala zi simi ktai ɗi, wala ni ɗa aga a bunda edi sɗik ɗi? Paakai zi ɓaka e wiyini seŋ: zaw kai.

¹³Haggai a muɗa pra: Na ɓa ɗif a bunda li hi-hir buri ɓa a tetema kopoŋ ɗa, a tika tini li sini ktai arbani wazagai na mu muɗasi gaini na ɗa wala ni ɗa a bunda hi-hir ɗi? Paakai zi ɓaka e wiyini seŋ: a bunda hi-hir.

¹⁴Nɵa Haggai a muɗa: Ɗai hanɗa e ɗi na maini nɵa, pinziba hanɗa a na wuzani ara na ɗa maini nɵa, a miɗi na sini EPIƊ-ƊAI par sdaɗi n’e ziŋ paŋ an na maini nɵa; ɓaka n’e ziŋa paŋ ɗa a na hilu kai.

¹⁵Tiyana ɗa, mu siiwiki, ki tiki hangalki sin wala n’aga a za tiyana par haa avut sek, wuzani hlai n’e tiki piɗi aŋ rgi Temple na wiini EPIƊ-ƊAI amai,

¹⁶hlai na ɗif a hala li aŋ tiliti godaini na te hina war vraini ɗa, na ɓa a nafu kor caaɓa ɗa, a nava ɗa kor doogo, na ɓa a hala li war hlai zi cipiɗi vin zaw emel ɗa, na ɓa a firya litir doogo doogo ɵim ɗa, a nava ɗa a litir caaɓa.

¹⁷Mu tuura wazagaiki na ki ziŋ paŋ edi gaini neme neme, gaini migimze gaini wutiŋ lai, gai hanɗa paŋ ki wiyisi sa kai, a miɗi na sini EPIƊ-ƊAI par.

¹⁸Mu siiwiki, ki tiki hangalki sini wala n’aga a za tiyana par haa avut sek ɗa, a tika pini sini mefeŋ n’ag'aŋ caaɓa pi puɗu na wiini tile n’ag'aŋ ɵeeŋe par, sin mefeŋ n’e tûûri ezini tempel azumai ɗa par, ki wili midiki gaini kai.

¹⁹Vrakai ɗa, seyem aŋ warni ɗaai ɗi? luwuŋ zi vin gaini luwuŋ Fige gaini luwuŋ grenade gaini luwuŋ olive ɗa a wa kai. Girna par aga mu ɓikiki.

²⁰EPIƊ-ƊAI a miɗini wiini Haggai, azi n’ag'aŋ sulu pra war mefeŋ n’ag'aŋ caaɓa pi puɗu na wiini tile ni ɗa, a miɗini:

²¹Miɗini wiini Zorobabel, Lawan na Yuda ɗa maini nɵa: Aga mu muguza hlai n’amai gaiɗi yai;

²²aga mu pûkûɗi paakaiɗi ɗa azumai, spakni aftiɗi na midiɗi yai ɗa aga mu vadaŋ edi. Aga mu vada saret zi gaw gaiɗi nagai n’e diɓiriŋ ɗa lai, plasai ɗa aga e fiɗiŋ edi, nagai na midini ɗa aga e fiɗi marɗi, ɗif paŋ aga a mra min kaɵkar na wiini maini.

²³War mefeŋ ni ɗa, a miɗi na sini EPIƊ-ƊAI zi Spak paŋ par, aga mu yimuku tuku Zorobabel, n’ahini Seyaltiyel, na ɗifŋa ɗa, a miɗi na sini EPIƊ-ƊAI par, aga mu bunduku aŋ tampoŋ na wiya, buri ɓa mu vuruku ku tuku, a miɗi na sini EPIƊ-ƊAI zi Spak paŋ par.