Read Mousgoum Sakariyas 13 Bible Online

Sakariyas 13 - Mousgoum bible

Sakariyas 13

¹War mefeŋ ni, yem zi liiwi aga a luɓasi edi, aŋ ma tuwur gaini hi-hir na wiini dalamni David gaiɗi ɗai na Yeruzalem ɗa edi.

²War mefeŋ ni ɗa, aga mu vidiɗi alawai zi rgi edi midini afti par, ɗif aga a yikaŋ mini kir kai. Aga mu birgiɗi ɗai na min Alaw na jrekai kai, gaini seze na wiini hi-hir ɗa lai edi, a miɗi na sini EPIƊ-ƊAI zi Spak paŋ par.

³Na ɓa ɗif a na za sini aŋ ɗif na min Alaw ɗaai ɗa, epini gaiɗi emini, n’e wiŋ mal ɗa, aga e miɗini ɓa: Girna ku ɓa ta, buri ku muɗa war yikini EPIƊ-ƊAI na ɗa a eles. Epini gaiɗi emini n’e wiŋ ɗa mal aga e fiɗiŋ edi, na ɓa a na za sini aŋ ɗif na min Alaw ɗa.

⁴War mefeŋ ni, ɗif na min Alaw paŋ siyer aga a yimaŋ burini wazagai n’a siŋka arni, won hlai n’a na muɗa seŋ na wuze edi ɗa. Aga e wi sapa z'ayirni adumai siɗi kir kai, kapai e tipi gaiɗi ɗai na doogo paŋ ɗa.

⁵Ɗif na min Alaw paŋ aga a ɓuɓura mini ɓa: ta mu ɗif na min Alaw kai, mu hirma na gai hirmi. Mu za sda na wiini epin-geza haa war agwiya par.

⁶Nɵa ɗai aga e miɗini ɓa: wuruk n’a na sini didikku ɗa a siŋka ɗa a ma ɗa? Aga a waya seŋ ɓa mu navaŋsi ahaɗi marmakaiya par.

⁷Kaɵkar faka amai sini ɗifŋa zi gɗam ɗa, sin marmaya na siɗi agula ɗa, a miɗi na sin EPIƊ-ƊAI zi Spak paŋ par. Fuɗa ɗif zi giɗimi ɗa edi, hina adumai ɗa a ɵara edi, nɵa aga mu fuɗa alini n’agogoi ɗa edi.

⁸Buri nɵa, midini afti paŋ, war ɓrawni wala azi hu ɗa, gal na sulu aga a fuɗa edi, amma gal na ktai n’a hina, aga a sumna karni. a miɗi na sini EPIƊ-ƊAI par.

⁹Gal na ktai n’a hina ɗa, aga mu waŋ arni afu, aga mu zaŋ edi hilu maini arzaŋ n’e hiliyiŋ ɗa nɵa, aga mu titimaŋ gaini afu maini ɗif n’e hiliyi or ɗa nɵa. Gal hanɗa aga a siiwaŋa ta aga mu ɵina siiwani lai. Aga mu muɗa ɓa: Hanɗa e ɗi ɗai na wiya, nagai aga e miɗi ɓa: Alaw na wiyi ɗa a EPIƊ-ƊAI.