Read Mousgoum Matewus 1 Bible Online

Matewus 1 - Mousgoum bible

Matewus 1

¹Maktuɓ na wiini giriɗi tamaini Yesu Kristu n’ahini David, n’ahini Abraham.

²Abraham a wa Isaak, Isaak a wa Yakob, Yakob a wa Yuda gaiɗi tawalakaini.

³Yuda a wa Peres gaini Zera tiɗi Tamar. Peres a wa Hesron, Hesron a wa Aram,

⁴Aram a wa Aminadab, Aminadab a wa Nason, Nason a wa Salmun,

⁵Salmun a wa Bowas tiɗi Rahab, Bowas a wa Obed tiɗi Rut, Obed a wa Isai,

⁶Isai a wa pai David. David a wa Salomon tiɗi Uriyas,

⁷Salmun a wa Rehobowam, Rehoboam a wa Abiya, Abiya a wa Asa,

⁸Asa a wa Yosafat, Yosafat a wa Yoram, Yoram a wa Ussiyas,

⁹Ussias a wa Yotam, Yotam a wa Akas, Akas a wa Ezekiyas,

¹⁰Ezekiyas a wa Manasse, Manasse a wa Ammon, Ammon a wa Yosiyas,

¹¹Yosiyas a wa Yekoniya gaiɗi tawalakaini, won hlai ni e kiɗi ɗai edi war Babilon.

¹²Asakal n’e kiɗi edi war Babilon li, Yekoniya a wa Salatiyel, Salatiyel a wa Zorobabel,

¹³Zorobabel a wa Abiyud, Abiyud a wa Eliyakim, Eliyakim a wa Azor,

¹⁴Azor a wa Sadok, Sadok a wa Akim, Akim a wa Eliyud,

¹⁵Eliyud a wa Eliyazar, Eliyazar a wa Mattan, Mattan a wa Yakob,

¹⁶Yakob a wa Yosef, mofoɗi Maria, na te wa Yesu, ni n’e yikiŋ ɓa: Kristu.

¹⁷Nɵa sini Abraham par haa sini David ta ɗa, ku pɵa vuna doogo pi puɗu, sini David par haa sini ki n’edi war Babilon ta ɗa, ku pɵa vuna doogo pi puɗu, sini ki n’edi war Babilon par haa sini Kristu ta ɗa, ku pɵa vuna doogo pi puɗu lai.

¹⁸Wi na wiini Yesu Kristu ɗa a za maini nɵa, Maria na emini Yosef a giɓiti aŋ munini gaŋ, hlai n’a tapa gaiɗi kai hai, a tiliti te na ziya, ahi n’aŋ warɗi ɗa a na sini Seze-sɗik par.

¹⁹Yosef na mofaɗi, a ɗif na jre a dara a ka siyer midiɗi arɗi doogo kai, a paya aŋ baada gaiɗi war ŋoyai.

²⁰Won hlai n’a na hiina midini hanɗa, ɗif zi ɵeŋ na wiini Epiɗ-ɗai a siŋka sini arni war weseŋ zi pɵi, a muɗa: Yosef, ahini David, ku huna kai, yimiti Mariya na muniku suku, buri ahi n’aŋ warɗi a na sini Seze sɗik par.

²¹Aga te wa ahi, aga ku sini yiki ɓa: Yesu, buri ni aga a kûrɗiɗi ɗaini edi war tuwurɗi par.

²²Hanɗa paŋ a za li, kapai wala n’EPIƊ-ƊAI a muɗaŋ war mini ɗif na mini Alaw a va amai, n’a muɗa ɓa:

²³Drai aga te ziya, aga te wa ahi, aga te, aga e sini yiki ɓa: Emmanuwel, a dara a muɗa Alaw gaimu.

²⁴Won hlai na Yosef a ɵiya amai war weseŋ par ya a za maini ɗif zi ɵeŋ na wiini Epiɗ-ɗai a miɗiŋni nɵa gdaŋ. A tikiti munini aha,

²⁵amma a tapa gaiɗi kai haa te wa ahiɗi n’avut, a sini yiki ɓa: Yesu.