Read Mousgoum Matewus 24 Bible Online

Matewus 24 - Mousgoum bible

Matewus 24

¹Yesu a niya anene warni tempel par, a hala edi. "Daini zi hitri e hilisi sini buri e siŋkini dalamaini tempel paŋ.

²Amma a waya seŋ a miɗiɗi, ki tili hanɗa paŋ kai ɗi? Jre, mu miɗiki, woni ahi-fuŋ ktai n’aga a hina gai tiki midini ahi-fuŋ na zamai n’aga a haɗa azumai kai, aŋ kai.

³Won hlai n’a sumna amai midiɗi huwuŋ zi luwuŋ olive, ɗaini zi hitri e hilisi sini war ŋoyai e miɗini, miɗiyi haw, wazagai handa aga a za kaswata ɗa? Siŋki na maɵa ɗa aga a za midini giziku gaini dibiɗi yai?

⁴Yesu a waya seŋ a miɗiɗi: ki zi hangal, kapai ɗif a wuliki edi kai.

⁵Buri viya aga e hilisi war yikiŋa aŋ miɗi, muta mu Kristu, nagai aga e wuli ɗai viya edi lai.

⁶Aga ki ɵini gaw gaini labarni gaw, ki zi hangal kapai hunai te yimiki kai. Buri gaini dewele hanɗa aga a za amma hlai zi dibi a za kai hai.

⁷Buri ɗai na midini afti aga e fiki amai siɗi ɗai na midini afti zamai, pai midiɗi pai lai, wiyamai aga te za, afti aga a ziriya war hlai zamai zamai

⁸Amma hanɗa paŋ a pin gir zi tiki.

⁹Won hlai ni aga e siki edi min gir, aga e fiɗiki edi lai. Pinsibaɗi ɗai paŋ aga e bili gaw siki burini yikiŋa.

¹⁰Won hlai ni ɗai viya aga e hini yimi edi, aga e zi tege piɗi marɗi, aga e bili gaw siɗi marɗi.

¹¹Ɗai na min-Alaw na jrekai-kai aga e fiki amai, aga e wûli ɗai viya edi.

¹²Wala n’a za woɗi futini ɗikat kai aga a riya amai, buri nɵa diri na warɗi ɗai viya aga a ɵaɗa.

¹³Amma ni n’a siika pin yimi haa hlai zi dibi, ni aga a kora.

¹⁴Labar zi firiyi na wiiɗi pai aga a ɓaka midiɗi yai paŋ, kapai pinsibaɗi ɗai paŋ, e ɵini seŋ hanɗa. Asakal hanɗa, hlai zi dibi aga a halasi.

¹⁵Buri nɵa, won hlai na ki tili hi-hir na wiini ɓilki-n’edi na ɗif na min Alaw Daniyel a muɗa midini, a ɗiya midini hlai na sɗik, ni n’a tala ɗû hanɗa aga a za hangal, kapai a ɵina ezini edi.

¹⁶Won hlai ni, nagai n’e ɗa war Yudeya aga e rûfi siɗi huwuŋ.

¹⁷Ni n’a na amai midini dalam aga a niya azumai aŋ mula wazagai warni dalamni par kai,

¹⁸ni n’a edi war vowai, aga a waya buri a mula dawrani kai.

¹⁹Haw buriɗi n’e falakai n’e ziyi gaiɗi nagai n’e si fiyaw wiiɗi aliyagoi na koɗokokai war mefeŋ hanɗa.

²⁰Amma ki siiwi buri ruviki aga a za amsai kai, war Sabbat kaalai.

²¹Buri won hlai ni gir aga a za, war piɗi yai zi tiki par haa tiyana gir n’abai maini nɵa a za kai, aga a za pra kaalai.

²²Mefeŋ hanɗa a ɗukla fu gulai kai ɗa, ɗif a kora kai zaŋ, amma buriɗi zi viri n’edi, hanɗa aga a ɗukla gulai.

²³Na ɓa ɗif a halasi aŋ miɗi ɓa Kristu an na, zaw ansi na ɗi, ki yimi hanɗa kai.

²⁴Kristukai na jrekai-kai gaiɗi ɗai na min Alaw na jrekai-kai e fiki amai aŋ zi wazagai zi siŋki n’abakai gaini wazagai zi hiila, haa zi viri n’edi tekeɗeɗi e diri e wuliɗi edi, na ɓa wala hanɗa a sida aŋ za nɵa.

²⁵Tili, mu miɗiki hanɗa avut.

²⁶Na ɓa e miɗiki ɓa, a na edi war basga na kaɗataŋ, ki hili woni kai, zaw ɓa a na amlai war dalam, ki yimi hanɗa kai.

²⁷Buri maini wildi n’a wulda piɗi futi na dawai-par par a nala haa piɗi futi na koskoi, gizini Ahini-ɗif aga a za nɵa lai.

²⁸Woɗi paŋ na kopoŋ a na, woni bagasakai aga a tapa.

²⁹Amma safai agwi asakahii gir na wiini mefeŋ zi gir hanɗa par, futi aga te bunda gegeŋ, tile aga a za gaglaini kai, meeɵek aga a yakasi azumai war hlai n’amai par, gadaŋni n’amai aga a jiriya.

³⁰Won hlai ni, siŋki na wiini Ahini-ɗif aga a siŋka sini edi war hlai n’amai, won hlai ni pinsibaɗi ɗai na midiɗi yai paŋ aga e tuwi, nagai aga e tili Ahini-ɗif a halasi war ɗugul, war hlai n’amai par gaini spak gaiɗi abai.

³¹Aga a ɵiniɗi ɗaini zi ɵeŋ na war fuŋ-n’Alaw edi gaini wulani hum n’a wa gara, aga e tipiɗisi zi viri n’edi, na war koŋɗi yai na puɗu paŋ par, war min dibini hlai n’amai ktai par haa sin min dibini na zamai.

³²Ki hitri seŋ zi siŋka maini sin luwuŋ Fige par. Won hlai na fiyaw a cosi warni graŋni, sugoini a goɗa lai, ki siɗi ɓa piya te na gobi.

³³Tiki nɵa lai, won hlai na ki tili wazagai hanɗa paŋ, aga ki siɗi ni a na gobi wuzani min hlai.

³⁴Jre, mu miɗiki, pinziba na hanɗa aga a vada edi kai haa wazagai hanɗa paŋ a za li.

³⁵Hlai n’amai gaiɗi yai lai aga a vada edi, amma seŋ na wiya aga a vada edi kai zaŋ.

³⁶Amma mefeŋ hanɗa gaini ler hanɗa ɗif a sɗaŋ kai, ɗai zi ɵeŋ na war fuŋ-n’Alaw e siɗiŋ kai, Ahi lai a siɗaŋ kaalai, amma a Api ni kiini ktai.

³⁷Amma maini a za war mefeŋ na wiini Nowa nɵa, gizini Ahini-ɗif aga a za nɵa lai.

³⁸Buri maini mefeŋ na wuzani yem zi nibi n’abai, e simi, e ci, e tiki falai e si aŋ tiki, haa sin mefeŋ na Nowa a niya warni arken.

³⁹E siɗi walakai ha yem zi nibi a halasi a miliɗi paŋ. Gizini Ahini-ɗif aga a za nɵa lai.

⁴⁰Ɗai sulu aga e simni edi war vowai ktai aga a tika edi, na zamai aga a hina.

⁴¹Falakai sulu e siri midiɗi funi, ktai aga te tika edi, ktai aga te hina

⁴²Buri nɵa ki simni karki, buri tiki ki siɗi kai mefeŋ n’Epiɗ-ɗaiki aga a halasi woni kai.

⁴³Amma handa aga ki siɗi; na ɓa epin-dalam a sɗa ler zi giɗimi na duvuk na mihill a halasi warni ɗa, aga a sumna karni a jiɓira, a hina ɗif a niya warni dalamni kai.

⁴⁴Buri nɵa ki simni gaini zizini buri Ahini-ɗif aga a halasi war ler na ki hiini midini kai.

⁴⁵Ɗif zi sda na jre na hangal, n’epin-gezani a tikaŋ midiɗi ɗai n’ahani buri a siɗi simiɗi woɗi futini, ni asiya ɗa?

⁴⁶Sleɗ midini ɗif zi sda n’epin-gezani a navaŋ aŋ za nɵa, won n’a halasi.

⁴⁷Jre, mu miɗiki, aga a tikaŋ amai midini wazagaini paŋ.

⁴⁸Amma na ɓa ɗif zi sida na meefeŋ n’a hiina warɗi agulni ɓa, epin-gesa aga a halasi gop kai.

⁴⁹Nɵa a tika pini a ɵiɓiɗi marni zi sda, a suma a sa gaiɗi ɗai zi ci suwul lai,

⁵⁰hlai n’epin-gezani ɗif zi sida handa aga a halasi war mefeŋ n’a bayaŋ kai, war ler n’a sɗaŋ kaalai,

⁵¹aga a duklaŋ edi, a sini bri na wiini gaiɗi ɗai zi rhai. Woni tuwi gaini hirɗini sesiyeŋ aga a za.