Read Mousgoum Matewus 25 Bible Online

Matewus 25 - Mousgoum bible

Matewus 25

¹Won hlai ni, paini fuŋ-n’Alaw te na maiɗi bulamakai doogo, n’e mili lampaɗi e hili aŋ nivi gaini epiɗ-drai.

²Slim arbaɗi e ɗi tatalakai, ɵim e ɗi yalakai.

³Na tatalakai e mili lampa na wiiɗi, amma e tiki emel tiɗi kai.

⁴Amma na yalakai e mili lampa na wiiɗi, e piyi emel tiɗi ta lai.

⁵Amma won hlai n’epiɗ-drai aŋsi hai, gaini hlaiɗi e dûŋri e kili weseŋ.

⁶War duvuk n’abai ɗûûli a wa, tili, epiɗ-drai a na halasi, hili aŋ nivi gaini.

⁷Won hlai ni ɓlamakai paŋ e fiki amai, e zizini lampaɗi.

⁸Amma na tatalakai e miɗi wiiɗi na yalakai, ki siyi emel agwi, buri lampa na wiyi a na mra.

⁹Amma na yalakai e wiyi seŋ e miɗi, zaw kai, a kida buriyi gaiki tiki lai kai, marya ki hili siɗi ɗai zi cakala aŋ wuri buriki dama.

¹⁰Amma won hlai n’e hili edi buri e wuri, epiɗ-drai a halasi, nagai n’e ɗa gaini zizini, e niyi warni dalam zi fet na wiini tiki gaini, min hlai a doogo.

¹¹Asakal par ɓulamakai na zamai e hilisi lai e miɗi, Epiɗ-ɗai, Epiɗ-ɗai, miliyi min hlai edi.

¹²Amma a wiyiɗi seŋ a muɗa, jre, mu miɗiki, mu siɗiki kai.

¹³Buri nɵa ki simni karki, buri tiki ki siɗi mefeŋ ni gaini ler hanɗa kai.

¹⁴Won hlai ni, paini fuŋni Alaw te na maini nɵa: ɗif ktai n’a hala morkoi midini afti na zamai, a yikiɗi ɗaini zi sda wuzani a siɗi faraini tiɗi.

¹⁵Ktai a sini talent ɵim, na zamai sulu, na zamai pra ktai, sin asiya asiya paŋ pin gadarŋni, nɵa a hala wiini.

¹⁶Ni n’a nafa talent ɵim, a hala tas a sakala gaini, a nava talent na zamai ɵim pini.

¹⁷Nɵa lai ni n’a nava na sulu, a nava zamai pini sulu lai.

¹⁸Amma ni n’a nava ktai a hala edi a wuuda waŋ a ŋoya faraini epin-gezani arni afti.

¹⁹Mefeŋ yaw asakal par epiŋgezaɗi ɗai si sda hanɗa a halasi. A yikiɗi buri a tala wazagaini n’a siŋɗi.

²⁰Nɵa ni n’a nava talent ɵim a halasi a kasi talent na zamai ɵim, a muɗa: Api, tuku ku saŋa talent ɵim, tala, mu nava zamai pini ɵim lai.

²¹Epin-gezani a miɗini: Pɗem, tuku ku ɗif zi sda na pɗem, na jre, tuku ku za jre gaini n’agwi, aga mu tukuku midini wazagai na viya, ku niya war firiyi na wiini epin-gezaku.

²²Nɵa ni n’a nava talent sulu a halasi lai a muɗa: Api, tuku ku sarja talent sulu, mu nava na zamai pini sulu.

²³Epin-gezani a miɗini: Pɗem, tuku ku ɗif zi sda na pɗem, na jre, tuku ku za jre gaini n’agwi aga mu tukuku midini wazagai na viya, ku niya war firiyi na wiini epiŋ-gezaku.

²⁴Amma ni n’a nava talent ktai a halasi lai a muɗa: Epin-geza, mu sɗa ya tuku ku ɗif gadaŋ, na ku haɗa war hlai na ku bla kai, na ku tapa war hlai na ku suuɗa kai.

²⁵Buri nɵa mu huna, mu hala edi mu ŋoya talent na wiiku arni afti, tala, walaku a na.

²⁶Amma epin-gezani a waya seŋ a miɗini: Tuku ku ɗif zi sda na meefeŋ na faali, tuku ku sɗa ɓa mu haɗa war hlai na mu bla kai, mu tapa war hlai na mu suuɗa kai,

²⁷buri nɵa ku sa faraŋa tiɗi nagai n’e cikili kai buri ma ɗa, nɵa mu nava walaŋa na ɗa gaini yemni, won hlai na mu halasi.

²⁸Buri nɵa tiki talent na ktai tini par, siŋni wiini ni na talent aŋ tini doogo ɗa.

²⁹Buri asiya, asiya paŋ na wiini a na, aga a sa sini pra, aga a va amai. Amrna ni na wiini aŋ kai, tini par aga a yimasi walani n’a na ɗa edi.

³⁰Sliŋki ɗif zi sda n’a nafa wala kai ɗa anene war gegeŋ, woni tuwi gaini hirɗini sisiyeŋ aga a za.

³¹Won hlai n’Ahini-ɗif aga a halasi warɗi abai na wiini gaiɗi ɗai zi ɵeŋ na war fuŋni Alaw paŋ gaini, aga a sumna azumai warɗi Paramai zi abai na wiini,

³²pinzibaɗi ɗai paŋ aga e tipi wuzani, aga a ɓirwiɗi edi siɗi marɗi par ɗif zi giɗimi a ɓurwa arbani adumai gaini afakasai nɵa.

³³Aga a ɗiya adumai war graŋni na wus, amma afakasai war graŋni na muni.

³⁴Won hlai ni pai aga a miɗiɗi wiiɗi nagai na war graŋni na wus, hilisi na, tiki n’Apa a ɓikiki, ki mili aŋ bulum pai na te zizina buriki war piɗi yai zi tiki par.

³⁵Buri mu naka gaini wiyamai, ki siŋa simi; mu naka sai, ki siŋa wala zi ci;

³⁶mu naka morkoi, ki yimiŋa siki, mu naka ganala, ki wiiŋa sapa sa, mu naka gaini veglek ki ɗûgûliŋaˆ mu naka warɗi daŋgai, ki hilisi sa.

³⁷Won hlai ni ɗai na jrekai aga e wiyini seŋ aŋ miɗi: Epiɗ-ɗai, wata ɗa na mi tuluku gaiɗi wiyamai na mi suku simi kaswata ɗa? Zaw gaiɗi sai na mi suku wala zi ci kaswata ɗa?

³⁸Mi tiluku morkoiˆ mi yimuku siyi kaswata ɗa? Zaw ganala, mu wuku sapa kaswata ɗa?

³⁹Won hlai na tiyi mi tuluku veglek, warɗi daŋgai lai, na mi hiliɗi suku kaswata ɗa?

⁴⁰Pai aga a waya! seŋ: Jre, mu miɗiki, wala ki ziŋ sini ktai arbaɗi tawalakaya n’agogoi hanɗa, hanɗa ki ziŋ sa ta.

⁴¹Won hlai ni aga a miɗiɗi wiiɗi nagai na war graŋni na muni lai ɓa: Ki yimi siki edi sa par, tiki na gaini tuusa, ki hili arni afu n’a vada kai, n’a zizina burini Mat gaiɗi ɗaini zi ɵeŋ.

⁴²Buri mu naka gaiɗi wiyamai, amma tiki ki siŋa simi kai; mu naka gaiɗi sai, tiki ki sina wala zi ci kai;

⁴³mu naka morkoi, tiki ki yimiŋa siki kai; mu naka ganala, ki wiŋa sapa kai; mu naka veglek, warɗi daŋgai lai amma ki ɗûgûliŋa kai.

⁴⁴Won hlai ni nagai lai aga e wiyini seŋ aŋ miɗi: Epiɗ-ɗai, won hlai na tiyi mi tuluku gaiɗi wiyamai zaw gaiɗi sai, zaw morkoi, zaw ganala zaw veglek zaw warɗi daŋgai, na mi zini puku kai kaswata ɗa?

⁴⁵Won hlai ni aga a waya seŋ aŋ miɗiɗi: Jre, mu miɗiki, wala na ki ziŋ sin ktai arbaɗi n’agogoi na hanɗa kai ɗa, hanɗa ki ziŋ sa ta kaalai.

⁴⁶Nagai aga e hili edi warni ŋiba n’a vada kai, amma nagai na jre-ɗikat war suŋfa n’a vada kai.