Read Mousgoum Matewus 3 Bible Online

Matewus 3 - Mousgoum bible

Matewus 3

¹War mefeŋ ni ɗa Yohana zi Baptisme a faka amai a ɓaka seŋ edi war basga na kaɗataŋ naYudiya a muɗa:

²Bindi payaiki ɗa, buri pai n’Alaw te ŋasi gobi.

³Hanɗa a ni na ɗif na mini Alaw Esaya a muɗa midini won hlai n’a muɗa, A ni n’a ɗuula edi warni basga ɓa: ziziniti futi na wiini Epiɗ-ɗai, futi n’agogoi ɗa ki ɗûpiŋ cir cir lai.

⁴Yohana, sapa na sini ɗa a ayirni ɵigini, santir na wuzani ɗa a z'amur lai, simini ɗa a ayuwi gaini emelni ami na buza,

⁵ɗai na Yeruzalem, ɗai na Yudia gaiɗi na midini afti na ɵimani Yurdan ɗa paŋ e hili edi sini.

⁶E nivi baptisme tini par war yem-ra na Yurdan, won hlai n’e himi tuwurɗi edi wuzaɗi ɗai paŋ.

⁷Won hlai n’a tiliɗi Farisekai viya gaiɗi Sadusekai viya lai, e hilisi sini buri e nivi baptisme ɗa a miɗiɗi: Pinzibani makai, n’a hitriki aŋ prisi edi wuzani hiy n’aga halasi ɗa asiya ɗa?

⁸Buri nɵa, wi ali n’a kata pini bindini payaiki ɗa.

⁹Ki hiini warki kai ɓa, epiyi ɗa a Abraham, ki hiini nɵa kai, buri mu miɗiki, Alaw a sɗa aŋ mula arbani ali-fuŋ hanɗa par, a bundaŋ aŋ alini Abraham.

¹⁰Tiyana ɗa beŋel a na gaini zizini ta aŋ bula luwoŋai azumai, azumai sini sirdaini par, nɵa luwuŋ paŋ n’a wa ali na pɗamai kai, aga a ɗukla azumai a ɵiŋka arni afu.

¹¹Ta mu siki baptisme arni yem burini bindini payaiki, amma ni n’a na halasi asakala par spakni a suwaŋa, mu dai dai na mu kiɗa mu pla sogomni harabakni kai, ni ɗa aga a siki baptisme gaini Seze sɗik gaini afu lai.

¹²Wulai zi fili t'aŋ tini, aga a zizina lulufni, aga a mula algama war vreni, amma bra aga a yaŋ edi arni afu n’a mra kai.

¹³Nɵa Yesu a halasi a Galeliya par agoɗom war ra Yurdan sini Yohana, kapai a nava baptisme tini par.

¹⁴Amma Yohana a bula edi sini a muɗa: Kadai tiɓ mu paya baptisme tuku mu ta, tiyana ku halasi sa ku tuku ɗa maɵa maɵa ɗa?

¹⁵Yesu a wiyini seŋ: tiyana hinaŋ a za maini hanɗa nɵa, buri a tala pɗem mu vumu jre ɗikat paŋ amai maini hanɗa nɵa.

¹⁶Tizaw asakal na Yesu a nava baptisme ya, a niyasi amai, hlai n’amai a mala edi burini, a tala Seze na wiini Alaw a yorasi azumai maini dere nɵa, a halasi a sumna midini.

¹⁷Wule a wasi edi war fuŋ-n’Alaw par a muɗa: Hanɗa a Ahiya na mu daraŋ gara, a ni n’a vaɗa firyiŋa amai gara lai.