Read Mousgoum Markus 9 Bible Online

Markus 9 - Mousgoum bible

Markus 9

¹Yesu a miɗiɗi pra: Jre mu miɗiki, zamai arbaɗi n’e ɗa woni na aga e tili mri kai haa pai n’Alaw te halasi gaini spak.

²Mefeŋ ɵaara asakalni hanɗa, Yesu a yima Peter gaini Yohana pini, a kiɗi edi war baŋa kiiɗi amai midiɗi huwuŋ na muguwi, sini a bunda wuzaɗi.

³Sapa na sini a bunda a ŋala gaini ŋili, muɗukwi tal, ɗif zi mi sapa na midiɗi yai n’a ma sapa muɗukwi tal maini hanɗa ɵa aŋ kai.

⁴Eliyas gaini Musus e siŋki siɗi arɗi, e ɗifu aŋ miɗi gaini Yesu.

⁵Nɵa Peter a miɗini wiini Yesu: Rabbi, simni na won na pɗem, mu zuzunumu gumu hu, na ktai buriku, ktai burini Musus, ktai burini Eliyas lai.

⁶A siɗa wala n’a muɗaŋ kai buri hunai e yimiɗi gara.

⁷Ɗugul a halasi a dûgûɗi, wûle a wasi edi arbani ɗugul par a muɗa: Hanɗa a Ahiya na mu daraŋ gara, ki ɵini pini pɗem.

⁸Tizaw, won hlai n’e tili arɗi ɵimaɗi ɗa, a hina ɗa a Yesu kiini zaw, ɗif zamai gaini kai.

⁹Won hlai n’e ɗa e niyisi azumai amai midiɗi huwuŋ par ɗa, a gidiɗi buri e miɗini wiini ɗif midini wala n’e tiliŋ kai, haa Ahini-ɗif a ɵiyasi amai arbaɗi zi mri par.

¹⁰E yimi seŋni hanɗa, e zilbi arbaɗi marɗi ɓa: Zliyi n’amai n’arbaɗi zi mri par ɗa a siŋka ɗa a ma ɗa?

¹¹E zilbi e miɗi: ɗai n’e ɗû wazagai ɗa e miɗi ɓa Eliyas a halasi haw ɗa buri ma ɗa?

¹²A waya seŋ a miɗiɗi: Eliyas aga a halasi avut aŋ zizina wazagai paŋ war futini. Ɗû a muɗa midini Ahini-ɗif ɓa, aga a sɗa gir viya, aga e miisiŋ lai buri ma ɗa?

¹³Amma mu miɗiki, Eliyas a halasi ya, e zi sini maini n’e diri nɵa, maini ɗû a ɗosi midini nɵa lai.

¹⁴Won hlai n’e cûsi gobi siɗi ɗai zi hitri ɗa, e tili firiɗi ɗai n’abai a gûniɗi azumai gaiɗi ɗai n’e ɗû wazagai lai e ɗa sispi arbaɗi marɗi.

¹⁵Won hlai na firiɗi ɗai e tiliŋ tar ɗa, e bindi hiyak gara, e liwisi mini aŋ ɵiɓini wuti.

¹⁶Yesu a zilbiɗi: Ki sispi gaiɗi marki midini a ma ɗa?

¹⁷Arbani firiɗi ɗai par, ɗif ktai a waya seŋ a miɗini: Api zi hitri, mu kasi ahiya suku, aŋ gaini ksalai na numul midini.

¹⁸Hlai n’a yimaŋ woni paŋ ɗa, a huwyaŋ, a blaŋ azumai, mini a ha meɵeɵeɓe, a hirɗa sesiyeŋɗi, a giriya edi lai. Mu siiwiɗi ɗaiku zi hitri buri e birgi ksalai hanɗa edi, amma gdaŋɗi a sumaŋ kai.

¹⁹A miɗiɗi: Aga mu hina gaiki ɵa su haa kaswata ɗa? Aga mu libiki ɵa haa kaswata ɗa?

²⁰Kiŋŋasi, e kiŋnisi, won hlai n’ahiyagwi a talaŋ tar ɗa, seze na meefeŋ a huwyaŋ meefeŋ gara, a kɵa azumai midini afti, a likita, meɵeɵeɓe a ha mini lai.

²¹Yesu a zilba epini: a yimaŋsi nɵa kaswata par ɗa? Epini ahiyagwi a wiyini seŋ: Aŋ sini war agwini par,

²²hlai zamai ɗa, seze na meefeŋ a ɵiŋkaŋ arni afu aŋ fuɗaŋ edi, nɵa na ɓa ku kiɗa aŋ za wala, hiina buriyi, zina piyi lai.

²³Yesu a miɗini: na ɓa ku kiɗa aŋ za wala, wala paŋ a kiɗa a za burini ɗif n’a yima ɗa.

²⁴War hlai ni tizaw epini ahiyagwi a ɗuula a muɗa: Mu yima, zina pa! lawaŋa ɗuwal burini yimi-kai na wiya.

²⁵Won hlai na Yesu a tala firiɗi ɗai n’e ɗa e liwisi sini, a ɓara ksalai a miɗini: Tuku ksalai na numul, na ganiŋ lai, mu na muɗuku, niyasi edi sini ahiyagwi hanɗa par, ku waya sini kir kai.

²⁶A niyasi edi sini par gaini ɗuuwal n’abai, a huwyaŋ gdaŋ gara lai, ahiyagwi a bunda maini na ɓa aŋ gaini mri su nɵa, arbaɗi ɗai maa e miɗi ɓa a mra su.

²⁷Amma Yesu a yimiti tini, a ɗiyaŋ amai, a faka amai lai.

²⁸Won n’e cû aha war dalam li, ɗaini zi hitri e zilbiŋ edi kiiɗi ɓa: Tiyi kiiyi, mi kiɗi aŋ birgiŋ edi kai ɗa buri ma ɗa?

²⁹A miɗiɗi: Zibani ksalai na maini hanɗa ɵa ɗa a niyasi edi sai gaini siiwa.

³⁰Won hlai n’e hiliɗi woni par, e vigi afti na Galeliya, amma a firiya ɓa ɗif a sɗa hanɗa kai.

³¹A hitriɗi ɗaini zi hitri, a miɗiɗi ɓa: Ahini-ɗif a na gobi aŋ sa edi tiɗi ɗai, aga e fiɗiŋ edi, mefeŋ hu asakalni mrini par aga a ɵiyasi amai.

³²Amma ɗai zi hitri e ɵini ezini seŋ hanɗa kai, e zilbiŋ ɗa ɗe hunai piɗi ta lai.

³³E cû a Kapernahum, won hlai n’e cû aha ɗa, a tika pini aŋ zilbiɗi: warɗi futi par ɗa, ki sispi arbaɗi marki buri ma ɗa?

³⁴Amma e dûgû miɗi ɓrat, buri warɗi futi par ɗa, e sispi ɓa, n’abai n’arbaɗi asiya ɗa?

³⁵Nɵa a sumna azumai dam, a yikiɗisi na doogo pi sulu sini, a miɗiɗi: Na ɓa, ɗif a dara a bunda aŋ avut ɗa, a pɗem ɓa a za aŋ n’asakal piɗi marni.

³⁶A yima arwagwi n’agwi ktai, a ɗiyaŋ amai arbaɗi zaw, a goboŋ aŋ ɵiɓini wuti, a miɗiɗi wiiɗi ɗaini zi hiri:

³⁷Asiya ɗi paŋ n’a yima arwagwi n’agwi maini hanɗa ɵa sini a yimaŋa muta, asiya ɗi paŋ n’a yimaŋa ta sini, a yimaŋa muta kai, amma a ni n’a ɵinaŋasi.

³⁸Yohana a miɗini: Api zi hitri, mi nivisi ɗif ktai blaŋ a birga kɵalai edi war yikuku, mi firiyi mi ɗiliŋ, buri ni a na gaiyi kai.

³⁹Yesu a waya a muɗa: Ki ɗiliŋ kai, buri ɓa ɗif a kiɗa a muɗa meefeŋ mada kai, na ɓa a na za wazagai zi hiila war yikiŋa ɗa.

⁴⁰Buri ɓa Ni na a gawmu kai ɗa, a na pumu par.

⁴¹Asiya ɗi paŋ n’a siki yem zi ci war kop ɗaw buri ɓa ki ɗi wiini Kristu ɗa, jre mu miɗiki, vrakni aga a ba edi kai.

⁴²Amma na ɓa ɗif a za aŋ wala zi dibi azi burini ktai arbaɗi n’agogoi hanɗa, n’e yimi wara, pɗem burini ɓa, e rgitini funi zi siri wai n’amai wulani ɓak, e biliŋ war yem-ra n’abai.

⁴³Na ɓa tuku te tunuku, ku ɗûkliti edi, a pɗem buriku ɓa ku niya warni suŋfa geɓerem, a suwa na gaini tuku sulu paŋ ku niya warɗi avai z'afu, arni afu n’a vada kai ɗa.

⁴⁴Atla na woni hlai ni, a mra kaalai, afu na woni a mra kaalai.

⁴⁵Na ɓa azuku te tunuku, ku ɗûkliti edi, a pɗem buriku ɓa, ku niya war suŋfa daŋlaŋ, a suwa ɵiŋki na warɗi avai z'afu gaini azuku sulu paŋ ɗa.

⁴⁶Won hlai n’atla na woni a mra kai, afu na woni a mra kaalai.

⁴⁷Na ɓa arku te tunuku, ku hûrɗiti edi, a pɗem buriku aŋ niya hoɵoŋ warɗi pai n’Alaw, a suwa simni na warɗi avai z'afu gaini arku sulu paŋ ɗa.

⁴⁸Atla na war hlai ni ɗa a mra kaalai, afu na woni a mra kaalai.

⁴⁹Buri asiya, asiya paŋ aga a bunda setet gaini afu.

⁵⁰Hum a wala na pɗem, amma na ɓa hum a ba lemni li edi ɗa, aga ki bindiŋ setet gaini a ma ɗa? Ki zi siki aŋ hum, ki simni gaini ɵeɗ arbaɗi marki.