Read Mousgoum Lukas 22 Bible Online

Lukas 22 - Mousgoum bible

Lukas 22

¹Fet na wiini peŋ na is arni kai, n’e yikii ɓa: Fet na wiini Paska, te nafu gobi.

²Paakai n’abakai zi ɓaka gaiɗi ɗai n’e ɗû wazagai e piyi yel n’e fiɗiŋ edi gaini buri hunai a nafu piɗi wuzaɗi ɗai.

³Nɵa, Satan a niya warni Yudas ni n’e yikiŋ ɓa: Iskariyot, a nafu arbaɗi na doogo pi sulu.

⁴A hala a katasi mini gaiɗi paakai n’abakai zi ɓaka, gaiɗi abakaiɗi ɗai zi gɗam ɗa lai, midini yel n’aga a saŋ war tiɗi gaini ɗa.

⁵E firiyi, e kiti miɗi buri e sini farai.

⁶A yima seŋɗi, a tika pini aŋ paya futi na kapai a saŋ war tiɗi gaini na ɗai e siɗi warni kai ɗa.

⁷Mefeŋ na wiini peŋ na gaini is arni kai, na ɗai e fiɗi wala na miɗi fet na wiini Paska woni ɗa,

⁸Yesu a ɵina Peter gaini Yohana a miɗɗi: ki hili, ki dumu simi na miɗi fet na wiini Paska kapai mu sumuɗmu.

⁹E miɗini: Ku firiya ɓa mi hili mi diŋ ɗa wata ɗa?

¹⁰A wiyiɗi seŋ a muɗa: Won hlai na ki niyi li warni fuŋ n’abai ɗa, aga ki nivisi ɗif ktai a halasi arki par gaiɗi argini zi yem wulani, tiki futi pini warni dalam n’aga a niya aha warni ɗa.

¹¹Ki miɗini wiini epiɗ-dalam ɗa ɓa: Api-zi-hitri na wiyi ɓa: Dilimi n’aga mu suma simi na wiiɗi fet na wiini Paska gaiɗi ɗaiŋa zi hitri woɗi ɗa, t'aŋ wata ɗa?

¹²Aga a siŋkitiki dilimi n’ami, n’amai etage na gaini zizini ta, aga ki zizini wazagai zi simi ɗa warɗi.

¹³E hili, e nivi wazagai ɗa maini na e miɗiŋɗi nɵa, e zizini simi na miɗi fet na wiini Paska ɗa.

¹⁴Won hlai na ler a za li, a sumna azumai aŋ simi gaiɗi Apostelai na wiini,

¹⁵a miɗiɗi: Mu firiya ɓa sai mu suma simi na wiiɗi fet, na wiini Paska hanɗa gaiki wuzani hlai na mu sɗa gir.

¹⁶Buri mu miɗiki, aga mu sumaŋ kir kai, haa sda n’a za burini a va li amai warni fuŋ-n’Alaw.

¹⁷A tika kup na gaini vin warɗi, a sa tese sini Alaw a muɗa: Tikiti, ɓirwiti arbaki.

¹⁸Buri mu miɗiki: Tiyana par aga mu sa siyemni alini luwuŋ zi vin ɗa kir kai haa pai n’Alaw te halasi.

¹⁹Asakal par a tika peŋ, asakal n’a sa tese ya a ɓurwaŋ, a siŋɗi a muɗa: Hanɗa a sa n’a sa edi buriki, ki zi hanɗa kapai miɗiki a kɵa gaya.

²⁰A tikiti kup ɗa, a za gaiɗi nɵa lai, asakalni simi par a muɗa: Kup hanɗa a bonu na hehe war fel ɗa n’a ma edi buriki.

²¹Gaini hanɗa paŋ ɗa, ni n’aga a saŋa edi ɗa a na azumai gaya na aŋ suma.

²²Ahini-ɗif aga a yima edi maini n’aŋ gaini ɗû ɵa, amma gir gara burini ɗif n’aga a saŋ edi ɗa.

²³E tiki piɗi aŋ zilbi arbaɗi marɗi e miɗi: Arbamu ɗa ɗif n’a kiɗa a za wala hanɗa asiya ɗa?

²⁴Sispai a faka arbaɗi, arbaɗi ɗa, arbaɗi ɗa, n’aga a ɗa aŋ abai ɗa asiya ɗa?

²⁵A miɗiɗi: Paakai na midini afti ɗa e ŋi midiɗi ɗai ɗi aŋ abakai, nagai n’e kirpiɗi ɗa, e firiyi e yikiɗi ɓa: Ɗai na pɗamai.

²⁶Amma arbaki tiki ɗa aga a za nɵa kai, amma n’abai n’arbaki tiki ɗa, aga a za sini maini n’agwi na piki nɵa, n’a ɵa wuzaɗi ɗai ɗa, maini ni n’a za ɵeŋ nɵa lai.

²⁷Kadai tiɓ ɗa, abai ɗa asiya ɗa? A ni na azumai dam aŋ simi ɗa zaw, zaw a ni n’a kinisi simi ɗi? A ni na azumai dam aŋ suma ɗa kai ɗi? Amma ta gaini hanɗa paŋ mu na arbaki na ɗa maini ni n’a kasi simi ɗa nɵa.

²⁸Tiki ɗa, ki ɗi ɗai na ki pili miki gaya kai war girɗa.

²⁹Buri nɵamu sitiki pai ɗa aŋ wiiki, maini n’Api a sitiɗa wiyatanu ɗa nɵa.

³⁰Kapai ki simi gaya, ki ci gaya lai warɗi pai na wiya. Kapai ki simni midini paramay aŋ ziɗi sariya wiiɗi pinziba na doogo pi sulu na wiiɗi Izrayel.

³¹Simun, Simun, Satan a paya aŋ siriki edi maini algama nɵa,

³²amma mu siiwa buriku, kapai yimiku a vada edi marwai kai, nɵa won hlai na ku ɗiyasi li ɗa, siɗi gdaŋ wiiɗi marku.

³³Peter a miɗini: Epiɗ-ɗai, koo war daŋgai, koo mini mri, sai mu hala gaiku.

³⁴Yesu a waya seŋ amiɗini: Peter, mu muɗuku, girna haa yugur a yika ta ɗa, aga ku ɓuɓura muku azi hu ɓa: Ku sɗaŋa kai.

³⁵A miɗiɗi pra: Won hlai na mu ɵiniki edi gaini guɓa tiki kaalai, sak kai, harabak eziki kaalai ɗa, wala ktai a sûwiki ɗi?

³⁶A miɗiɗi: Amma tiyana, ɗif na guɓani a na ɗa, a tikaŋ tini n’aŋ gaini sakni nɵa, na kaɵkarni aŋ kai ɗa a wura sapani edi kapai a wura lai.

³⁷Buri mu miɗiki: Wala n’ag'aŋ ɗû ɗa, a va amai sa: E piɵiŋ maa arbaɗi nagai na maafanai, buri ɓa: wazagai n’a ɗosi mada paŋ ɗa a ɗaya aŋ vidi.

³⁸E miɗi: Epiɗ-ɗai, an na sulu. A miɗiɗi: A kiɗa ta.

³⁹A niyasi anene maini n’a na zaŋ kureɗ nɵa, a hala siɗi huwuŋ zi luwuŋ olive, ɗaini zi hitri e hili pini lai.

⁴⁰Won hlai n’a co warni hlai ni ɗa, a miɗiɗi: Siiwi kapai ki mili edi mini tanai par.

⁴¹A yima sini edi siɗi par dai dai kriyit zi bili ta, hala edi siɗi par maini Sliɗkini kriyit ktai nɵa, a hurga azumai a siiwa a muɗa:

⁴²Apa, na ɓa ku rgaŋ warku ɵa lai ɗa, gir hanɗa, ku hinaɗsi aŋ za sa kai, amma ku hinaŋ aŋ za pini diri na wiya kai, amma pini diri na wiiku.

⁴³Nɵa ɗif zi ɵeŋ na war fuŋ-n’Alaw par a siŋka sini arni buri a sini gadaŋ.

⁴⁴Hunai te yimaŋ haa a siiwa gaini kurfuk a suwa pra, arsukni a bunda maini fel n’a tuɗuwa azumai nɵa.

⁴⁵Asakal siiwa par a fakasi amai a halasi siɗi ɗaini zi hitri, a niviɗisi ɗa e kwimi haa e kili weseŋ.

⁴⁶A miɗiɗi: Ki kili weseŋ buri maɗa? Fiki amai, siiwi, kapai ki mili edi mini tanai par.

⁴⁷A ɵa seŋ na mini edi kai hai, a tala ɗai e ɗa hilisi, ɗif n’e yikiŋ ɓa Yudas, ktai n’arbaɗi na doogo pi sulu ɗa wuzaɗi ta, a toro gobi sini Yesu, a kɵa amai wulani, aŋ ɵiɓini wuti.

⁴⁸Yesu a miɗini: Ku saŋa edi gaini kɵiku n’amai wula aŋ ɵiɓiŋa wuti ɗi?

⁴⁹Nagai n’e ɗa gaini n’e tili wala n’aga a za ɗa, e miɗi: Epiɗ-ɗai, mi mili kaɵkaryi ɗa amai ɗi?

⁵⁰Ktai arbarɗi a bla ɵimani seŋ na wiini pai n’abai zi ɓaka ɗa, a purta ɵimani na wus ɗa edi.

⁵¹Amma Yesu a muɗa: Suuwi, ki zi kai, asakal a tetema ɵimani ɗif, a zuulaŋ lai.

⁵²Nɵa Yesu a miɗiɗi wiiɗi paakai n’abakai zi ɓaka gaiɗi abakaiɗi ɗai zi giɗimi tempel gaiɗi n’abakai n’arbaɗi ɗai n’e hilisi aŋ yimiŋ ɗa, maini nɵa: Ki hilisi gaini kaɵkar, gaini amaraŋa lai maini na ɓa mu gorɓolo ɵa buri maɗa?

⁵³Yuvai paŋ mu nafu amlai gaiki war tempel, amma ki yimiɗa kai. Hanɗa a ler na wiiki gaini spak na war gegeŋ.

⁵⁴Won hlai n’e yimiŋ li ɗa, e hili gaini, e kiŋ aha war dalamni pai n’abai. Amma Peter a ɵaɗi piɗi edi gaigai par su.

⁵⁵E pi afu a pakatai su, e simni mini ca, Peter a halasi a sumna arbaɗi dam lai.

⁵⁶Ahiyagoi zi sda ktai te sɗaŋ mini afu dam, te mula arɗi sini te talaŋ te muɗa: Ɗif hanɗa a na gaini par.

⁵⁷Amma a ɓuɓura mini a muɗa: Muni mu sɗaŋ kai.

⁵⁸Asakal par agwi, ɗif zamai a talaŋ a muɗa: Tuku lai, ku ktai arbaɗi. Amma Peter a muɗa: Mu ktai n’arbaɗi kai.

⁵⁹A za gobi ler ɗaw ɗi, ɗif zamai a pa pini seŋni pra a muɗa: A jre ɗif hanɗa a na gaini par, buri ni a ɗif na Gagleliya lai.

⁶⁰Peter a waya seŋ a muɗa: Ɗif, na mu muɗaŋ na ɗa mu sɗaŋ kai! a koo. Won hlai ni dama, hlai n’a na muɗa hai ɗa, Yugur a yika.

⁶¹Nɵa Epiɗ-ɗai a bundasi arni a tala Peter, Peter midini a kɵa gaini seŋ n’EPIƊ-ƊAI a miɗiɗsi wuzani hlai par ɓa: Girna haa Yugur a yika ta ɗa, aga ku ɓuɓura muku buriya azi hu.

⁶²Peter a niya anene, a co anene ɗa a tuwa gara.

⁶³Ɗai n’e giɗimi Yesu e zini yewere, e ɵiɓiŋ lai.

⁶⁴E biriŋ sapa arni e zilbiŋ: Miɗiyi haw, n’a ɵuɓuku ɗa asiya ɗa?

⁶⁵E tirkiŋ gaini tirki zamai zamai viya lai.

⁶⁶Won hlai na hlai a sɗasi li edi n’abakai n’arbaɗi ɗai, gaiɗi paakai n’abakai zi ɓaka, gaiɗi ɗai zi ɗû wazagai lai e tipi e kisi Yesu amlai wuzaɗi ɗai ɗi zi kiti seŋ.

⁶⁷E miɗi: Na ɓa tuku ku Kristu ɗa, miɗiɗyi. A waya seŋ a miɗiɗi: Na ɓa mu miɗiŋki maa aga ki yimi duk kai.

⁶⁸Na ɓa mu zilbiki aga ki wiyiɗa seŋ kaalai.

⁶⁹Amma tiyana par ɗa, Ahini-ɗif aga a sumna war gal zi spak na wiini Alaw par.

⁷⁰Nɵa nagai paŋ e miɗi: Tuku k’Ahini Alaw ɗi? A miɗiɗi: Ki miɗiŋ ɵa na ɗa, ki ɗi tiki.

⁷¹E miɗi: Mu zumu gaini zaida zamai ɗa a maɗa, tumu gaini mudumu dama mu ɵunumu na mini par ya.