Read Mousgoum Wiyi na midini gadai 21 Bible Online

Wiyi na midini gadai 21 - Mousgoum bible

Wiyi na midini gadai 21

¹Na ɓa midini afti n’Epiɗ-ɗai Alaw na wiiki a siŋki aŋ wiiki, e nivi ɗif gaini mri su edi war basga, ɗif n’a fuɗaŋ ɗa karɗi kai,

²ɗai n’abakai n’arbaki gaiɗi ɗai n’e ɗûkli sariya aga e hili e kiti mogoni hlai sini kopoŋ par ta haa sini fuŋ n’abakai na ɵimani ɗawwa ɗa,

³Fuŋ n’abai n’a na gobi sini kopoŋ ɗa, ɗai n’abakai n’arbaɗi ɗai gaiɗi ɗai n’e ɗûkliti sariya na war fuŋ n’abai ni par ɗa, e piyitisi ahiɗi ɵai n’e zi sda gaiɗi duk kai, n’e tikiɗi ka juk wulaɗi duk kaalai,

⁴ɗai n’abakai n’arbaɗi ɗai na war fuŋ n’abai ɗa e kiti wulaɗi arai na te ka kureɗ, na ɗif a hirmaŋ ka kai, a bula ka seyem kaalai, woni e hiɗi wulaɗi ahiɗi ɵai ɗa, agoɗom warɗi arai na te naka ɗa.

⁵Nɵa paakai zi ɓaka na war pinzibani Levi e hilisi wuzani EPIƊ-ƊAI, buri a viriɗi aŋ zi ɵeŋni, aŋ ɓikiɗi ɗai war yikini lai ɗa a Epiɗ-ɗai Alaw na wiiki, sispai n’a za arbaɗi ɗai gaini seŋ na win i huruk paŋ ɗa e vidi seŋni e ɗi nagai.

⁶Ɗai n’abakai n’arbaɗi ɗai na war fuŋ n’abai n’a na gobi sini kopoŋ n’e hilisi ɗa paŋ e mi tiɗi amai midiɗi ahiɗi ɵai n’e hiɗi wulaɗi agoɗom warɗi arai ɗa,

⁷Aga e miɗi maini nɵa: mi mi felni ɗif hanɗa edi mi ɗi tiyi kai, wala n’a za ɗa ariyi a talaŋ kaalai.

⁸EPIƊ-ƊAI, haza meefeŋ na wiiɗi ɗaiku na Izrayel ɗa edi haz, ɗaiku na tuku ku piliɗisi edi ɗa, ku tika felni ɗif na seŋ midini kai ɗa midiɗi Izrayel na ɗaiku kai. Nɵa felni ɗif n’a ma edi hanɗa, Alaw aga a pɵaŋ midiɗi kai.

⁹Nɵa aga ki zi wala N'EPIƊ-ƊAI a firiya burini, mrini ɗif na tini war seŋ kai hanɗa aga a tika miɗiki kaalai.

¹⁰Won hlai na ki hili li aŋ hitimi gaiɗi gawki, na ɓa Epiɗ-ɗai Alaw na wiiki a sɗiki li war tiki, ki ziɗi li aŋ bagakaiki lai ɗa,

¹¹na ɓa ki tiliti li muni na juvi arbaɗi, na ɓa ktai a firiyiti li ɗa a tikiti wiini aŋ muni,

¹²a kiɗa a kiti ahani, woni te faaɗa midiɗi edi, te ɗukla tetriŋɗi edi lai.

¹³Ku wûti sapaiɗi zi bagai ɗa edi, te sumna ahani ɗif n’a tikiti ɗa, te za groho na wiiɗi tamaiɗi haa tile ɗaw, asakal hanɗa ɗif ɗa a yimiti sini, a ziti aŋ munini lai.

¹⁴Na ɓa asakal par a firiyiti kir kai ɗa, a hiniti te hala wiiɗi, gdaŋni midiɗi buri a wiriti edi kai, a kiɗa a ziti aŋ bagai kaalai buri ɓa a ziɗi dewele midiɗi buri te za aŋ munini.

¹⁵Na ɓa ɗif falakaini sulu, a firiyiti na ktai te sûwiti maiɗi ɗa, na ɓa nagai sulu paŋ e ɗa wii ali, amma ahi n’avut a na wiiɗi muni n’a diriti kai ɗa,

¹⁶Nɵa war mefeŋ n’a ɓurwa bulumni arbaɗi alini ɗa, wala n’a sa sini ahi n’a wa avut ɗa, aga a siŋni wiini ahiɗi muni n’a firiyiti ɗa kai. A zaŋ li ɵa ɗa aga a ɓilkini agulni ahini n’abai n’ahiɗi muni n’a firiyiti kai ɗa.

¹⁷Aga a sɗa ɓa ahini n’avut ɗa, a ahiɗi muni n’a diriti kai ɗa, aga a sini buri sulu na bulum na wiini par. Ahi hanɗa a n’a siŋkaŋ edi ɓa a wus ɗa, wala n’a sa sini ahi na wus n’avut paŋ ɗa a wiini.

¹⁸Na ɓa ɗif, ahini a ɵina mini kai, a faka amai kai, a ɵina mini epini kaalai, miɗi emini kaalai, e ɵiɓi kaw a ɵina miɗi kai ɗa,

¹⁹epini gaiɗi emini e yimiŋ e kiŋ wuzaɗi ɗai n’abakai n’arbaɗi ɗai na war fuŋni n’abai ɗa, war faada.

²⁰E miɗiɗi wiiɗi ɗai n’abakai n’arbaɗi ɗai na war fuŋɗi n’abai ɗa ɓa: ahiyi ɗa a na, a ɵina miyi kai, a faka gaini fiki amai siyi, a ɵina seŋ na mi miɗiŋni kai, a suma ɗa a simi lai, a ca ɗa a sul lai.

²¹Ɗai na war fuŋni n’abai ɗa paŋ aga e biliŋ gaini kriyit, e fiɗiŋ edi. Nɵa aga ki vidi meefeŋ edi arbaki par, ɗai na Izrayel ɗa paŋ aga e ɵini labar hanɗa, aga e hûni lai.

²²Na ɓa ɗif a za wala na meefeŋ li, na ɓa sariya na te ɗukla midini te sariya zi mri, e rgiŋ li amai ɗa,

²³kopoŋni aga a fana amai woni kai, ki piŋ yuvaini ha, buri ɓa ɗif n’e rgiŋ amai ɗa a glasi tusa na wiini Alaw miɗiki. Afti n’Epiɗ-ɗai Alaw na wiiki a siŋki aŋ bulum ɗa, aga ki bindiŋ hi-hir kai.