Read Mousgoum Wiyi na midini gadai 4 Bible Online

Wiyi na midini gadai 4 - Mousgoum bible

Wiyi na midini gadai 4

¹Tiyana Musus a muɗa Izrayel ɵina gadai na gaini hitrai na mu suŋku tiyana aŋ za pini, nɵa aga ki simni karki aga ki niyi aha warni afti na Epiɗ-ɗai Alaw na wiiɗi tamaiki aga a siŋki aŋ bulum.

²Aga ki tiki amlai mini seŋ zi gadai na siŋki hanɗa kai aga ki tiki wala edi warni par kaalai, kapai ki giɗimi gadaini EPIƊ-ƊAI na mu siŋki hanɗa.

³Ki tili gaini arki wala n’EPIƊ-ƊAI a zaŋ burini seŋ na wiini Bal-Peyor, nagai paŋ n’e tikiti futi pini Bal-Peyor, Epiɗ-ɗai Alaw na wiiku, a vidiɗi edi arbaki par kafa,

⁴amma tiki na ki niggi sini Epiɗ-ɗai Alaw na wiiki, tiyana kiɗa karki kafa girna.

⁵Tili mu hitiriki gadai, gaini hitrai maini Epiɗ-ɗai Alawŋa a saŋasi futi nɵa. Won hlai na ki giliŋi warɗi yai n’aga ki niviti aŋ bulum, aga ki gidi pini seŋ zi gadai hanɗa gaini hitrikai hanɗa lai.

⁶Tiki aga ki giɗimi gadai hanɗa, aga ki zi pini lai, nɵa aga a bindiki aŋ ɗai na yalakai gaiɗi ɗai zi siɗi arɗi ɗai paŋ, won hlai n’aga e ɵini gadai hanɗa, aga e miɗi: ɗai hanɗa e ɗi ɗai na yalakai na maɵa ɗa gaini siɗi humokɗi nɵa.

⁷War pinziba na wata ɗa, n’aŋ gaini alawni gobi maini Epiɗ-ɗai Alaw na wiimu, won hlai paŋ na mu yikumu yikini.

⁸Pinziba na wata ɗa, n’aŋ gaini gadai, gaini hitrai na jre-ɗikat maini gadai na mu siŋki girna nɵa?

⁹Amma ki zi hangal war siki dama, ki simni karki, kapai miɗiki a wula gaini wazagai n’arki a talaŋ paŋ hanɗa kai, haa war simniki paŋ wazagai hanɗa a haza edi warɗi agulki par kai, aga ki siŋkiŋɗi wiiɗi aliki gaiɗi tiyakaiki lai.

¹⁰Ki hini miɗiki a kɵa, war ɗiyiki na ki ɗiyi wuzani arni Epiɗ-ɗai Alaw na wiiki a Horeb, na woni EPIƊ-ƊAI a muɗaŋa: diŋgiɗisi ɗai sa aga mu siɗi seŋŋa kapai e hitri aŋ hûni yikiŋa haa war mefeŋɗi paŋ, war simniɗi paŋ midini afti, kapai e hitri hanɗa wiiɗi aliɗi.

¹¹War yivai ni tiki ki tûrisi gobi gaya, ki ɗiyi amai azumai aziɗi huwuŋ, huwuŋ te n’afu gaini afu gaini dû do, t'aŋ ya haa amai sini Alaw, gegeŋ zi ɗugul gaini hlai na duvuk tikiɗim

¹²EPIƊ-ƊAI lai a miɗikisi edi arni afu par ɗaw: wule a muɗa ki ɵini, amma ki tili wala kitikiɗik kaw kai, wala a nafu ɗa a wûle n’a wasi edi suwi.

¹³Asikisi bononi, a seŋ zi gadai na, a siki gadai midini, aŋ zi pini, a ɗahaŋ midini alifuŋai sulu

¹⁴Ta lai EPIƊ-ƊAI a saŋa miɗi ɓa mu hitiriŋki, gadsi gaini hitrai zamai lai, kapai ki zi pini won hlai na aga ki giwarɗi yai n’aga ki tikiti aŋ bulum.

¹⁵Ki zi hangal yivai na EPIƊ-ƊAI a miɗiki a Horeb, arni afu par, ki tili wala ktai na ziŋga Alaw kai.

¹⁶Ki hini siki aŋ kɵi tuwur, aŋ zi alawai zi rigi na kata gaini ɗif zaw gaiɗi muni.

¹⁷zaw farai na ezini puɗu puɗu, na azumai midini afti, zaw wala zi ɗifli, n’a ɗiflaarbani hlai na amai

¹⁸gaini wazagai zi hidili na midini afti, gaini hilif na agoɗomarni yemazumai pini afti.

¹⁹Won hlai na ki tili arki amai siɗi futi, sini tile sini meeɵeg, gaini wazagai paŋ na amai, aga ki hûrgi azumai wuzani kai, aŋ zini pini kaalai. Buri hanɗa Epiɗ-ɗai Alaw na wiiki a zaŋ buriɗi ɗai paŋ n’e ɗa azumai midiɗi duniya.

²⁰Amma tiki EPIƊ-ƊAI a milikisi edi, a plikisi edi warɗi Egipte par war gir n’abai, kapai ki bindi aŋ ɗai na wiini zi bulum, kiɗa girna nɵa

²¹EPIƊ-ƊAI a bunda hiy sa burikia ha wala mini ɓa aga mu vuga Yor Dan anene kaiaga mu niya a ha warɗi yai na pɗemi kaina EPIƊ-ƊAI asitiki aŋ bulum.

²²Aga mu mra warɗi yai hanɗa, aga mu vuga Yurdan anene kata kai, amma tiki aga ki vigiŋ aga ki sû warɗi yai na pɗemi ɗa, aŋ tikiti aŋ wiiki lai.

²³Ki zi hangal aŋ wili miɗiki kai burini bono na Epiɗ-ɗai Alaw na wiiki a zaŋ gaiki. Ki zi alawai zi rgi kai, gaini wazagai zi kilɗi, gaini wazagai paŋ n’a ɗiliki burini.

²⁴Buri Epiɗ-ɗai Alaw na wiikiafu zi yi, ni Alaw zi meɵe.

²⁵Won hlai na ki simnili mefeŋ viya warɗi yai hanɗa, na ɓa ki wiiɗi alili, gaiɗi tiyakaiki, aga ki zi tuwur aŋ rgi alawai na zamai, gaini wazagai zi kilɗi na na sɗik kai. Ki wala na meefiŋ arni Epiɗ-ɗai Alaw na wiiki kai, aŋ fikiti suwarni amai kaalai.

²⁶Aga mu ɗiya aŋ zaida girna wuzaki, afti gaini hlai na amai paŋ, aga ki vidi edi witaw warɗi yai n’aga ki tikiti aŋ bulum, asakalni vigini Yurdan anene aga ki zi mefeŋ viya woni kai, aga ki vidi edi kafa.

²⁷EPIƊ-ƊAI aga a ɵiriki edi arbaɗi ɗai paŋ, aga ki hini agwi kadai arbaɗi ɗai na zamai, won hlai na EPIƊ-ƊAI aga a ɵiriki edi ktai ktai won hlai zamai.

²⁸Woni aga ki hûrgi azumai wuzani alawai na e ziŋ gaini tiɗi ɗai: luwuŋ, kriyit na arai pini kai, na ɵime pinikai, na suma wala kaalaina muguza kaalai.

²⁹Woni par aga ki piyi Epiɗ-ɗai Alaw na wiiki, aga ki niviŋ lai, won hlai na ki piyiŋ gaiɗi agulki paŋ, gaini suŋfaɗi agulki paŋ.

³⁰Wala paŋ na mu miɗiŋki hanɗa avali amai, aga ki nivi gir n’abai nɵa aga ki wiyisi sini Epiɗ-ɗai Alaw na wiiki, aga ki gidi pini pra lai.

³¹Buri nɵa Epiɗ-ɗai Alaw na wiiki aŋ gaini vi gaini diri gara, aga a hinki edi kai, aga a tûriki edi kai, aga a wula midini kai gaini bono n’a zaŋ gaiɗi tamaiki.

³²Ki hiini midini seŋ paŋ na vuga a ɗibar, n’a za wuzaki avut par won hlai n’Alaw a rgiti yai par. Hiini pɗem midini wala na vugasi haa tiyana ta, warɗi duniya gaini abaiɗi. Seŋ n’abai maini n’a vuga maini n’a za na nɵa ɗi? Ɗif ktai a ɵina seŋ maini hanɗa nɵa ɗi?

³³Pinziba na wa ɗa, maiki tiki nɵa, na kiɗa aŋ ɵina wulani Alaw arni afu par, na sumna karni?

³⁴Zaw alaw ktai maini Alawki nɵa, n’a kiɗa yivai ktai aŋ miliɗisi ɗai edi tiɗi gawɗi par, gaini hiila n’abakai, gaini wazagai zi siŋki, gaini hatam gaini spak n’abai lai. Zaw kai zaŋ, amma Epiɗ-ɗai Alaw na wiiki a milikisi edi war bege na wiiɗi Egipte par, maini arki a tala hanɗa nɵa.

³⁵Wazagai hanɗa a sa siki aŋ tiliŋ gaini arki, kapai ki siɗi ɓa EPIƊ-ƊAI ɗa a Alaw, alaw zamai aŋ kai sai a ni ktai.

³⁶Am ai war Hlai n’amai par, a hina wulani a wa siki kapai a hitiriki, azumai midiɗi yai a suŋkuku afuni n’abai, ki ɵini seŋ na mini par arbani afu par.

³⁷Buri ɓa a diriɗi tamaiki gara, a viriɗi pinzibaɗi n’asakal ɗa sek lai, nɵa a milikisi edi midini afti n’Egipte par gaini spakni n’abai gara.

³⁸A birgiɗi pinziba n’abakai na spakɗi a sûwiiki tiki lai edi wuzaki, kapai a kiki midini aftiɗi, a siŋki aŋ bulum lai. A za girna na ɗa a ni ɗa.

³⁹Girna ki yimiŋ miɗiki pɗem, ki hiini midini lai ɓa: EPIƊ-ƊAI ɗa a Alaw, amai warni Hlai n’amai kaalai, azumai midiɗi yai kaalai Alaw zamai aŋ kai.

⁴⁰Yimi gadai zi ɗû na wiini, gaini gadai na wiini na mu na siŋki girna, kapai tiki gaini pinzibaki asakal sek ki nivi pɗem, ki nivi mri gop kai midini afti n’EPIƊ-ƊAI, Alaw na wiiki aga a siŋki gamai.

⁴¹Nɵa Musus a vara fuŋ n’abakai hu anene par duɓani Yurdan piɗi futi na dawai par sek,

⁴²aŋ fuŋ n’abakai zi ŋoyai. Na ɓa ɗif a fuɗa maini li pini dirini kai, a ɗif na gaw arbaɗi wuzani hlai par kaalai ɗa, a kiɗa a ŋoya war ktai arbani fuŋ hanɗa, suŋfani a kurɗa lai.

⁴³Fuŋ n’abakai hanɗa ni ɗa a hanɗa: Beser edi war basga na kaɗataŋ, midini afti zi buɗuk, buriɗi pinzibani Ruben, Ramot na Galaad, buriɗi pinzibani Gad gaiɗi Golan war Basan buriɗi pinzibani Manase ɗa lai.

⁴⁴Gadai zi ɗû na Musus a siŋɗi wiiɗi aliɗi Izrayel a na maini nɵa,

⁴⁵asakal niyiɗi n’edi war Egipte par, Musus a siŋkiɗi midini wala n’a dewele buriɗi buri e zi pini, midini gadai zi ɗû gaini gadai zi ɗiyi lai.

⁴⁶Hanɗa a za won hlai na e ɗisi anene par duɓani Yurdan, war huduk na wuzaɗi Bet-Peyor, midini afti na wiini Sihon, paiɗi na wiiɗi Amoritekai na sumna a Hesbon. Musus gaiɗi aliɗi Izrayel lai e riɗi amai midini Won hlai n’e niyisi aha warɗi Egipte par,

⁴⁷e tiki aftini gaini na wiini Og pai na Basan ɗa lai, e ɗifu e ɗi paakai na sulu na wiiɗi Amoritekai na anene par duɓani Yurdan par piɗi futi na dawai sek,

⁴⁸aliɗi Izrayel e tiki hlai siɗi huwuŋ Arower par te na agoɗom wulani yem zi ki na Arnon, haa siɗi huwuŋ Siyon, n’e yikiti zamai ɓa: ɓa Siyon,

⁴⁹e tiki huduk na tini Yurdan piɗi futi na dawai par paŋ, haa sini yem-ra n’abai zi manta ta n’azumai eziɗi huwuŋ Pisga ta.