Read Mousgoum Yohana 20 Bible Online

Yohana 20 - Mousgoum bible

Yohana 20

¹War mefeŋ n’avut, war demas, Mariya Magdelena te halasi mini waŋ gorof na hlai a na gegeŋ hai, teniviti fukuni gaini likiti edi mini waŋ ɗa par likat.

²Te lawa sini Simun Peter gaini ɗif zi hitri ktai na Yesu a daraŋ gara, te miɗini: E tiki Epiɗ-ɗai edi warni waŋ par ɗaw, mi siɗi hlai n’e kiŋ woni kai.

³Nɵa Peter gaini ɗif zi hitri zamai e niyisi anene e hili mini waŋ.

⁴E liwi piɗi marɗi gaini suliɗi, amma ɗif zi hitri na ktai a lawa kokolai a suwa Peter, a co mini waŋ avut,

⁵a goɓo azumai, a tala arni warni waŋ, a nava sapa n’e rgiŋ gaini azumai ca, amma ni a niya amlai warni waŋ ɗa kai.

⁶Simun Peter n’aŋsi pini par ɗa a cosi, won hlai n’a niya amlai warni waŋ ɗa, a nava sapa n’e rgiŋ gaini ɗa azumai ca,

⁷a tala ɗa, sapa na e biriɗni midini ɗa edi warni hlai zamai ta gaini tipi gaini sapa n’e fiɗiŋ gaini kai.

⁸Nɵa ɗif zi hitri na ktai n’a cosi mini waŋ avut ɗa, a niya amlai lai, a tala, a yima lai.

⁹Buri e ɵini ezini ɗû na a muɗa ɓa: Aga a ɵiya amai arbaɗi zi mri par ɗa kai hai.

¹⁰Nɵa ɗai zi hitri na sulu e wiyisi ahaɗi.

¹¹Amma Mariya te ɗiyasi anene par gobi gaini waŋ, te tuwa, won hlai na te tuwa ɗa, te goɓa azumai aŋ tala arɗi amlai warni waŋ ɗa.

¹²Nɵa e tala ɗai zi ɵeŋ na war fuŋ-n’Alaw sulu gaini simni azumai war hlai na kopoŋni Yesu a naka woni ca. Na ktai woni hlai na midini a naka woni sek ɗa lai, na zamai woni hlai n’ezini a naka woni sek ɗa lai.

¹³E miɗiɗi: Muni ku tuwa buri maɗa? Te wiyiɗi seŋ te muɗa: E tiki Epin-geza ɗaw, mu sɗa hlai n’e kiŋ woni kai.

¹⁴Asakal na te muɗa hanɗa ya, te bunda arɗi duɓaɗi te tala Yesu gaini ɗiyi zaw, amma te sɗa ɓa A ni nɵa kai.

¹⁵Yesu a miɗiɗi: Muni ku tuwa buri maɗa? Ku paya ɗa asiya ɗa? Na te hiina ɓa a epin-gezani vuwai ɗa, te miɗini: Ɗif n’abai, na ɓa ku tikaŋ ku tuku ɗa, siŋkaŋa hlai na ku kaŋ woni ta, kapai mu hala mu tikaŋ wiya.

¹⁶Yesu a yikiti: Mariya. Te bundasi arɗi, te miɗini war seŋɗi Hebrekai ɓa: Rabbouni, a dara a muɗa: Api zi hitri.

¹⁷Yesu a miɗiɗi: Ku tika tuku sa kai, buri mu hala amai sini Apa kai hai, amma hala siɗi tawalakaya, ku miɗiɗi ɓa: Mu na hala amai sini Apa n’Epiki tiki lai, sini Alaw ɗa n’Alaw na wiiki lai.

¹⁸Mariya Magdelena te halasi te miɗiɗi seŋ hanɗa wiiɗi ɗai zi hitri ɓa te talasi Epiɗ-ɗai ya, ɓa a miɗiɗisi maini hanɗa ɵa lai.

¹⁹Koskoini mefeŋ n’avut ni ɗa, won hlai na mini hlai na ɗai zi hitri e ɗa woni a nafu gaini dûgûamai burini hunai na wuzaɗi Yudeyakai ɗa, Yesu a halasi a ɗiya arbaɗi zaw a miɗiɗi: Sleɗ a sumna gaiki.

²⁰Won hlai n’a miɗiɗi hanɗa ya, a siŋkiɗi tini gaini paɵani, ɗai zi hitri e firiyi gara buri e tili Epiɗ-ɗai.

²¹Yesu a miɗiɗi pra: Sleɗ a sumna gaiki, maini n’Api a ɵinaŋasi, Ta mu ɵiniki nɵa lai.

²²Asakal n’a muɗa hanɗa ya, a yiba smer midiɗi a miɗiɗi: Seze Sɗik a sumna miɗiki.

²³Ni na ki hinini tuwurni li ɗa, tuwurni aga a pɵa midini kai, ni na ki hiniɗni kai ɗa, tuwurni aga a pɵa midini lai.

²⁴Tomas, ni n’e yikiŋ teyek, ktai arbaɗi na doogo pi sulu a nafu gaiɗi kai won hlai na Yesu a halasi ɗa;

²⁵Won hlai n’a cosi, ɗai zi hitri na zamai e miɗini: Tiyi mi tili Epiɗ-ɗai. Amma a miɗiɗi: Na ɓa mu tala balamni ɓere na war tini kai, na ɓa mu tikiti ahini ta war balamni ɓere kai, mu tika ta mini paɵani kaalai ɗa, mu yima duk kai zaŋ.

²⁶Mefeŋ mitwis asakal hanɗa, ɗai zi hitri e ɗifu amlai ca, Tumas a nafu dam lai, mini hlai a nafu gaini dûgûduk duk lai, nɵa Yesu a halasi a ɗiya arbaɗi zaw, a miɗiɗi: Sleɗ a sumna miɗiki.

²⁷Asakal par a miɗini wiini Tumas: Kitisi ahiɗi tuku ɗa, tala wara ɗa, tikitisi tuku ɗa, tikiti mini paɵa ɗa, ku sumna gaini yimi kai kai, yima.

²⁸Tumas a waya seŋ a miɗini: Epiɗ-ɗai ɗa, Alaw ɗa.

²⁹Yesu a miɗini: Tumas, ku yima ɗa, buri ɓa ku talaŋa, ɵeɗ midiɗi nagai n’e tili kai paŋ ktai e yimi.

³⁰Yesu a za wazagai zi siŋki zamai viya wuzani arɗi ɗaini zi hitri, n’aŋ gaini ɗû warni maktuɓ hanɗa kai.

³¹Hanɗa a ɗo ɗa, ɓa kapai ki yimi ɓa Yesu a Kristu, a Ahini Alaw, kapai pini yimi hanɗa ki nivi suŋfa war yikini.