Read Mousgoum Yohana 3 Bible Online

Yohana 3 - Mousgoum bible

Yohana 3

¹Amma arbaɗi Farisekai ɗa, ɗif ktai a nafu yikini Nikodemus, aktai arbaɗi abakaiɗi Yudeyakai.

²Ni a halasi sini Yesu duvuk a miɗini: Rabbi, tiyi mi siɗi ɓa, tuku k’Api zi hiri n’a halasi sini Alaw par, ɗif a kiɗa aŋ za wazagai zi siŋki na ku na zaŋ na ɗa kai, na ɓa Alaw aŋ gaini kai ɗa.

³Yesu a wiyini seŋ a miɗini, jre: Jere, jre mu muɗuku, na ɓa ɗif a wa hehe kai a sɗa aŋ tiliti pai n’Alaw kai.

⁴Nikodemus a zilbaŋ a muɗa: Ɗif n’a za li wel ɗa, a ɗa aŋ wel aŋ wa pra ɗi?

⁵Yesu a waya seŋ a miɗini: Jre jre mu muɗuku: Na ɓa ɗif a wa warni yem gaini Seze kai ɗa, a kiɗa ŋ niya warɗi pai n’Alaw kai.

⁶Wala n’a wa li wa li warni neŋ-si ɗa a neŋ-si, n’a wa li warni seze ɗa a seze lai.

⁷Ku bunda hiyak kai buri miɗi na mu muɗuku ɓa, sai ki wi hehe pra ɗa.

⁸Semer a vuvuwa woɗi paŋ n’a dara, ku ɵina viviwini, amma hlai n’a halasi woni par ku sɗaŋ kai, hlai n’a hala woni sek ku sɗaŋ kaalai. Asiya ɗi paŋ n’a wa li warni seze sɗik a na maini hanɗa nɵa.

⁹Nikodemus a waya a muɗa: Hanɗa a kiɗa a za maɵa maɵa ɗa?

¹⁰Yesu a waya seŋ a miɗini: Tuku k’Api zi hitri warɗi Izrayel, ku sɗa hanɗa kai.

¹¹Jre, jre mu miɗiki, tiyi mi miɗi ɗa a wala na mi siɗiŋ, mi zi zaida midini na mi tiliŋ lai, amma tiki ki diri ki yimi zaidayi kai.

¹²Na ɓa won hlai na mu miɗiki gaini wazagai na warɗi yai, ki yimi kai ɗa, mu miɗiki li gaini wazagai na warni fuŋ-n’Alaw par ɗa aga ki yimi maɵa maɵa ɗa?

¹³Ɗif ktai n’a niya amai warni fuŋ n’Alaw aŋ kai, a na ɗa A ni n’a niyasi amai warni fuŋ-n’Alaw par, Ahini-ɗif ɗa.

¹⁴Maini na Musus a haga wala meefeŋ amai edi warni basga na kaɗataŋ, nɵa lai Ahini-ɗif aga a haga amai,

¹⁵kapai asiya ɗi paŋ n’a yima li ɗa a nava suŋfa n’a vada kai warni.

¹⁶Buri Alaw a diriɗi ɗai na midiɗi yai ɗa gara, haa a sa Ahini na ketekeɗik kapai asiya ɗi paŋ n’a yima li warni a ɓa edi kai, amma a nava suŋfa n’a vada kai.

¹⁷Buri Alaw a ɵinasi Ahini siɗi ɗai na warɗi yai buri a kûti sariya midiɗi ɗai na warɗi yai ɗa kai, amma buri ɓa ɗai na warɗi yai e kûri edi gaini.

¹⁸Ni n’a yima li warni ɗa, sariya midini kai, amma ni n’a yima warni kai ɗa sariyani te ɗiya zaw buri a yima warni Ahini Alaw na keteɗeɗik kai.

¹⁹Sariya ɗa, te na maini nɵa: Gaglai a halasi warɗi yai, amma ɗai ɗa e diri gegeŋ a suwa gaglai ɗa, buri ɓa sdaɗi a meefeŋ.

²⁰Buri asiya ɗi paŋ n’a za meefeŋ a dara gaglai ɗa kai, ɗif hanɗa a halasi edi sini gaglai ɗa kaalai, kapai sdani ɗa a siŋka edi kai.

²¹Amma ni n’a za jre ɗa, a halasi edi sini gaglai kapai a siɗk a edi ɓa sdani ɗa a zaŋ ɗa warni Alaw.

²²Asakal hanɗa Yesu a halasi gairɗi ɗaini zi hitri midini afti na Yuda, a sumna woni gaiɗi, a sa baptisme lai.

²³Yohana lai a za baptisme war Enon gobi gaiɗi Salim, buri yem a nafu woni viya, ɗai e hilisi aŋ nivi baptisme woni.

²⁴Buri Yohana a nafu gaini ɵi warɗi daŋgai kai hai.

²⁵Nɵa sispai ktai a faka arbaɗi ɗai zi hitri na wiini Yohana gaini ɗif na Yudia ktai midini zi n’edi aŋ hilu.

²⁶E hilisi sini Yohana e miɗini: Rabbi, ni n’a nasi ka gaiku anene kata duɓani ra Yurdan par ɗa, na ku za zaida midini ɗa a na sa baptisme koo! Ɗai paŋ e ɗa hili pini lai.

²⁷Yohana a waya seŋ a muɗa: Ɗif paŋ a nava a n’a sasi sini amai war fuŋ-n’Alaw par ɗa.

²⁸Tiki gaini midiki dama ki ɗi zaidakaiŋa na ki ɵini maa par ɓa, Ta ɗa mu Kristu kai, amma mu ɵeŋ na e ɵiniŋasi wuzani.

²⁹Drai ɗa, te wiini Epiɗ-dray ɗa, amma marmaini Epiɗ-dray, n’a na gobi gaini, n’a na ɵina wulani lai ɗa, firyini abai gara won hlai n’Epiɗ-dray a na miɗini seŋ ɗa. Firiyi na wiya hanɗa a va li amai tiyana ta.

³⁰A zuva ɓa a riya amai wuzani sek, ta mu hosa azumai.

³¹Ni n’a halasi amai par ɗa, abai a suwa paŋ, ɗifɗi yai ɗa a wiiɗi yai, seŋ n’a muɗaŋ ɗa a wiiɗi yai lai. Ni n’a halasi amai war fuŋ-n’Alaw par ɗa a abai a suwa paŋ.

³²A za zaida midini wala n’a talaŋ, n’a ɵinaŋ lai. Amma ɗif ktai n’a yima zaidani aŋ kai.

³³Ni n’a yima zaidani li ɗa, a yima ɓa Alaw ɗa a jre,

³⁴Buri ni n’Alaw a ɵinaŋ li ɗa, a muɗa ɗa a seŋ na wiini Alaw, buri Alaw a sini Seze gaini katay kai.

³⁵Api a dara Ahi, nza a sini wazagai paŋ war tini.

³⁶Ni n’a yima li war Ahi ɗa, suŋfa n’a vada kai ɗa a wiini, ni n’a dara a ɵina pini Ahi kai ɗa aga a tala suŋfa kai, suwar na wiini Alaw aga a sumna midini.