Read Mousgoum 1 Korintekai 16 Bible Online

1 Korintekai 16 - Mousgoum bible

1 Korintekai 16

¹Buri tipi na wiini wazagai na buriɗi! ɗai na wiini Kristu na war Yeruzalem ɗa, tiki lai aga ki zi maini na mu miɗiŋɗi wiiɗi tipi war Galatia ɗa nɵa.

²A pɗem ɓa arbakai ɗa, asiya ɗi paŋ, dimas dimas paŋ ɗa, a kasi wala n’a navaŋsi ɗa, sini gdaŋni ɗa, kapai ɗai e biyi haa mu coɗi haw, kapai e tiki piɗi aŋ tipi aŋ tipiŋ hai kai.

³Won hlai na mu coɗi li arbaki ɗa, aga mu ɵiniɗi ɗai na ki viriɗi aŋ ki likeki, war Yeruzalem gaini letre tiɗi.

⁴Na ɓa a dewele ɓa ta mu hala ɗe, aga e hili gaya lai.

⁵Aga mu halaɗi aŋ tiliki ɗa, won hlai na mu halaɗi li war Makedoniya, buri ɓa aga mu vigaɗi war Makedoniya par ɗaw.

⁶Ablaŋtaŋkai, aga mu sumna gaiki mefeŋ agwi ɗi, ɵa kai ɗe, mu ziti amsai ɗa gaiki lai, kapai tiki dama ki siŋa wazagai na jaaŋa aŋ sini, kapai mu kiti morkoiŋa gaini lai.

⁷War morkoiŋa hanɗa, mu firya mu tiliki gaini aza blaŋ blaŋ, mu firya mu sumna gaiki buri hlai n’agwi, na ɓa Epiɗ-ɗai a saŋa futi li ɗa.

⁸Amma gaini hanɗa paŋ, aga mu sumna war Efesus haa siɗi fet na wiiɗi Paŋtekoste ta.

⁹Buri min hlai ktai aŋ gai milisi edi abai buriya mal, mu kiŋ mu za sda viya woni lai, koo ɓa gawŋa e ɗa viya tekeɗeɗi.

¹⁰Na ɓa Timotewus a coɗi li ɗa, war sdani n’arbaki ɗa, ki milini hunai pini kai; buri a za na ɗa a sdani Epiɗ-ɗai maya ta nɵa lai.

¹¹Buri nɵa, ɗif aga a miisaŋ kai, ki sini wazagai na jaani aŋ sini buriɗi morkoini n’aga a halasi haa sa ta ɗa, buri mu na bayaŋ gaiɗi tawalakai.

¹²Amma tawalmu Apolos ɗa, mu sini arai zi pi viya gara buri a halaɗi aŋ tiliki gaiɗi tawalakai, amma firya a za hanɗa tiyana kai. Na ɓa a nava futi li ɗa aga a halaɗi.

¹³Ki simni karki, ki ɗiyi gdaŋ war yimi, zi siki aŋ ɗai na maɵagai, ki ɗiyi gdaŋai.

¹⁴A zuva ɓa, wala paŋ n ki diri ki ziŋ arbaki ɗa, a za war diri.

¹⁵Tawalakaya, mu dara mu hiniki seŋ ktai tiki pra, tiki ki siɗi ɓa pakataini Stefanus ɗa, e ɗi merfeŋni seyem n’avut na war Akaiya, e zini piɗi ɗai na wiini Kristu lai.

¹⁶Tiki lai, ki ɵini piɗi ɗai na maiɗi nɵa ɗa, gaiɗi nagai paŋ n’e ɗa fiɗi was aŋ zi sda gaiɗi ɗa.

¹⁷Agula te firiya gara burini Stefanus gaini Fortunatus gaini Akaikus, buri won hlai n’e cûsi sa ɗa, e zini pa war balamki,

¹⁸buri e tikiŋa haŋgala azumai, e tiki na wiiki azumai lai. Ɗai na mai hanɗa ɵa, ki kuliɗi midiɗi amai.

¹⁹Tipi na war Asiya e ɗa ɵiɓiki wuti. Akwilas gaiɗi Priska gaini tipi na war dalamɗi lai, e ɗa ɵiɓiki wuti gara war Epiɗ-ɗai.

²⁰Tawalakai lai paŋ e ɵiɓiki wuti. Ki ɵiɓi wuti wiiɗi marki arbaɗi marki gaini sisiɓi na sɗik.

²¹Hanɗa a ɵiɓini wuti na wiya ta Paulus, na mu ɗoŋ gaini ta.

²²Na ɓa ɗif a marmaini Epiɗ-ɗai kai ɗa, a zuva ɓa tusa a sumna midini. Maranata. Halasi, Epiɗ-ɗai!

²³Yim na wiini Epiɗ-ɗai Yesu, a za gaiki.

²⁴Mu diriki paŋ, war Kristu Yesu. Amen.