Read Mousgoum 1 Korintekai 4 Bible Online

1 Korintekai 4 - Mousgoum bible

1 Korintekai 4

¹Buri nɵa, aga ki yimiyi maiɗi ɗai zi sda na wiini Kristu, maiɗi ɗai n’e giɗimi wazagai zi ŋoyai na wiini Alaw nɵa lai.

²A suwa paŋ ɗa, ɗif zi giɗimi wazagai, a zuva ɓa a ɗif na jreni a na.

³Ta ɗa, jaaŋa kai sam, koo ɓa ki ɗûkliti sariya mada ki ɗi tiki, koo ɓa e ɗi ɗai zi ɗûkliti sariya ɗi. Buri ta gaini mada dama, mu ɗûkliti sariya mada kaalai.

⁴Buri ɓa, mu sɗa wala ktai na meefeŋ war hiiniŋa kai, gaini hanɗa paŋ ɗa, mu na jre-ɗikat kai, Ni n’aga a ɗûkliti sariya mada ɗa a Epiɗ-ɗai.

⁵Buri nɵa, ki ɗûkliti sariya wuzani mefeŋ n’aŋ gai ɗiyi ɗa kai, wuzani gizini Epiɗ-ɗai n’aga a siŋkasi wazagai zi ŋoyai, n’aŋ war gegeŋ par edi, gaini hiini na warni agulɗi ɗai lai ɗa kai. Nɵa asiya asiya paŋ, aga a nava kol na wiini sin Alaw par.

⁶Tawalakaya, seŋ zi siŋki maini na mu na muɗaŋ mada gaini Apolos ɗa, mu muɗaŋ na ɗa buriki. Kapai tiki ki hitri siyi par, aŋ pri edi midini wazagai n’aŋ war ɗû par kai, kapai kisiɗi aŋ wiyi warni kûlûni-si, aŋ pi siɗi marki ɓa: ta m’aŋ pini ɗif hanɗa par kir kai.

⁷Ɗif n’a muɗuku ɓa tuku ku sûwiɗi marku na zamai ɗa asiya ɗa? Wala n’aŋ tuku, na ku navaŋ gai nivi kai ɗa a ma ɗa? Na ɓa ku navaŋ gai nivi ɗa, ku kola suku mai na ɓa ku navaŋ gai nivi kai ɵa ɗa buri ma ɗa?

⁸Tiyana ɗa ki vi ca, tiyana ɗa ki ɗi ɗai na ki kiɗi lai. Ki tiki piki aŋ ŋi ɗa gaiyi tiyi kai, na ɓa ki ŋi na ɗa a ŋi na jre ɗa, tiyi kw aga mi ŋi gaiki lai.

⁹A tala ara mai na ɓa Alaw a miliyi tiyi n’apostelai ɗa edi asakal piɗi ɗai par, maiɗi ɗai na sariya zi mri te ɗukla midiɗi nɵa, e yimiyi maini wala n’e ɵi dawaŋ gaini wuzaɗi ɗai na warɗi yai, wuzani arɗi ɗai zi ɵeŋ na war fuŋ-n’Alaw lai, wuzani arɗi ɗai murɗakai lai.

¹⁰Tiyi ɗa mi ɗi zi duulakai burini Kristu, amma tiki, ki ɗa yalakai war Kristu, tiyi mi ɗa hurofai, amma tiki ki ɗa gdaŋai, tiki ɗa ki nivi kol, amma tiyi ɗa mi nivi miisi.

¹¹Haa girna, wiyamai te na fiɗiyi, sai te na ziyi lai, mi ɗa ganala, mi kiɗi mi nivi ɵiɓi, mi ɗi na ɗa gaini eziyi yw yaw lai.

¹²Tiyi mi ɗa fiɗi was aŋ zi sda gaini tiyi dama, mi nivi tirki, amma tiyi mi ɓiki gai ɓiki, e siɗiyi gir aryi, amma tiyi mi yimiŋ siyi.

¹³E miɗi meefeŋ midiyi, amma tiyi mi siɗi arai zi pi, tiyi mi bindi maini zilgit nɵa arɗi ɗai na warɗi yai, maini wala na hi-hir nɵa arɗi ɗai paŋ lai haa tiyana.

¹⁴Mu ɗo seŋ hanɗa siki na ɗa, buri mu tikiki siyer ɗa kai, amma buri mu ɵiki ɵime, maiɗi aliya zi diri gara nɵa.

¹⁵Koo na ɓa ki nivi ɗai n’e ɵi wuzaki war hitri dubu doogo war Kristu ɗi, epiki ɗa mu ta pal, buri mu wiiki war Yesu Kristu gaini labar na pɗem mu ta, api zamai aŋ kai.

¹⁶Buri nɵa mu siiwiki, ki tiki aza.

¹⁷Buri hanɗa, mu ɵinaɗi Timotewus siki, ni a ahiya, ahiya zi diri gara war Epiɗ-rfai, n jre lai. Aga a ɵiki miɗiki gaini payai na pɗem na mu miɗiki gaini war Yesu Kristu, maini na mu na hitraŋ war hlai paŋ, war tipi paŋ lai nɵa.

¹⁸Zamai e hiini ɓa, aga mu wayaɗi aŋ tiliki kai ɗi, nɵa e niyi warni kûlûni-si.

¹⁹Amma mu ŋa gobi aŋ halaɗi aŋ tiliki, na ɓa Epiɗ-ɗai a dara ɗa, mu halaɗi na ɗa aŋ tala seŋ na ɗai hanɗa e miɗiŋ ɗa kai, amma aŋ tala spakɗi ɗa.

²⁰Buri ɓa pai-n’Alaw ɗa, a seŋ zi miɗi ɗa kai, amma a spak.

²¹Tiki ki firyi ɗa a ma ɗa? Mu firya ɓa mu halaɗi siki gaini daɓala zaw, zaw diri, war seze zi hûsi lai ɗi?