Read Mousgoum 1 Korintekai 5 Bible Online

1 Korintekai 5 - Mousgoum bible

1 Korintekai 5

¹War hlai paŋ ɗai e ɗa miɗi gaini maɵara n’a na arbaki, a maɵara na koo arbaɗi pinziba na zamai kaw a siɗa aŋ za kai, hanɗa ɓa, ktai arbaki a yimiti munini epini tini kaai.

²Gaini hanɗa paŋ, tiki ki kûli siki gai kûli, kadai tiɓ ki kwimi gai kwimi, kapai ɗif n’a za wala na mai hanɗa ɵa a yima edi arbaki par.

³Ta ɗa, war neŋ-si, mu na arbaki kai, amma mu na arbaki war seze, mu ɗûkliti sariya midini ni n’a za wala hanɗa ya, maini na mu nafu arbaki nɵa.

⁴Won hlai na ki tipi li war yikini Epiɗ-ɗaimu Yesu ɗa, won hlai na tiki gaini sezeŋa ki tipi war gadaŋni Epiɗ-ɗaimu Yesu ɗa,

⁵a zuva ɓa, ɗif na mai hanɗa nɵa ɗa a sa edi tin Satan, kapai a ɓilka neŋ-sini edi, kapai sezeni a sɗa aŋ kora war mefeŋ na wiini Epiɗ-ɗai.

⁶Kadai tiɓ ki kûli siki kai. Ki siɗa ɓa is n’agwi kadai a faka avdi zi hiɗi na gaini abaini paŋ amai, ki siɗi hanɗa kai ɗi?

⁷Buri nɵa, is na wel n’aŋ siki ɗa, ki pukiŋ edi, kapai ki bindi aŋ avdi zi hiɗi na hehe, buri ɓa tiki ɗa is arki kai; Buri ɓa Kristu, Ahiɗi-adumi na wiini Paska na wiimu ɗa a fuɗali edi.

⁸Buri nɵa, mu zutumu fet na wiini Paska ɗa gaiɗini isi na wel ɗa kir kai. Gaini is na wiini sda na maafanai gaini meefeŋ ɗa kai, amma gaini peŋ na is arni kai, na hilu, na jre.

⁹Mu ɗoɗi siki war letreŋa ɓa tiki aga ki tipi aŋ bonu gaiɗi ɗai zi maɵara ɗa kai.

¹⁰Mu muɗa na ɗa, gaiɗi nagai n’e piyi payai hanɗa, n’e ɗa warɗi yai hanɗa kai, zi malawai, gaiɗi na gorɓolokai, zaw n’e hûrgi azumai wuzani alawai zi rgi kai. Na ɓa ɵa kai ɗa, a dewele ɓa mu yumumu sumu edi warɗi yai hanɗa par.

¹¹Amma tiyana, mu ɗoŋ siki na ɗa ɓa, ki zi bonuki gaini ɗif na yika sini ɓa tawal, amma a paya war maɵara, zaw war meleu, zaw war hûrgi n’azumai wuzani alawai zi rgi, n’a tirka, n’a ciina gaini vin, zaw na gorɓolo, ki tipi bonuki gaiɗi kai, ɗif na mai hanɗa ɵa maa ki simi gaini kai.

¹²Buri ɓa ɗai n’e yimi kai ɗa, mu ɗûkliti sariya midiɗi mu ta ɗi? Nagai n’e ɗa amlai war yimi gaiki ɗa, aga ki ɗûkliti sariya na wiiɗi ki ɗi tiki kai ɗi?

¹³Ɗai n’e yimi kai ɗa, aga a ɗûkliti sariya midiɗi ɗa a Alaw. Ki hugi na meefeŋ edi arbaki par.