Read Mousgoum 1 Korintekai 7 Bible Online

1 Korintekai 7 - Mousgoum bible

1 Korintekai 7

¹Pin seŋ na ki ɗuŋsi warɗi letreki ɗa, a pɗem ɓa ɗif a titimiti muni kai.

²Amma burini huwyi na wiini si, n’a kiɗa a ka ɗif war maɵara ɗa, a pɗem ɓa wus paŋ a tika muni, muni paŋ, te tika wus lai.

³A zuva ɓa wus ɗa a za wala n’a na aŋ dewele midini siɗi munini, muni te za sin mofoɗi nɵa lai.

⁴Muni te ŋa midini siɗi dama kai, a ŋa midini ɗa a mofoɗi. Wus ɗa a ŋa midini sini dama kai, te ŋa midini te munini.

⁵Ki bili edi siɗi marki kai, na ɓa a sɗa aŋ za ɗa, sai war kitini-mi buri hlai n’agwi, burini siiwa, asakal par, ki wiyi gaiɗi marki, kapai Satan a sɗa aŋ tiniki kai, buri tiki aga ki kiɗi aŋ rudu siki kai.

⁶Mu muɗa na ɗa a wala zi hiini, a wala zi dewele buriki kai.

⁷Kadai tiɓ, mu firya ɓa ɗai paŋ e simni maiya ta ɵa, amma asiya ɗi paŋ aŋ gaini like zi yum na kiini kiini, n’alaw a saŋ sini, na ktai a hanɗa, na ktai a hanɗa sek.

⁸Buriɗi nagai n’e tiki kai hai, gaiɗi falakai na war greŋ ɗa, mu muɗa na ɗa ɓa, a pɗem buri e simni maiya ta nɵa.

⁹Amma na ɓa e kiɗi aŋ ɗili siɗi kai ɗa, a pɗem buri e tiki, buri ɓa marya e tiki, a suwa na siɗi a huwyiɗi ɗa.

¹⁰Siɗi nagai n’e tiki ya ɗa, mu dara mu siɗi gadai hanɗa: -Mu ta kai, amma a Epiɗ-ɗai, - ɓa muni te baada pin mofoɗi par kai.

¹¹Na ɓa te baada li pin mofoɗi par ɗa, te tika wus zamai kai, ɵa kai ɗe, te waya ye toya gaini mofoɗi lai; wus aga a biditi munini edi kaalai.

¹²Siɗi na zamai ɗa, mu muɗa na ɗa mu ta, a Epiɗ-ɗai kai, na ɓa tawal ktai a na, na munini te muni zi yimi kai, na ɓa te firya te sumna gaini ɗa, aga a biditi edi kai.

¹³Na ɓa muni ɗa mofoɗi a ɗif zi yimi kai, na ɓa a firya a sumna gaiɗi ɗa, aga te baada gaini mofoɗi kai.

¹⁴Buri ɓa wus na zi yimi kai ɗa, a na sɗik piɗi munini ɗa, muni na zi yimi kai ɗa, te na sɗik pin tawal na te tikaŋ ɗa lai, ɵa kai ɗa aliɗi e hini fu na ɗa haharai, amma tiyana ɗa e ɗa sɗik.

¹⁵Amma na ɓa ɗif na zi yimi kai ɗa a firya a baada ɗa, hinaŋ a baada, tawal na wus zaw na muni, n’a hina ɗa, aŋ gai niggi war gal hanɗa kai. Alaw a yikiɗisi war ɵeɗ.

¹⁶Buri ɓa tuku muni, ku sɗa ɓ'aga ku kora mofoku kai ɗa maɵa maɵa ɗa? Zaw tuku na wus, ku sɗa ɓ'aga ku kûriti muniku kai ɗa, maɵa maɵa ɗa?

¹⁷Nɵa, asiya asiya paŋ aga a paya maini n’EPIƊ-ƊAI a saŋ sini ɗa nɵa, maini n’EPIƊ-ƊAI a navaŋsi gaini, won hlai n’a yikaŋ ɗa nɵa, hanɗa a gadai na mu na mu siŋɗi wiiɗi tipi paŋ.

¹⁸Ɗif n’a yikasi war ɵini-gurgle ɗa, aga a hina sini war ɵini gurgle ɵa, ɗif a yikasi gaini ɵini-gurgle-kai ɗa, aga a huwya sini aŋ ɵa gurgle kai.

¹⁹Buri ɵini-gurgle ɗa, a wala kadai, ɵini-gurgle-kai ɗa, a wala kadai lai, wala n’a suwa paŋ ɗa, a zi na pin seŋ zi gadai na wiini Alaw.

²⁰A zuva ɓa ɗif paŋ ɗa, a sumna maini n’Alaw a navaŋsi a yikaŋsi warni ɗa nɵa.

²¹Na ɓa a yikukusi sek ɗa, ku bege ɗa, aga ku huwya suku buri hanɗa kai, amma na ɓa ku kiɗa aŋ bunda aŋ kempe ɗa, bunda wiiku lai.

²²Buri ɓa bege n’Epiɗ-ɗai a yikaŋs li ɗa, a ɗif na kempe wuzani Epiɗ-ɗai, ɗif na kempe n’EPIƊ-ƊAI a yikaŋsi li ɗa, a bege na wiini Kristu lai.

²³Tiki e wurikisi edi gaini wuri na caŋ gara, ki hini siki aŋ bindi aŋ bagakaiɗi ɗai kir kai.

²⁴Tawalakai, a zuva ɓa asiya asiya paŋ, a sumna wuzani Alaw maini n’Alaw a yikaŋsi sek ɗa a navaŋ ɵa.

²⁵Buriɗi bulamai ɗa, mu nava seŋ zi gadai na sin Epiɗ-ɗai par buriɗi kai, amma mu sa na ɗa a hiini na wiini ɗif n’a nava yum na wiini Epiɗ-ɗai ɗa, ɗif a kiɗa buri a yima seŋni lai.

²⁶Buri haaja n’a na tiyana ɗa, a tala ara pɗem ɓa, a pɗem buri ɗif a sumna maini hanɗa ɵa.

²⁷Na ɓa ku na gaini niggi siɗi muni ɗa, aga ku paiya aŋ ɓurwa gaiɗi kir kai, na ɓa k’aŋ gaini niggi siɗi muni kai ɗa, aga ku paya aŋ tika muni kaalai.

²⁸Amma na ɓa ku tika muni li ɗa, ku za ɗa a tuwur kai, na ɓa bulumi te tika wus li ɗa, te za ɗa a tuwur kaalai. Amma ɗai n’e tiki ɗa, aga e siɗi gir. Ta mu firya ɓa gir hanɗa a za siki kai.

²⁹Tawalakaya, mu dara mu muɗa na ɗa ɓa: hlai ɗa a gulai, wuzamu sek ɗa, nagai n’e tiki falakai ɗa, e tili siɗi mai na ɓa, falakai piɗi kai ɵa,

³⁰nagai n’e tuwi ɗa, mai na ɓa e ɗa tuwi kai ɵa, nagai n’e firyi mai na ɓa e ɗa firyi kai ɵa, nagai n’e cikili wazagai ɗa, mai na ɓa wazagai ɗa wiiɗi kai ɵa,

³¹nagai n’e ɗa simiti duniya ɗa, maina ɓa e ɗa simiti kai ɵa, buri ɓa yai a tiyana hanɗa, aga te vada edi.

³²Buri nɵa ta mu firya ɓa ki simni war huwyi kai. Ɗif n’a tika kai hai ɗa, a hiina burini wazagai na wiini Epiɗ-ɗai, aga a zilba sini ɗa ɓa aga a za ɗa a maɗa, kapai Epiɗ-ɗai a draŋ ɗa.

³³Ni n’a tika ya ɗa, a hiina ɗa burini wazagaiɗi yai, a zilba sini ɓa, aga a za ɗa a ma ɗa, kapai munini te daraŋ ɗa

³⁴-aŋ war ɓrw arbani wazagai hanɗa. Nɵa lai, muni na mofoɗi aŋ kai, maiɗi bulumi ɵa ɗa, te hiina ɗa midini wazagai na wiini Epiɗ-ɗai, kapai te sumna sɗik war siɗi, war seze lai, amma muni na gai tiki ɗaw ɗa, te hiina burini wazagai na wiiɗi yai, aga te zilba siɗi ɗa ɓa, aga te za ɗa a ma ɗa, kapai mofoɗi a firyiti ɗa.

³⁵Mu muɗaŋ na ɗa burini pɗem na wiiki, buri mu gana azaw wuzaki kai, amma kapai ki zi wazagai n’a gai futini, kapai ki niggi sin Epiɗ-ɗai gaiɗi agulki paŋ.

³⁶Na ɓa gawla a muni gaŋ, a diriti gara, na ɓa a tala ɓa hiinini na siɗi sek ɗa, a dara a kaŋ war tanai ɗa, marya a tikiti, a za maini na dara nɵa, a za ɗa a tuwur kai, e tiki marɗi wiiɗi.

³⁷Anima ni n’a rga warni fakat gaini dewele midini kai, pin diri na wiini, a firya ɓa a tuuriti marmaini ɗa kai ɗa, ni a za pɗem.

³⁸Nɵa, ni n’a tikiti marmaini ɗaw ɗa, a za pɗem, amma n’a tiki wiini kai ɗa a za pɗem a suwa.

³⁹Muni ɗa t'aŋ gaini niggi sin mofoɗi, won hlai n’a na karni hai, amma won hlai na mofoɗi a mra li ɗa, t'aŋ gai pli su, te kiɗa te tika asiya asiya paŋ na te daraŋ, amma a zuva ɓa tiki hanɗa a za war Epiɗ-ɗai.

⁴⁰Amma, hiini na wiya ɓa, te sumna fu na kiiɗi mai hanɗa ɵa ɗa, pɗem a suwa. Ta kaw, mu hiina ɓa Seze n wiini Alaw aŋ mada lai.