Read Mousgoum 1 Korintekai 8 Bible Online

1 Korintekai 8 - Mousgoum bible

1 Korintekai 8

¹Burini neŋni wazagai zi ɓaka n’e fiɗiŋ wiini alawai zi rgi ɗa, tumu paŋ mu suɗumu seŋ hanɗa paŋ. Buri siɗi ɗa a buva ɗif gaini kûlûni-si, amma diri ɗa a ra wala amai.

²Na ɓa ɗif a hiina ɓa a sɗa wala gara ɗa, ni sɗa siɗi na woɗi futini ɗikat kai hai.

³Amma na ɓa ɗif a dara Alaw ɗa, ɗif ni ɗa, Alaw a sɗaŋ.

⁴Nɵa ɗa burini simini neŋni wazagai n’e fiɗiŋ aŋ ɓaka wiini alawai zi rgi ɗa, tumu mu suɗumu ɓa, alaw zi rgi warɗi yai aŋ kai, Alaw ɗa a na ɗa ktai, na zamai aŋ kai.

⁵Buri ɓa, na ɓa a jre ɓa, wazagai na nagai e yikiŋ ɓa alau, amai war hlai n’amai zaw azumai warɗi yai a na ɗa, a futini, buriɗi nagai ɗa, alawai e ɗa viya, Epiɗ-ɗai e ɗa viya ɵa lai.

⁶Gaini hanɗa paŋ ɗa, burimu tumu ɗa Alaw a na ketekeɗik, a Api, na wazagai paŋ a halasi sini par, na tumu mu ɗumu wiini lai, Epiɗ-ɗai ɗa a ktai, a Yesu Kristu. Na wazagai paŋ a za gaini, n’a zumusi tumu ɗa lai.

⁷Amma ɗai paŋ e siɗi siɗi hanɗa kai, buri ɓa ɗai zamai n’e hitri gaini alawai zi rgi ca ɗa, won hlai n’e limi neŋ hanɗa, nagai e tiliŋ maini wala zi ɓaka n’a sa wiini alawai zi rgi nɵa. Hiiniɗi na huruf ɗa a tuura lai.

⁸Amma wala n’aga a turumusi gobi gaini Alaw ɗa, a wala zi simi ɗa kai, na ɓa mu lumuŋmu kai ɗa, wala ktai a tika edi sumu par kai, na ɓa mu sumuŋmu ɗi, mu nuvumu wla ktai na pɗem pini kaalai.

⁹Gaini hanɗa paŋ ɗa, ki zi hangal, kapai wala na ku dara ku zaŋ ɗa, a bunda aŋ wala zi dibi azi buriɗi na hurofai ɗa kai.

¹⁰Buri ɓa, na ɓa ɗif a tulukusi tuku na gaini siɗi ɗa, amlai warni tempel na wiini alawai zi rgi ɗa dam, aŋ suma ɗa, hiinini na huruf ɗa aga a kaŋ aŋ luma neŋni wazagai n’e fiɗiŋ aŋ ɓaka wiini alawai zi rgi kai ɗi?

¹¹Nɵa ɗa, ɗif na huruf ɗa, a ɓa edi burini siɗi na wiiku, tawalku hanɗa Yesu a mra burini lai.

¹²Na ɓa ki zi tuwur siɗi tawalakai mai hanɗa ɵa ɗa, ki ɓilki hiiniɗi n horofai mai hanɗa ɵa lai ɗa, ki zi tuwur na ɗa sini Kristu.

¹³Buri nɵa, na ɓa wala zi simi aga a bunda aŋ wala zi dibi azi burini tawala ɗa, aga mu luma neŋ duk kir kai, kapai mu za wala na tawala a daba ezini sini kai.