Read Mousgoum 2 Korintekai 3 Bible Online

2 Korintekai 3 - Mousgoum bible

2 Korintekai 3

¹Kapai mi wiyi katawai aŋ miɗi edi midini siyi tiyi dama ɗi? Zaw tiyi aga mi piyi letre zi zaida tiyi maiɗi ɗai na zamai ɵa lai, aŋ kiŋki ɗi zaw tiki ki siŋyi aŋ kiŋ wiiɗi ɗai zamai lai ɗi?

²Tiki ki ɗi letre zi zaida na wiyi, na t'aŋ gai ɗû amlai warɗi agulyi, na ɗai paŋ e siɗiti paŋ, e ŋiti paŋ lai.

³A na edi gaglai ɓa tiki ki ɗi letre na wiini Kristu, na te sa tiyi war ɵeŋ na wiyi: Te letre na te ɗo gaini ankre ɗa kai, amma gaini Seze na wiini Alaw na karni, te ɗo midini ali-fuŋ na babɗamai ɗa kai, amma midini neŋ na bebɗem, amlai war agul.

⁴Hanɗa a biyi na mi ɗa biyi tin Alaw, burini Kristu,

⁵buri tiyi mi zi paŋ na ɗa pin kiɗi na wiyi kai, amma mi zi na ɗa pin gdaŋ n’Alaw a siŋyi.

⁶A ziyi aŋ ɗai zi sda n’e kiɗi na wiini bonu na hehe a ni, aŋ ɗi zi sda na wiini gadai zi ɗû kai, amma na wiini seze. Buri gadai zi ɗû a fuɗa ɗif edi, amma seze a sa suŋfa wiini ɗif.

⁷Na ɓa sda zi ɵeŋ na wiini mri n’a ɗo midini ali-fuŋ ɗa, abai na wiini Alaw te gunaŋ azumai gun, haa aliɗi Izrayel maa e kiɗi tili arni Musus ɗa kir kai, paŋ ktai ŋilini wuzani arni hanɗa a za buri hlai n’agwi kadai ɗa,

⁸nɵa sda na wiini seze ɗa, abai na wiini Alaw aga te gunaŋ azumai a suwa hanɗa kai ɗi?

⁹Na ɓa sda zi ɵeŋ na wiini kuɗi sariya, a niviti abai mai hanɗa ɵa ɗa, sda zi ɵeŋ na wiini jre-ɗikat aga a niviti abai a suwa pra kai ɗi?

¹⁰-Nɵa pin miɗi hanɗa, wala na kol a naka a sa sini ɗa, a kiɗa aŋ nava kol maini n’a na ɵa kir kai, buriɗi abai na e na tiyana ɗa.

¹¹Buri na ɓa wala n’a na burini hlai n’agwi a kiɗa a nava kol ɗa, wala n’a vada kai ɗa a kiɗa a nava kol a suwa kai ɗi?

¹²Buri nɵa, pin biyi na pin ɵeɗ hanɗa, mi yimi ɗa ɓa aga a za mai hanɗa ɵa.

¹³Tiyi mi zi na ɗa maini Musus na bara wala arni bar, kapai aliɗi aliɗi Izrayel aga e tili vidi n’edi na wiiɗi abai na te na burini hlai n’agwi kadai ɗa kai.

¹⁴Amma agulɗi ɗa a bunda gdaŋ, ha girna ɵa, won hlai n’e diri e ŋi ɗû n’aŋ war bonu na wel edi ɗa, sapa n’e higiŋ amai ɗa, a na amai ɵa lew, a mula azumai kai, buri hanɗa a mula azumai ɗa burini ni n’a na war Kristu.

¹⁵Amma ha girna, won hlai n’e diri e tili ɗû na wiini Musus edi ɗa, sapa ktai a bara midini agulɗi bar.

¹⁶Amma won hlai na ɗif a bundasi arni li sin Epiɗ-ɗai ɗa, sapa hanɗa a mula edi.

¹⁷Epiɗ-ɗai ni a Seze, hlai na Seze na wiini Epiɗ-ɗai aŋ woni ɗa, pli n’edi aŋ woni lai.

¹⁸Tumu paŋ, na sapa armu gai biri kai, na mu ɗa tulutumu abai na wiini Epiɗ-ɗai maini war kotrom par ɵa na ɗa, sumu aga a bunda maini na wiini ɗa nɵa lai, ŋili na wiimu aga a riya amai wuzani sek sek. Hanɗa a sda na wiini Epiɗ-ɗai n’a seze ɗa.