Read Mousgoum 2 Korintekai 6 Bible Online

2 Korintekai 6 - Mousgoum bible

2 Korintekai 6

¹Tiyi ɗa, mi ɗi ɗai na mi zi sda gaini Alaw aŋ bonu, nɵa mi siiwiki ɓa ki yimi yum na wiini Alaw maini wala kadai ɵa kai.

²Buri Alaw a muɗa, ɓa: War mefeŋ na pɗem ɗa, mu ɵina tuwiku, war mefeŋ na wiini pli n’edi ɗa, mu luwuku ɗuwal lai. Tili, Girna ɗa a mefeŋ na pɗem mal; girna a mefeŋ na wiini pli n’edi mal.

³Tiyi mi firyi mi bindi aŋ wala zi dibi azi burini ɗif kai zaŋ, kapai ɗif a sɗa aŋ muɗa wala na meefeŋ sin sda na wiyi kai.

⁴Amma tiyi mi firyi mi siŋki siyi war wazagai paŋ ɓa mi ɗi ɗai zi sda na wiini Alaw, gaini libini seŋ na war gir, war haw, war hunai n’abai,

⁵war ɵiɓi, war daŋgai, war durkuzi, war sda zi gir, war feŋ na karyi, war tikini-sai,

⁶war hilu, war siɗi, war ziyini-seŋ gaini hangal, war pɗem, war Seze-sɗik, war diri na jre,

⁷war seŋ na jre, war spak na wiini Alaw, gaini wazagai zi hatam na wiini jre-ɗikat na ɗif a kiɗa a hitima gaini, gaini na ɗif a koto sini gaini lai.

⁸War kol gaini miisi, war yiki n’a wa pɗem, war yiki n’a wa pɗem kai lai, e tiliyi maiɗi ɗai zi nɵa, paŋ ktai mi ɗa jrekai.

⁹E tiliyi maiɗi ɗai n’e siɗiɗi kai nɵa, paŋ ktai e siɗiyi ya lai, maiɗi ɗa n’e mri na ɗa a mri ɵa, paŋ ktai mi ɗa karyi, maiɗi ɗai n’e siɗiɗi gir arɗi ɵa, amma gaini fiɗi edi kai;

¹⁰maiɗi ɗai na war kwimi nɵa, paŋ ktai mi ɗa war firiyi kûreɗ-kûreɗ, maiɗi ɗai na murgakai ɵa, paŋ ktai mi bindiɗi ɗai viya aŋ ɗai zi farai, maiɗi ɗai na walaɗi aŋ kai ɵa, paŋ ktai wazagai paŋ a wiyi.

¹¹Tiki marmakai na war Korinte, tiyi mi miɗi paŋ edi siki, gaini hangalyi, tiyi mi militi agulyi edi siki gaini futini lai.

¹²Hlai na buriki n’amlai warɗi agulyi ɗa, agwi kai, na ɓa a tala arki agwi ɗa, hanɗa a hiini na wiiki.

¹³Tiyana ɗa mu dara mu muɗa siki, maini na siɗi aliya nɵa, tiki lai, militi agulki edi edi abai mal buriyi tiyi lai.

¹⁴Ki zi bonu arbaki gaiɗi zi yimi kai, aŋ libi zug ktai kai, buri a wala n’a siɗa aŋ zuva kai. Buri ɓa jre-ɗikat gaini ɗikat-kai ɗa, a diŋgaŋ ɗa a ma ɗa? Zaw gaglai gaini gegeŋ ɗa, bonu ktai arbani ɗi?

¹⁵Kristu gaini Belial ɗa, a tipiɗi ɗa a ma ɗa? Zaw ɗif zi yimi gaini na zi yimi kai ɗa, n’a na arbaɗi ɗa a ma ɗa?

¹⁶tempel na wiini Alaw gaini alawai zi rgi ɗa, a tipiɗi ɗa a ma ɗa? Buri tiyi mi ɗi tempel na wiini Alaw na karni, maini n’Alaw a muɗaŋ ɗa nɵa: Aga mu sumna arbaɗi, mu paya arbaɗi lai; aga mu za aŋ Alaw na wiiɗi, nagai aga e zi aŋ ɗaiŋa lai. Epiɗ-ɗai a muɗa pra:

¹⁷Buri nɵa, niyisi edi arbaɗi par, ki ɓurwi edi siɗi par, ki titimi wala na hi-hir kai, Ta, aga mu yimiki sa lai.

¹⁸Aga mu bunda buriki aŋ Epiki, tiki aga ki bindi buriya aŋ aliya na maɵagai, gaiɗi na falakai lai, a muɗaŋ a Epiɗ-ɗai zi Spak paŋ.