Read Mousgoum 2 Korintekai 9 Bible Online

2 Korintekai 9 - Mousgoum bible

2 Korintekai 9

¹Pin seŋ na wiini tipini like na buriɗi ɗai na wiini Kristu ɗa, a wala na mu gai ɗû siki burini haw kai.

²Buri mu sɗa diriki ya, mu na kola sa buri hanɗa wuzaɗi ɗai na Makedoniya lai. Ɗai na Akaiya e ɗa gaini zizini, haa buza n’a vuga ɗa par, kurfuk na wiiki ɗa, a huguɗi ɗai viya aŋ za wala.

³Mu ɵiniɗiɗi tawalakai na ɗa, ɓa kapai firiyi na wiyi na buriki, a bunda edi aŋ wala kadai kai, buri maini mu muɗa ɗa ɵa, tiki lai aga ki simni gaini zizini;

⁴kapai won hlai na mu halaɗi li gaiɗi ɗai na Makedoniya par pa ɗa, na ɓa mi niviki gaini zizini kai ɗa, aga a bunda aŋ wala zi siyer burimu, - a dara a muɗa buriki tiki.

⁵Nɵa, a tala ara pɗem, buri mu huguɗi tawalakai aŋ hiliɗi ka wuza, aŋ tipi ka wazagai na ki hiini ɓa ki siŋ ɗa amai, kapai a tapa amai maini like zi diri nɵa, maini like n’e tirmiŋ gai tirmi nɵa kai.

⁶Buri ɓa, ni n’a suuɗa agwi, aga a haɗa agwi lai, ni n’a suuɗa abai, aga a haɗa abai lai.

⁷Asiya, asiya ɗi paŋ aga a sa maini n’a hiinaŋ warɗi agulni nɵa, gaini kwimi kai, gaini dewele kaalai. Buri Alaw a dara ɗa a ni n’a sa gaini firiyi ɗa.

⁸Alaw spakni a kiɗa buri a viki gaini wazagai na pɗamai paŋ, kapai war hli paŋ, wala a sɗa aŋ sûwiki kai, kapai ki kiɗi siɗi aŋ zini pin sda na pɗamai zamai zamai lai.

⁹Maini n’aŋ gai ɗû nɵa: A bakasi wazagai na pɗamai edi bak, a sa wiiɗi na murgakai, jre-ɗikat na wiini a na haa hlai n’a vada kai.

¹⁰Nɵa, ni n’a sa seyem wiini ni n’a suuɗa seyem, a sini ɓuk aŋ simi lai, ni aga a siki seyem, a riyaŋ amai, a wulaŋ lai, aga a riya alini jre-ɗikat na wiiki ɗa amai lai.

¹¹Nɵa aga ki zi aŋ ɗai n’e kiɗi burini like paŋ, ki kiɗi ki siŋki melkeki edi lai, nɵa viya aga e si tese sin Alaw, burini like na ki siŋyi tiyi buri mi kiŋɗi ɗa.

¹²Buri ɓa sdani like hanɗa, a va amai ɗa a wala n’a kiɗihiɗi ɗai na wiini Kristu ɗa ktai kai, amma a riya zini tese na sin Alaw amai a suwa pra.

¹³Pin pɗemni sda hanɗa, aga e si kol sini Alaw, buri yimi na ki yimi labar na pɗem na wiini Kristu papɗak, buri melkeki na ki tipi gaiɗi war jre, gaiɗi ɗai paŋ lai.

¹⁴Won hlai n’e siiwi buriki, e siiwi war diri n’abai, burini yum n’abai n’abai n’Alaw a zaŋ siki.

¹⁵Kol sin Alaw burini like na wiini n’abai, na ɗif a kiɗa aŋ muɗaŋ edi kai.