Read Mousgoum Galatekai 1 Bible Online

Galatekai 1 - Mousgoum bible

Galatekai 1

¹Paulus, apostel -n’e ɵiniŋ e ɗi ɗai kai, n’a zaŋ aŋ apostel ɗa a ɗif kaalai, amma a Yesu Kristu gaini Alaw Api, n’a ɵiyasi Yesu amai arbaɗi zi mri par,

²gaiɗi tawalakai paŋ n’e ɗagaya, sin tipi na war Galatiya.

³Alaw n’Apumu gaini Epiɗ-ɗaimu Yesu Kristu, siki yum gaini ɵeɗ.

⁴Yesu Kristu a sa sini dama edi burini tuwurmu, kapai a plumusi edi warɗi yai na maafini n tiyana ɗa par, pin dirini Alaw n’Apumu,

⁵ni na kol a wiini haa hlai n’a vada kai n’a vada kai.

⁶Bindi na ki bindi edi kokolai sini yiki n’Alaw a yikikisi kadai sini yum na wiini Yesu Kristu aŋ yimi labar a pɗem zamai ɗa a bundaŋ hiyak gara.

⁷Labar na pɗem hanɗa maa a labar na pɗem kai, amma ɗai zamai e ɗa yaw, n’e firyi e kiɗi dûrgûzi arbaki lai, e ɓilki labar na pɗem na wiini Kristu ɗa edi lai.

⁸Amma koo ɓa mi tiyi dama ɗi, koo ɓa a ɗif zi ɵeŋ na ar fuŋ n’Alaw par ɗi, na ɓa a halasi a ɓaka siki a labar na pɗem na mi ɓikiŋ avut ɗa kai ɗa, tusa a sumna midini dam.

⁹Mi miɗiŋki duk ya, mu waya mu muɗaŋ tiyana pra, na ɓa ɗif a ɓaka labar na pɗem zamai siki n’a kata gaini na ki niviŋ kai ɗa, a zuva ɓa tuusa a sumna midini dam.

¹⁰Tiyana mu fuɗa was na ɗa ɓa kapai ɗai e kuliŋa zaw Alaw a kolaŋa ɗi? Mu paya na ɓa ɗai e diriŋa ɗi? Mu paya fu n’a pɗem n’rbaɗi ɗai ɗa, mu za aŋ ɵeŋni Kristu kai.

¹¹Tawalakaya, mu dara mu miɗiki: Labar na pɗem na mu ɓaka siki ɗa, a miɗi na wiiɗi ɗai kadai kai.

¹²Buri ɓa ta dama mu navaŋ sini ɗif par kaalai, mu hitraŋ sini ɗif par kaalai, amma a siŋkaŋa ara ɗa a Yesu Kristu.

¹³Tiki ki sini midini payai na mu naka warni aɗipaar pin yimi na wiiɗi Yudeyakai ɗa, mu ziɗi gir wiiɗi tipi na wiini Alaw a suwa pɗemni, hlai n’e ɗa woni mu fuɗa was aŋ tuuraŋ edi lai.

¹⁴Pini yimi na wiiɗi Yudeyakai, mu hala wuza mu sûwiɗi mara zi vna na war pinzibaŋa ɗa, mu firya ɓa ɗif a muɗa meefeŋ sin gadai na wiiɗi tamaiya kaalai.

¹⁵Won hlai n’a tala arni Alaw pɗem, buri a varaŋa edi war gutɗi ama par, a yikaŋa pin yum na wiini,

¹⁶aŋ siŋka ahini edi gaya, kapai mu ɓaka edi midini maini labar na pɗem nɵa, siɗi pinziba na zamai ɗa war hlai ni tizaw mu zilb hiinini ɗif ktai kai.

¹⁷Mu hala amai a Yeruzalem siɗi apostelai na wuza par kaalai, amma mu hala edi war Arabia, asakal par mu waisi war Damaskus pra.

¹⁸Buza hu asakal hanɗa, mu hala amai a Yeruzalem, aŋ tala Kefas, buri mu sɗaŋ kai. Mu sumna ahani mefeŋ doogo pi ɵim.

¹⁹Mu sɗa apostel zamai kai, sai Yakob na tawalni Epiɗ-ɗai tar,

²⁰Seŋ na mu ɗoŋ siki na ɗa, mu muɗaŋ na ɗa wuzani Alaw, mu za ɗa a eles kai.

²¹Asakal par mu hala midini afti na Siriya gaini na Kilikiya.

²²Amma tipi na wiini Kristu na war Yudeya e siɗiŋa ka duk kai,

²³amma e ɵini ɗa ɓa ni na ɗipar a naka a zumu gir ɗa, tiyana a bunda a ɓaka labar midini yimi n’a naka a firya a tuuraŋ edi ɗa.

²⁴E si kol sini Alaw buriya lai.