Read Mousgoum Efesekai 3 Bible Online

Efesekai 3 - Mousgoum bible

Efesekai 3

¹Buri hanɗa, ta Paulus, ɗif zi daŋgai na wiini Kristu Yesu, buriki tiki pinziba na zamai.

²Na ɓa tiki ki ɵini duk ya midini gdaŋni yum n’Alaw a saŋ ta buriki,

³wazagai zi ŋoyai hanɗa a sa sa war wala zi siŋki, maini na mu ɗoɗi siki agwi na ɗa ɵa.

⁴Won hlai na kiɗa ŋiŋ ɗa, aga ki siɗi siɗiŋa na midini wazagai zamai na war Kristu ɗa,

⁵Wazagai zi ŋoyai hanɗa daga siɗi ɗai war vna zamai zamai ɗa, maini seze a na siŋka edi tiyana wiiɗi apostelai na sɗik gaiɗi ɗai na min Alaw nɵa kai,

⁶Hanɗa ɓa pinziba na zamai ɗa, bulumɗi gaiɗi Yudeyakai ktai, e ɗi si ktai gaiɗi, ɵinini ha ɗa a wiiɗi lai war Yesu Kristu, pin labar na pɗem,

⁷na ta mu bunda aŋ ɵeŋ buri hanɗa, pin like zi yum n’Alaw a saŋa, pin sdani zi spak.

⁸Sa ta, n’agwi asakal piɗi na sɗik paŋ, yum hanɗa a sa sa, buri mu ɓaka siɗi pinziba na zamai, der n’abai n’aŋ war Kristu aŋ labar na pɗem,

⁹aŋ siŋka edi arbaɗi ɗai paŋ, gaglai, vi n’amai na wiini wazagai zi ŋoyai n’a naka gaini ŋûyi cok war Alaw n’a rga wazagai paŋ;

¹⁰kapai tiyana ɗa, gaiɗi tipi ɗa, yel na wiini Alaw a sɗa aŋ siŋka edi gaiɗi abaini paŋ, siɗi paakai gaiɗi zi spak n’arbani hlai n’amai.

¹¹Pin plaŋ n’a zaŋ war Yesu Kristu, Epiɗ-ɗai na wiimu haa hlai n’a vada kai par.

¹²War ni gaini yimi na war ni lai ɗa, mu ɗumu gaini yimi na'a kiɗa, buri a turumusi sin Alaw gaini hunai kai gaini giriŋi kaalai.

¹³Mu siiwiki, buri ki bi arai zi na wiiki edi buri gir na mu na sɗaŋ burik ɗa kai, buri hanɗa a kol na wiiki.

¹⁴Buri nɵa, mu pa kurnaiŋa azumai wuzani Api,

¹⁵na pakatai paŋ, war hlai n’amai, azumai midini afti lai a za sini par,

¹⁶kapai a siki piɗi abaiɗi abaini, aŋ bindi gdaŋai, gaini spak lai, gaini sezeni, kapai ɗif n’amlai warki ɗa a nava gdaŋ,

¹⁷a zuva ɓa Kristu a sumna amlai warki pin yimi a zuva ɓa ki rivi sirdai, ki pi azumai gdaŋ lai war diri,

¹⁸kapai ki kiɗi aŋ siɗi gaiɗi ɗai na sɗik paŋ brukni gaini mogoni gaini hulumni gaini wilini n’amai sek ɗa lai,

¹⁹ki siɗi dirini Kristu n’a suwa siɗi paŋ ɗa lai, haa tiki ki vi amai war siɗi na hulum na wiini Alaw paŋ.

²⁰Sin ni n’a kiɗa, pin spakni n’a na za sda warni lai, a za wala haa a suwa na mu zulbuŋmu, zaw na mu hiinuŋmu lai ɗa;

²¹sin ni, kol sin tipi, war Kristu Yesu lai, sin vna n’asakal sek, haa hlai n’a vada kai, n’a vada kai. Amen.