Read Mousgoum Efesekai 6 Bible Online

Efesekai 6 - Mousgoum bible

Efesekai 6

¹Tiki aliyagoi ki gidi piɗi tamaiki war Epiɗ-ɗai, buri ɓa hanɗa woɗi futini.

²Sini hormo wiini apuku gaiɗi amuku. - Hanɗa a gadai n’avut na gaini ɵinini ha pini ɗa-

³Zlinini-ha hanɗa ɓa: kapai ku nava pɗem, ku nava suŋfa na mogo midini afti.

⁴Tiki tamai na maɵagai, ki ɓilkiɗi agulɗi aliki kai, amma aga ki wûliɗi amai war hitrai gaini gadai na wiini Epiɗ-ɗai.

⁵Tiki ɗai zi sda, ki gidi piɗi abakaiki na war neŋ-si war hormo gaini jiriyi, war agul zi hûsi maini pin Kristu nɵa.

⁶Hanɗa aga ki ziŋ pin arɗi kai, maini na ɓa ki ziŋ na ɗa pin juf n’arɗi ɗai nza kai, amma maiɗi ɗai zi sda na wiini Kristu, n’e zi pin dirini Alaw gaini agulɗi paŋ.

⁷Ki zi sda gaiɗi agulki paŋ, maiɗi ɗai zi sda na wiiɗi ɗai nɵa kai, amma na wiini Epiɗ-ɗai.

⁸Buri tiki ki siɗi lai ɓa, asiya asiya ɗi paŋ koo ɓa a bege zaw a kempe ɗi sda na pɗem n’a zaŋ paŋ ɗa, Epiɗ-ɗai aga a virgiŋni.

⁹Tiki abakaiɗi ɗai zi sda, ki zi siɗi ɗaiki zi sda nɵa lai. Ki miɗiɗi seŋ nagadaŋ kai, buri ki siɗi ya ɓa, Epin-gezaɗi nagai lai, na wiiki lai a na amai war fuŋ-n’Alaw, ni a ɓurwa arɗi ɗai kai.

¹⁰Buri n’a hina paŋ ɗa, ki bindi gdaŋai war Epiɗ-ɗai, war spakni n’abai ɗa lai.

¹¹Ki wi wazagai zi gaw na wiini Alaw paŋ siki, kapai ki siɗi aŋ ɗiyi wuzani yel na wiini mat pa.

¹²Buri mu hutumumu na ɗa sin fel gaini neŋ-si kai, amma siɗi paakai n’arbani hlai n’amai, gaiɗi zi spak gaiɗi n’abakai n’e ŋi na war gegeŋ hanɗa, sini seze na maafanai n’rbani hlai n’amai.

¹³Nɵa ɗa, ki mili wazagai zi gaw na wiini Alaw paŋ siki, kapai ki siɗi aŋ ɗiyi min hatam min mefeŋ na meefeŋ, kapai won hlai na ki vidi li paŋ ɗa, ki tili siki gdaŋ aŋ warki ɗai.

¹⁴Nkam, ɗiyi pɗem, ki niggi wuzaki gaini jre, ki wi safaya zi gaw na wiini jre-ɗikat paɵaki,

¹⁵kurfuk na wiini ɓikini labar na pɗem na wiini ɵeɗ ɗa, ki wiŋ eziki maini harabak nɵa,

¹⁶War hlai paŋ ki mili gamar na wiini yimi tiki, gaini hanɗa ki siɗi aŋ ciki ɓaraw zi masnaw na wiini na meefeŋ edi.

¹⁷Ki piti cuki zi gaw na wiini kûri miɗiki, ki tiki kaɵkar na wiini seze lai, hanɗa a seŋ n’Alaw.

¹⁸Ki siiwi kureɗ war seze, siiwaki paŋ gaini tuwiki a sin Alaw paŋ nɵa lai. Buri hanɗa, ki simni karki, ki siiwi kûreɗ-kûreɗ, buriɗi na sɗik paŋ;

¹⁹buriya ta lai, kapai won hlai na mu mala ma li amai aŋ muɗa edi midini wala zi ŋoyai n’aŋ war na pɗem gaini kurfuk ɗa, seŋ a sasi war ma.

²⁰Ta mu ɵeŋ burini labar na pɗem, amma burini hanɗa m’aŋ war jaɓ, ki siiwi kapai mu muɗa edi midini ɗa gaini kurfuk, maini n’a juva ɓa mu muɗ ɗa nɵa.

²¹Kapai tiki lai, ki siɗi mu na maɵa ɗa, mu za na ɗa a maɗa lai ɗa, Tikikus n’a tawal zi diri war Epiɗ-ɗai, a ɵeŋ z'amana lai, aga a miɗiki midini hanɗa paŋ.

²²Mu ɵinaŋɗi siki na ɗa ɓa kapai ki siɗi na siyi ɗa, kapai a skiarai zi pi lai.

²³Alaw Api gaini Epiɗ-ɗaimu Yesu Krsitu e siɗi ɵeɗ gaini diri gaini yim lai wiiɗi tawalakai.

²⁴Nagai paŋ n’e diri Epiɗ-ɗaimu Yesu Kristu war diri n’a ɓilka edi kai ɗa, yum na wiini Alaw a sumna gaiɗi.