Read Mousgoum Filipekai 2 Bible Online

Filipekai 2 - Mousgoum bible

Filipekai 2

¹Na ɓa arai zi pi a na war Kristu ɗa, na ɓa ɵeɗni diri a na ɗa, na ɓa tipi na ktai na war Seze a na za ɗa, na ɓa diri gaini hiinini haw a na za lai ɗa,

²ki vi firiyi na wiya amai, won hlai na hiini a na ktai, a zuva ɓa diriki a za ktai, agulki ktai, hiini ktai lai.

³Ki zi wala burini hirak kai, burini kûlûni-si kadai kaalai. Amma war hûsi, ki tiliɗi na zamai ɗa abakai e sûwiki tiki.

⁴Hina ɗif a paya ɗa a wazagai na pɗamai burini sini dama kai, amma aga a paya a wazagai na pɗamai buriɗi na zamai.

⁵Hini hiini n’aŋ war Yesu Kristu a sumna arbaki lai:

⁶Ni n’a naka ɗa a Alaw jre jre, A ŋa sini na kata gaini Alaw kal kal aŋ der n’a sɗa aŋ hina kai nɵa kai.

⁷amma gaini midini dama a hina hanɗa paŋ edi, a bunda sini aŋ bege jre jre a bunda kal kal maiɗi ɗai nɵa, sini a tala maini ɗif nɵa,

⁸Ni gaini midini dama a hosa sini azumai, a gada haa sin mrini ta, mri n’amai sini luwuŋ zi dagra.

⁹Buri hanɗa Alaw a sitini abai n’amai, a sini yiki n’a suwa yiki paŋ

¹⁰Kapai war yikini Yesu ɗa, kurnai paŋ aga a hurga azumai, amai war hlai-n’amai, azumai midiɗi yai, azumai piɗi yai lai.

¹¹kapai meme paŋ a sɗa, ɓa Yesu Kristu a Epiɗ-ɗai, a kol na sini Alaw Api.

¹²Nɵa, tawalakai zi diri gara, maini na tiki ki ɵini ma kûreɗ-kûreɗ, burini na ɓa mu nafu arbaki ktai kai, amma tiyana ma mu na arbaki kai ɗa lai, ki zi sda burini kûri na wiiki war hunai garni ziriyi lai.

¹³Buri ɓa Ni n’a za warki aŋ dara sda na pɗem, aŋ zaŋ lai ɗa a Alaw, pin diri na wiini.

¹⁴Ki zi wazagai paŋ gaini ŋuriyi kai, gaini sispai kaalai.

¹⁵Kapai ki zi aŋ ɗai a seŋ midiɗi kai, hilu, alini Alaw gaini meefeŋ siɗi kai, arbaɗi pinziba na gaini fi, na maafanai, na ki ŋili arbaɗi maini gaglai na wiiɗi yai nɵa,

¹⁶Ki siŋki seŋ zi suŋfa, kapai mefeŋ na Kristu aga a waisi ɗa, hanɗa aga a za aŋ kol na wiya. Nɵa luwi na mu na lawa ɗa aga a za aŋ wala kadai kai, kayai na mu kaya ɗa kadai kaalai.

¹⁷Amma koo ɓa e yimiŋa maini ɓaka zi vin n’e tipiŋ gaini ɓaka na wiini yimi na wiiki ɵa tekeɗeɗi, mu firya burini hanɗa, mu firya gaiki paŋ.

¹⁸Nɵa tiki lai ki firiyi buri hanɗa, ki firiyi gaya ta.

¹⁹M'aŋ gaini hiini war Epiɗ-ɗai Yesu ɓa, agwiya aga mu ɵinaɗi Timotewus siki, kapai mu navasi labar na siki par li ɗa, hangala a sɗa aŋ tika azumai.

²⁰Buri ɗif ktai n’a hiiniki maya ɵa aŋ kai, na seŋki a kiɗa a fiɗini sini maya ɵa aŋ kaalai.

²¹Buri ɓa na zamai paŋ ɗa e piyi ɗa a pɗem na wiiɗi, a na wiini Yesu Kristu ɗa kai.

²²Amma ni a siŋkumu edi ɓa, a na maiɗi nagai ɵa kai, a za sda gaya maini ahi n’aŋ gaini epini nɵa, maini bege nɵa war ɓikini labar na pɗem.

²³Nɵa mu hiina ɓa aga mu ɵinaŋɗi siki, na ɓa seŋŋa ɗa a ɵa li edi ara gaglai su ɗa.

²⁴War Epiɗ-ɗai, mu yima ɓa, ta dama aga mu halaɗi siki gobi.

²⁵A tala ara pɗem lai buri mu wiyikiɗi Epafrodit, na tawala, na maya zi sda, maya na war hatam lai, apostel na tiki ki ɵiniŋsi sa buri a zina pa war hajaŋa paŋ.

²⁶A firya ɓa a tiliki gai hlaiki paŋ, n’a fiɗini sini a suwa paŋ buri ki ɵini ɓa a nafu veglek.

²⁷Veglek a yimaŋ jre, jre ɵa, a nafu gobi gaini mri, amma Alaw a hiina haw burini, burini ni kiini kai, amma buriya ta lai, kapai girŋa a riya amai a suwa kai.

²⁸Mu ɵinaŋɗi witaw na ɗa, ɓa kapai ki tiliŋ li ɗa, ki firiyi abai a suwa pra, ta lai mu kwima gara kai.

²⁹Ki yimiŋ siki war Epiɗ-ɗai gaini firiyi, ki siɗi hormo wiiɗi ɗai a mai hanɗa nɵa ɗa.

³⁰A nafu gobi a mra burini sda na wiini Kristu, a dara a ɓa suŋfani ta, kapai a va balamki amai war sdaki na ki ziŋ ɗa.