Read Mousgoum Kolosekai 2 Bible Online

Kolosekai 2 - Mousgoum bible

Kolosekai 2

¹Buri nɵa mu dara ɓa ki siɗi hatam n’abai na mu na hitimaŋ buriki, buriɗi ɗai na war Laudikeya lai, buriɗi nagai paŋ n’e tiliŋa ka duk kai ɗa lai,

²kapai nagai e nivi arai zi pi, e tipi amai gaini futini war diri, gaini vi amai pulmuɗuk war siɗi, kapai e siɗi wala zi ŋoyai na wiini Alaw, a dara muɗa Kristu.

³Ni na wazagai na pɗamai na wiini yel gaini siɗi paŋ aŋ gai ŋûyi warni.

⁴Mu muɗa hanɗa ɓa kapai ɗif a rhiki edi gaini seŋ zi miɗi na pɗamai kai.

⁵Buri ɓa na ɓa mu na arbaki war neŋ-si kai tekeɗeɗi, war seze mu na gaiki, won hlai na mu tala simniki na pɗem gaini yimiki na gdaŋ na war Kristu.

⁶Buri nɵa, maini na ki yimi Epiɗ-ɗai Yesu Kristu ya nɵa, ki piyi warni ni lai.

⁷Ki pi sirdai warni ni, ki ɗiyi gdaŋai warni yimi, maini na e hitiriŋkisi ɗa nɵa, ki si tese sin Alaw abai a suwa a suwa. Gaini zini tese abai gara.

⁸Ki zi hangal kapai ɗif a bindiki aŋ walani gaini hitri zi rhai na wala warni kai ɗa kai, gaini de na wiiɗi ɗai kai, gaini wazagai na wiiɗi yai, amma gaini Kristu kai ɗa kai.

⁹Buri ɓa vi n’amai na wiini Alaw na gaini abaini ɗa a wa sini.

¹⁰Tiki ki nivi paŋ war ni, ni n’a humok na wiiɗi pai paŋ, na wiiɗi abai paŋ lai.

¹¹War ni, tiki lai ki nivi ɵini-gurgle n’a za gaini tini ɗif kai, a na war kuɵi n’edi na wiini amur-si kai, amma a ɵini-gurgle na wiini Kristu.

¹²Tiki ki pi azumai gaini war baptisme, ki ɵiyisi amai gaini ktai lai, buri tiki ki yimi pin sda n’Alaw a zaŋ war ɵiyi n’a ɵiyaŋsi arbaɗi zi mri par.

¹³Tiki na ki ɗa gaini mri burini meefeŋ na wiiki, gaini ɵini-gurgle kai na war neŋ-siki, Alaw a bindikisi karki gaini ni, a hinumu tuwurmu paŋ lai.

¹⁴A haza maktuɓ zi pi seŋ mudumu, n’a ɗosi pin gadai ɗa edi, a tikaŋ, a hag'aŋ amai sin luwuŋ zi dagra.

¹⁵A koɵa wazagai zi gaw na wiiɗi paakai gaiɗi n’abakai edi, a siŋkiɗi edi arɗi ɗai papɗak, kapai ɗai e riyi piɗi, a tipiɗisi pini war vok na wiini rɗini n’amai n’amai sini dagara.

¹⁶Tiyana par ɗa, ki hini ɗif a ɗûkliti sariya miɗiki burini wala na ki simiŋ gaini na ki ciŋ ɗa kai, gaini senŋi fet kai buri merfeŋni tile zaw Sabbat kaalai.

¹⁷Hanɗa paŋ ɗa a hmir-hmirni wazagai n’aga a halasi, amma wala n’a na jre jre ɗa a sini Kristu ɗa.

¹⁸Ki ɓilki hiiniki buriɗi ɗai n’e firyi e hûsi siɗi azumai zaw, n’e siiwiɗi ɗai zi ɵeŋ na war fuŋ n’Alaw pin wala n’a siŋka arɗi ɗa kai. Nagai e vi gaini kûlûni-si war hiini na wiini neŋ si kadai.

¹⁹Nagai ɗa e niggi sini humok na gaini ni si na gai tipi gai futini war gaɵ gaini sirdai n’aŋ sini paŋ, a wula amai war wuli na sini Alaw par ɗa kai.

²⁰Na ɓa kiɗa gaini mri gaini Kristu sini wazagaiɗi yai ɗa, tiki ki piyi maiɗi ɗai na warɗi yai nɵa buri ma ɗa? Ki wi siki katawai azumai pin gadai na ɓa:

²¹" Ku tika wala hanɗa kai, ku titima wala hanɗa kai, ku tika tuku sin wala hanɗa kai."

²²Hanɗa paŋ a wazagai n’aga a vada edi pin sda na ɗif a na zaŋ gaini ɗa, hanɗa a seŋ zi gadai gaini hitirai na wiiɗi ɗai,

²³A jre, a tala arɗi ɗai ɗa maini yel ɵa, - siiwi na pin dirini ɗif, hûsini-si, siɗini gir na wiini amur-si, - na war jre kai tiɓa ɗa a nafa wala ktai kai, a zina ɗa pini vi n’amai na wiini dirini neŋ-si ɵa.