Read Mousgoum 1Tesalonikekai 1 Bible Online

1Tesalonikekai 1 - Mousgoum bible

1Tesalonikekai 1

¹Paulus gaini Silvanus gaini Timotewus, sin tipi na wiiɗi Tesalonikekai na war Alaw Api, gaini na war Epiɗ-ɗai Yesu Kristu, Alaw a siki yum gaini ɵeɗ

²Tiyi mi ɗa si tese sin Alaw buriki paŋ kûreɗ-kûreɗ, mi ɗa yiki yikiki war siiwa lai. Kureɗ,

³midiyi a kɵa gaini sda n’a siŋkiki edi: sda na wiini yimi gaini sda zi diri, gaini siiki na war biyi-na-pin-ɵeɗ na wiini Epiɗ-ɗaimu Yesu Kristu, wuzani arni Alaw, n’Apumu.

⁴Tawalakai n’Alaw a diriki gara, tiyi mi siɗi ɓa ki ɗi zi viri n’edi.

⁵Burini labar na pɗem na wiyi a coɗi siki war seŋ kadai kai, amma gaini spak, gaini Seze-sɗik gaini vi amai pulmuɗuk war jre, buri ɓa tiki ki siɗi payai na mi piyiŋ arbaki aŋ pɗem na wiiki.

⁶Tiki gaini miɗiki dama ki tiki eziyi, tiyi gaini Epiɗ-ɗai, ki yimi seŋ n’Alaw arbani gir viya, gaini firyi, na sini Seze-sɗik par,

⁷nɵa ki bindi aŋ wala na ɗai e tili sini, buriɗi zi yimi na war Makedoniya gaiɗi na war Akaia paŋ.

⁸Buri ɓa ahaki par, wulani seŋ na wiini Epiɗ-ɗai a wasi edi, war Makedoniya gaiɗi Akaia kiini ktai taaha kai, yimiki na war Alaw ɗa a siŋka edi war hlai paŋ, haa tiyi jaayi buri mi miɗi seŋ midini kai.

⁹Ɗai e ɗa miɗi labar midiyi, midini yimina ki yimiyi ahaki ɗa, gaini bindi na ki bindisi sin Alaw, ki hinisi alawai zi rgi edi, aŋ zi ɵeŋni Alaw na karni, na jre, maiɗi bagakai nɵa,

¹⁰aŋ baiya Ahini n’a na halasi amai war fuŋ-n’Alaw par, ni n’a ɵiyaŋsi amai arbaɗi zi mri par, Yesu, aga a plumu edii min hiy n’a na halasi.